رواية منتقبة في عائله مودرن الفصل الثاني 2 - بقلم هنا وليد

مرت الأيام على وتين كعادتها، تستيقظ لعمل الإفطار، ثم تذهب إلى الجامعة، ثم تعود لتنظيم البيت. مرت الأيام عليها هكذا، لا شيء جديد. الهام: انتي يا زفتة، بقولك إيه، مش عايزة أشوف خلقتك النهاردة. وتين: ليه بس؟ الهام: نرمين، وألف حمد وشكر ليك يا رب، جايلها عريس. وتين بفرحة: بجد؟ ألف مبروك. ثم أكملت: أنا هخرج. الهام بقرف: عشان مش عايزة تبوظي الجوازة. وتين بحزن: وأنا هبوظها ليه بس؟ دي أختي.

الهام: الشويتين بتوعك دول مش عليا، ثم إنك نحس، ودا واحد متربي، مش عايزين نضيعه من إيدينا. وتين بحزن: حاضر. ثم ذهبت وتين لغرفتها، فهي تعودت على هذه المعاملة منذ وفاة والدها. *** نذهب لمكان آخر. "انتي مش قولتي يا زفتة إنك لقيتيها؟ "أنا قولت لحضرتك إني عرفت المكان، بس أنا مش لاقيلها أثر، إن شاء الله هلاقيه في أقرب وقت." بصوت جهوري: "انتو يا بهايم اللي بره! تجمعت مجموعة من الحراس ذوي الأجسام الضخمة.

"اسمعوا، هو هيقولكم إيه، وتنَفذوا بالحرف، فاهمين؟ ومش عايز أشوف وشكم غير لما تجيبوها." الجميع: "حاضر يا فندم." ثم رحل الجميع. "يا ترى إنتي فين؟ نفسي أنفذ الوصية قبل ما أموت." *** عند وتين. رن جرس الباب، فذهبت الهام لتفتح. الهام: أهلاً وسهلاً، اتفضل. فدخل الشخص غرفة الاستقبال وجلس فيها. نرمين بهمس لـ الهام: الله يا ماما، هو ده العريس؟ ده أمور أوي. الهام: لا مش هو، بس دا أحلى منه وشكله أغنى كمان، يلا على بركة الله.

نرمين بفرحة: الحمد لله. دخلت الهام الغرفة. الهام: إزيك يا ابني عامل إيه؟ الرجل (أحمد) : تمام الحمد لله. الهام: طيب تحب نتكلم في أنهي تفاصيل، ولا تشوف العروسة الأول؟ أحمد باستغراب: عروسة إيه؟ أنا مش فاهم حاجة، أنا مش جاي أتجوز. الهام: أمال جاي ليه؟ أحمد: أنا كنت عايز... الهام بعصبية: ليه إن شاء الله؟ *** يا ترى هو كان عايز إيه؟ وهما بيدوروا على مين؟