رواية منتقبة في عائله مودرن الفصل الثالث 3 - بقلم هنا وليد

احمد… انا كنت عايز الآنسة وتين السيد محمد. الهام بعصبية… لي إن شاء الله؟ احمد… أنا عايزها. الهام بنرفزة… طيب. ذهبت الهام إلى غرفة وتين بعصبية شديدة. الهام وهي ممسكة بشعر وتين… إحنا كش هنعرف نرتاح بقا، عايزين نعيش ع وش الدنيا وإنتي واقفالنا زي الحيطة السد، كل الجاي عايزك إنتي. وتين بدموع… أنا معملتش حاجة والله، أنا مش فاهمة حاجة.

الهام… دلوقتي في واحد بره عايزك، أنا هخرج وأقوله إنك مش عايزة تقابليه، ولو فتحتي بوقك دا شوفي هيحصل فيكي إيه. وتين ببكاء… حاضر، أنا مش هعمل حاجة. خرجت الهام من غرفة وتين وذهبت لغرفة الاستقبال. احمد… أمال فين الآنسة وتين؟ الهام ببرود… مش عايزة تقابل حد، اتفضل خد الباب في إيدك. خرج احمد من المنزل ورجع من حيث أتى. (باردة أوي الولية دي) *** هي فين؟ إنت مش قولتلي هتجيبها… مرضيتش تقابلني… يعني إيه مش راضية بالذوق؟

بالعافية لازم تيجي. *** بعدما ذهب احمد من المنزل، كانت تجلس الهام مع ابنتها نرمين. نرمين… ماما بقولك إيه، البت دي لازم تمشي من هنا. الهام بخضة… تمشي فين؟ نرمين… إيه يا ماما مالك؟ تمشي من هنا، بصراحة بقا أنا زهقت ومش كل شوية تحصل لي مصيبة أو مشكلة من تحت راسها، نفسي أمشي بقا من المكان المعفن دا، مش كنتي شفتيلنا واحد غني شوية تتجوزيه بدل الراجل دا، وكمان سايبالنا بلوة وراه. الهام… حظي بقا يا أختي.

ثم أكملت… بس حلو موضوع نطردها دا، بس فيه مشكلة. نرمين بزهق… إيه تاني؟ نرمين بشر… أنا عندي فكرة. الهام… إيه؟ نرمين… هنعمل… الهام بسعادة… يا بنت اللذين، طالعة لأمك صحيح.