رواية منتقبة خطفت قلبي بعيونها الفصل الأول 1 - بقلم جاسمين محمد

ياسمين قامت اتوضت وصّلت الصبح وقعدت قرأت قرآن شوية وقامت لبست دريس أبيض ومخطط أزرق ولبست نقابها الأزرق وطلعت. ياسمين: صباح الخير يا ست الكل. امل: صباح النور يا روحي، رايحة فين كده على الصبح؟ أنتي النهاردة إجازة من الشغل. ياسمين: بصراحة حبيت أغير جو شوية، فهروح مع منه الجامعة بتاعتها. امل: ومنه وافقت إنك تروحي معاها إزاي؟ منه: يا ماما أنا جعانة. امل: يا بت اتلمي، اسمي ماما.

منه: لا والله، أشمعنى ياسمين لما بدلعك مش بتتكلمي معاها؟ ولا أنا كده يعني؟ امل: يا ريت تكوني ربع ياسمين. منه: ماما، أنتي عارفة إني مش بحب الكلام ده ومش بحب أبقى زي حد، وعاجباني شخصيتي كده. ياسمين: ماما كانت بتهزر معاكي، اهدي متتعصبيش. المهم يا ماما أنا جعانة وعايزة أفطر قبل ما أمشي. امل: حاضر يا قلبي، ربع ساعة والفطار يكون جاهز. تعالي معايا يا منه نجهز الفطار. منه: أشمعنى أنا؟ متخديها هي معاكي.

امل: بس اهدي خلاص. هروح أجهز لوحدي. الراعي هنا عقبال ما أجهز وأجي. *** ياسمين: منه حبيبتي، غلط تتعصبي على ماما كده. منه: ياسمين، لو سمحتي، أنا مش محتاجة حد يعلمني الصح من الغلط، أنا عارفة كويس أنا بعمل إيه. ياسمين: طيب، اهدي طيب. يا بت أنتي هتتخانقي مع أختك الكبيرة ولا إيه؟ منه: لا والله، أنتي عارفة إني مش بخاف من نظرتك دي، فريحي نفسك. ياسمين: بجد؟ طيب كده؟ منه: ههههههه، ولا دي مش بخاف خالص، وأنتي عارفة.

ياسمين: والله عيلة واطية، المفروض تحترميني شوية. منه: لا، وأنتي عارفة. المهم شغل إنك بتقعدي تنصحي البنات بالصح والغلط، يا ريت ميشتغلش في الجامعة ولا مع زمايلي عشان منزعلش مع بعض، أنتي سامعة؟ ياسمين: لاحظي إنك بتكلمي أختك الكبيرة، وإن شاء الله حاضر. لبني: صباح الخير يا بسبوستي! إيه القمر ده؟ (وجرت حضنتها) ياسمين: قلب بسبوستك والله. صباح الورد يا أوردتي الجميلة. لبني: أنتي رايحة فين كده انهاردة؟

إجازتك وأنتي هتقعدي معايا؟ ياسمين: زي بعضه، النهاردة هروح مع منه الجامعة، وكمان أنتي عندك مذاكرة كتير فلازم تذاكري. لبني: أنا سهرت الليل كله عشان أخلص مذاكرتي عشان أقعد معاكي اليوم كله ونخرج سوا. ياسمين: يا روحي أنا، طيب بصي، هروح معاها وبوعدك هاجي بدري عشان أقعد معاكي ونخرج سوا، إيه رأيك؟ لبني: وعد؟ ياسمين: وعد يا وردتي. امل: وعد إيه اللي بتتكلموا عليه؟ ياسمين: إني هروح مع منه وأجي أقعد وأخرج شوية مع وردتي.

امل: ربنا يخليكي لينا يا روحي، وربنا يسعدك ويريح بالك ويرزقك بابن الحلال اللي يسعدك ويفرحك. ياسمين: يارب، بس آخر دعوة دي لسه بدري عليها. أنا مش هتجوز غير لما أطمن عليهم هما الاتنين مع اللي هيسعدهم، واحتمال أفضل قاعدة معاكي. منه: مخلصتوش ولا إيه؟ الجو ده، يلا عشان ناكل ونمشي. ياسمين: بسس، يلا نفطر عشان نمشي. *** أحمد: هو عمر لسه نايم ولا إيه يا انتصار؟ انتصار: أيوه يا أستاذ أحمد، لسه نايم.

أحمد: طيب اطلعي صحيه عشان هيروح الجامعة ويجيلي المكتب، عندنا شغل النهاردة. انتصار: حاضر، هطلع أصحيه. بوسي: صباح الخير يا حبيبي. أحمد: صباح الخير يا قلبي. بوسي: شغل إيه النهاردة؟ مش المفروض عندك إجازة انهاردة؟ أحمد: آه، بس فيه اجتماع مهم لازم نعمله النهاردة. بوسي: آه، ربنا يوفقك يا حبيبي. ملك: صباح الخير لأحلى عصافير الحب. أحمد: صباح الورد يا قلب بابا. ملك: هو أنا قطعت كلام الحبيبة ولا إيه؟ ممكن أروح وأرجع شوية كده؟

أحمد: بت، اتلمي بقى! أمك خدودها حمرا زي التفاح. ملك: الهووووي، بوسي! أنتي لسه بتتكشفي لحد دلوقتي؟ بوسي: بت، اتلمي ويلا اقعدي عشان تفطري وتمشي على الجامعة. ملك: حاضر، هقعد. بوسي: قمر أنتي. *** انتصار طلعت وقعدت تخبط على عمر لحد ما صحي ورد عليها. انتصار: عمر يا ابني. عمر: أيوه يا دادا، ادخلي. انتصار: أستاذ أحمد عايزك تحت. عمر: تمام، قوليله هلبس وأنزل. انتصار: تمام يا ابني، بعد إذنك. عمر: اتفضلي يا دادا.

(عمر قام أخد دش ولبس البدلة الزرقا وبيبص في الفون بتاعه لقى سارة رنت عليه كذا مرة، مرداش يرد عليها وراح نازل تحت) عمر: صباح الخير. الكل: صباح النور. عمر: بابا، كنت قايل لـ دادا إنك عايزني. أحمد: آه، أنتي عندك كام محاضرة النهاردة؟ عمر: عندي اتنين. أحمد: هتخلصي على إمتى كده طيب؟ عمر: ممكن على الساعة اتنين، ليه في حاجة؟ أحمد: آه، عندنا اجتماع الساعة 3 ونص وعايزك عشان هتظبطلي حاجة في المشروع.

عمر: تمام، بس فين السكرتيرة الخاصة بتاعتك اللي بتقعد تحكيلنا عليها؟ أحمد: خدت إجازة النهاردة. عمر: تمام، أنا رايح الجامعة. بوسي: مش هتفطر يا حبيبي؟ عمر: هبقى أفطر هناك، سلام. بوسي: تمام يا حبيبي، سلام.