رواية منتقبة خطفت قلبي بعيونها الفصل الثالث 3 - بقلم جاسمين محمد

عمر: السلام عليكم. الكل: وعليكم السلام ورحمة الله وبركاته. عمر: قبل ما أنسى، فيه كام مشروع هنزلهم على المنصة، وكل مجموعة تعمل مشروع منهم، وهيتسلم إن شاء الله بعد أسبوع، يعني زي النهارده تمام. الكل: تمام. وبدأ يشرح. _يا لهوي، ده يجنن. يابت يا منه، والله قمر يا ناس على الأرض وبيشرح لنا. _يا بخت اللي هتتجوزه، شوفي العضلات ولا أي جنتل مان. إيه ولا الدقن الصغننة اللي تخطف دي، يا لهوي. منه: متتلمي أنتي وهي بقى خلاص.

= هههههههه، الأستاذ منه بيغير عليه ولا إيه؟ منه: إيه؟ ويارا، نتلم. أنتم عارفين مش بستحمل حد يتكلم عليه، ماشي. يارا: ههههههه، خلاص يا أختي. بس لما يبص في وشك أبقى اتكلمي. أيه: صح يا منه، لسه مردش عليكي. يارا: يرد عليها فين؟ منه: منك لله. أنا بعتله على الإنستا ولسه مردش عليا. بيتقل بس على مين؟ على منه. استني بس. عمر: ممكن اللي قاعدين عاملين يرغوا ورا دول يقفوا. منه: بتشاور على نفسها. أنا؟

عمر: آه، هو في حد بيتكلم غيرك أنتِ والاتنين اللي قاعدين جنبك. اقفوا. يارا وأيه: إحنا آسفين يا دكتور. عمر: ممكن أعرف عاملين تتكلموا في إيه وأنا بشرح؟ منه: كنا بنتكلم على المشروع بتاعك يا دكتور. إحنا آسفين. عمر: ياريت متتكررش تاني، عشان المرة الجاية هتزعلوا. والمشروع، تبقى تتكلموا فيه بعد ما أخلص، ماشي؟ يارا: تمام يا دكتور. آسفين. عمر: اقعدوا. منه: بقى أنا يكلمني ويزعقلي كده؟ ماشي، استنى بس. ياسمين: ها، خلصتي؟

منه: بصوت عالي. آه، ويلا نروح. ياسمين: في إيه، مالك؟ يارا: الدكتور زعقلنا وإحنا في المحاضرة. ياسمين: ليه؟ أيه: كنا بصراحة عاملين نتكلم وهو بيشرح. ياسمين: طيب، ما كده غلط. منه: ياسمين، مش عايزة محاضرات عن الغلط والصح دلوقتي عشان على آخري. ياسمين: منه، اتلمي ووطي صوتك. منه: يوه بقى. يلا نروح ولا هتفضلي قاعدة هنا؟ أنا ماشية. وسابتها ومشت. ياسمين: طيب يا بنات، عايزين حاجة؟ يارا وأيه: لا، شكراً. ياسمين: السلام عليكم.

ياسمين واقفة على الطريق ومش لاقية عربيات خالص. عمر شافه وهو سايق العربية بتاعته، راح عندها ووقف. عمر: الجميلة واقفة ليه كده؟ ياسمين: مردتش. عمر: أنا ممكن أوصلك بدل وقفتك دي. لأن الساعة واحدة والمواصلات بتبقى مش كويسة، وممكن حد يجي يضايقك. ياسمين: شكراً، أنا أعرف أتصرف. عمر: ممكن أوصلك ومتخافيش، والله. ياسمين: ممكن حضرتك تمشي ومالكش دعوة بيا، وشكراً. وسابته ومشت. وهو ماشي جنبها بالعربية. عمر: تعالي أوصلك، متخافيش.

فضل يتكلم وهي متردش عليه. فسابها ومشي، بس وقف بعيد عنها شوية، واستنى لحد ما ركبت، وراح ماشي. راح الشركة. مصطفى: إيه إيه ده، عمر في الشركة النهارده؟ وأنا أقول مالها الشركة فاضية كده ليه ومنورة. عمر: لا والله، اتلم طيب يا سكر وبطل هزار. مصطفى: ههههههه، حبيبي يا واد والله. إيه جابك النهارده؟ ومقولتليش امبارح يعني إنك جي النهارده.

عمر: قلب الواد والله يا صاصا. والله المدير بتاعكم الظالم قالي لازم آجي النهارده، عندي اجتماع وعايزني أساعده، والسكرتير واخد إجازة. أحمد: مين اللي ظالم يااض؟ عمر: هااا، الواد مصطفى. هو اللي ظالم. يرديك ياخد موزتين امبارح يسهر معاهم ويسيب ابنك لوحدي؟ مصطفى: هااا، بطل كدب. أبوك عارفك يا كداب. بقا أنا اللي خدت الموزتين وسيبتك يا كداب. أحمد: موزتين إيه الكلام ده؟ متبطلوش قلة أدب أنتو الاتنين، ويلا على الشغل.

أحمد بصوت واطي لمصطفى: الموزتين كانوا حلوين يا واد صح؟ مصطفى: كانوا إيه يا عمي. هيفاء واحد منهم، شبهها كده. والتاني إيه؟ بسكوتة. عمر: لا والله. بوس بس أحلى على فكرة. وممكن أقوله. وأنت يا أستاذ مصطفى، تتلم ها؟ تتلم. أحمد: بوس بس، لا. أنت حبيبي. عمر: طيب، لما دورك. ويلا على الاجتماع. أحمد: يلا. لبنى: بسبوسة حبيبتي جت. ها ها ها ها. وجرت حضنتها. ياسمين: ههههه، اهدي، هتموتيني. ابت، منه أختك فين؟ لبنى: في الأوضة جوه.

ياسمين: اشطا، أروح أدخلها عقبال ما تجهزي نفسك ونطلع نروح الملاهي. لبنى: هي هي هيييييييييي. وفضلت تتنطط ودخلت أوضتها. وياسمين راحت عند منه. ياسمين: منه، افتحي الباب. منه: مش هفتح، وممكن تسيبيني لوحدي. ياسمين: وأنا قولت افتحي الباب. منه: فتحت الباب. عايزة إيه؟ احكي. ياسمين: هو مش المفروض أنا رايحة معاكي ونيجي مع بعض؟ ولا تسيبيني أفضل أنادم عليكي وأنتي تمشي ولا تعبريني؟ منه: كنت مخنوقة وعايزة أروح لوحدي.

ياسمين: في حاجة اسمها استئذان. لو مش عايزة تروحي معايا، مش تعملي التصرف ده. منه: بصي، أنا مش طايقة نفسي، فافكك مني خالص. اشطا. وسابتها ودخلت الأوضة وقفلت الباب. ياسمين فضلت تنادم عليها، بس مردتش. أمل: اهدي يا بنتي. ياسمين: أهد