رواية منتقبة خطفت قلبي بعيونها الفصل السادس عشر 16 - بقلم جاسمين محمد

كانت قاعدة ولقت رسالة جت لها على الفون وفتحتها. ياسمين: مستحيللللل. ملك جت على صوت ياسمين وهي بتزعق من الصدمة. ملك: ياسمين مالك فيكي إيه؟ ياسمين أدتها الفون وهي ساكتة. ملك: لأ، مستحيل عمر يعمل كده ويخونك. أنتِ، أنتِ متعرفيش أنتِ بالنسبة لعمر إيه. ياسمين: أنا زي أي واحدة اتعرف عليها وخلاص، هيطلقني. ملك: انتي لأ، ده أكيد لعبة عشان يبعدوكم عن بعض. ياسمين: اشمعنى أنا لأ؟

وهو أصلاً ساعتها متجوزنا، وهو قالي إنه على ورق ومستحيل إني أفكر إنه هيكون ليا في يوم من الأيام. ملك: ده قبل ما يعرف الحقيقة، بس بعد الحقيقة مستحيل. انتي متعرفيش حاجة. ياسمين: إيه اللي معرفهوش؟ ملك: ياسمين حبيبتي، بصي أنا هرن عليها دلوقتي وأخليه يجي ويحكيلك كل حاجة، لأنه قال محدش يحكيلك غيره. إيه ده مش بيرد. ياسمين: هههه، مش فاضي يا رد. هو في إيه ولا إيه؟ ملك: اهدي بس، أكيد مشغول في حاجة.

ياسمين: مشغول في اللي بيعمله. أنا هطلع أجهز لبسي وأمشي من هنا وآخد أخواتي. ملك: ياسمين متتسرعيش، استني لما ييجي ويفهمي كل حاجة. ياسمين: أنا فاهمة كل حاجة صح. وسابتها ومشيت. ملك فضلت ترن على عمر لحد ما رد. ملك: عمر تعال على البيت بسرعة. عمر: في إيه؟ ملك: تعال بس بسرعة. عمر: حاضر، دقيقة وأكون عندك. سلام. ملك: سلام. منه: في إيه؟ عمر: معرفش، ملك بتقولي تعال بسرعة. منه: استرها يارب. يلا طيب. عمر: يلا.

ملك: ياسمين وحياتي عندك، استني طيب لحد ما عمر ييجي. ياسمين: قولت لأ، كفاية كده. هو أصلاً مستحيل يتغير، هيفضل كده على طول صايع وكل يوم مع واحدة. ملك: عمر كان كده فعلاً، بس من ساعة ما شافك في الجامعة والله وهو بطل كده. مش بعد ما عرف الحقيقة بس. ياسمين: ملك بطلي تدافعي عنه بقا، هو هيفضل كده ومش هيتغير. عمر جه. عمر: في إيه؟ وبصدمة: وانتي بتلمي لبسك ليه ورايحة فين؟ ملك: عمر، انت كنت فين؟

عمر: وصلت منه الجامعة وروحت مشوار ورجعت جبتها. ليه في إيه؟ ملك: بص عمر. عمر: والاستاذ ياسمين طبعاً صدقت؟ ياسمين: آه صدقت يا عمر، عايزني أشوفك في حضن واحدة أعمل إيه؟ منه: ياسمين استني افهمي الأول قبل ما تتكلمي. عمر: اطلعوا بره وسيبونا أنا وهي لوحدينا. ياسمين: مش هيطلعوا، أنا اللي هطلع ومش قاعدة معاك تاني. عمر مسكها من دراعها. عمر: تقفي ساكتة. ملك انتي ومنه بره واقفلو الباب.

ياسمين: سيب دراعي، انت مالكش الحق إنك تمسكني كده. عمر: أنا ليه الحق ونص كمان، انتي مراتي. ياسمين: وهطلق، أنا مش هقعد معاك ثانية تاني. عمر: تمام، متقعديش يا حوريتي، بس افهمي كل حاجة وأنا اللي هسيبلك البيت وهمشي. ياسمين: حوريتك؟ عمر: آه، أنا عمر ابن عمك، عمر اللي كنتي بتقوليله بابا، عمر اللي مستحيل يعمل حاجة تجرحك، بس إزاي هيقدر يخونك؟

أنا يا أستاذ وصلت أختك الجامعة وروحت عشان أكلم المأذون، لأني كنت ناوي أتجوزك بجد قدام الناس والنهاردة في الحفلة، وعشان تصدقي استني أرن على المأذون. عمر: الو، أيوه يا حضرة الشيخ. المأذون: أيوه يا عمر يابني، في حاجة نسيتها ولا إيه؟ عمر: لأ، بس خلاص مش هيبقى في جواز. شكراً لحضرتك. سلام عليكم. المأذون: تمام يابني، وعليكم السلام ورحمة الله وبركاته.

عمر: وبعد ما خلصت روحت جبت اختك، وكنا بنختار هدية ليكي وفستان لملك. رنت عليا، "فرحت إمتى أخونك يا أستاذة؟ " متردي. ياسمين: بعياط، يعني عايزني أشوفك في حضن واحدة؟ عايزني مصدقش؟

عمر: انتي شوفتيني في فيديو، يعني ممكن يكون مفبرك مش حقيقي. بس انتي صدقتي الفيديو، حتى لما ملك اتكلمت مصدقتيهاش، وأنا لما جيت أتكلم مكنتيش مصدقاني غير لما حكيت واثبتلك. مع إني أنا شوفت ليكي فيديو زي ده، وإنتي مخطوفة، إنك بتحضني عمر وبتضحكي معاه، بس مصدقتهوش ولا حتى سألتك. عارفة ليه؟

لأني حبيتك فعلاً. وكمان شفته قبل ما أعرف إنك حور. عارفة يا حور، أنا حبيتك من أول مرة شفتك فيها في الجامعة، وكنت بحاول أتجاهلك وأعمل أي حاجة تبعدني عنك، لأني كنت واعدك واحنا صغيرين محبش حد غيرك، ومقدرتش المسك غير لما عرفت، وكان امبارح لما طلبتي إني مسبكيش ونمتي في حضني. بس كدا خلاص، انتي هتفضلي هنا وأنا ماشي. وراح جهز الشنطة بتاعته.

ياسمين: بعياط، عمر حبيبي سامحني أرجوك ومتسبنيش. أنا ممكن أموت لو سبتني، أنا مصدقت إني لقيتك دلوقتي، أرجوك سامحني. عمر خالص تجهيز وفتح الباب ونزل تحت. ملك ومنه وأحمد أبوها وبوسي وأمل لما شافوا عمر ماسك الشنطة اتصدموا. أحمد: عمر، انت رايح فين؟ عمر: سايب البيت. بس الحفلة هتم النهارده وفي مأذون هييجي عشان أنا وحور هنطلق النهارده. وأمي ياريت متلوميش حور إني سايب البيت وماشي، أنا حابب أقعد لوحدي شوية. يلا سلام.

ياسمين: عمر أرجوك خليك وسامحني. بابا، أرجوك سامحني. عمر سابهم ومشي. مصطفى كان واقف بره. مصطفى: ليه عملت كده فيها؟ انت مشوفتش شكلها؟ سامحها. عمر: تعال بس أقولك. مصطفى: هتقولي إيه؟ عمر: تعال بس. ياسمين بعد ما عمر مشي، طلعت تجري على الأوضة ورقدت على السرير وفضلت تعيط لحد بالليل. ملك دخلت الأوضة على ياسمين وهي راقدة بتعيط. ملك: لسه بتعيطي؟ ياسمين: عمر سابني، عايزاني أعمل إيه؟

أرجوكي كلميه خليها يرجعلي، وأنا هثق فيه ومستحيل أخون الثقة دي. أرجوكي كلمي يا ملك ورجعيه ومتخليهوش يطلقني. ملك: عارفة ياملك، عمر في مرة قالي لما تحبي ياملك لازم يكون في ثقة بينكم. مدام واثقة إنه بيحبك، يبقى خليكي واثقة فيه، لأن مستحيل قصة حب تنجح وتعيش من غير ما الناس تدخل بينكم وتحاول تفرقكم. وهو كان بيحبك والناس نجحت إنها تبعدكم عن بعض.

ياسمين: خلي يرجع، وأنا بوعدك وبوعده إني مستحيل أسمح لحد إنه يدخل بينا. أرجوكي يا ملك. ملك: قومي البسي طيب ونشوف هيعمل إيه النهارده. ياسمين: مش هقدر ألبس وأنزل، انتي عارفة هيجيب المأذون ويطلقنا، مستحيل. ملك: كلميه وحياتي عندك. ملك: متخافيش، عمر بيحبك ومستحيل يعمل كده. بس يلا قومي البسي ونشوف هيعمل إيه. ياسمين قامت لبست ولبست النقاب ونزلت تحت، لقت عمر قاعد جنب المأذون. وقفت ومقدرتش تتحرك من مكانها. عمر: قربي.

ياسمين: عمر أرجوك، لأ، مش عايزة نتطلق. اديني فرصة. عمر: قولت قربي يلا يا حضرة الشيخ طلقنا عشان هتجوزني بعدها للي بحبها. ياسمين: لأ، مستحيل تتجوز غيري. عمر: يلا امضي هنا، مش فاضي. خلصي. ياسمين: عمر اسمعني. عمر: قولت امضي. ياسمين مضت على الورقة. عمر: ممكن تجوزني بقا يا حضرة الشيخ لحبيبتي؟ المأذون: اسمها إيه يا بني؟ عمر: حوري خالد المصري. ياسمين كانت طالعة فوق، وأول ما سمعت الاسم وقفت مكانها.

عمر: في عروسة تسيب عريسها وتطلع قبل ما يتجوز؟ ياسمين: لفت وشها وجرت حضنت عمر. عمر: انتي هبلة؟ أنا مستحيل أسيبك مهما تغلطي. مستحيل أسيبك. اللي بيحب مش بيسيب حبيبته لما تغلط، لأ بيقف جنبها يعلمها الصح ويفهمها، بس ميبقاش قاسي عليها. أنا عارف إني كنت قاسي عليكي، بس سامحيني لأني كنت عايز جوازي يكون على حوريتي مش ياسمين. أوعي بعد كدا تفكري إن في أب ممكن يسيب بنته لوحدها أبداً. ياسمين: بحبك. عمر: بتقولي إيه؟

ياسمين: بقول بحبك. عمر: وأنا بعشقك يا حورتي. اكتب يا عم الشيخ بسرعة، عندنا طيارة ومستعجلين. الكل: مصطفى: يلا يا شيخ، أحسن ما الواد يخطف البت قبل ما يتجوز. ويلا عشان فيه جوازة تانية بتاعتي أنا وموزتي. وغمز لملك. المأذون جوز عمر وحور، وملك ومصطفى. وعمر خد حور وسافروا بره البلد في جزيرة العشاق. نهاية الجزء الثاني.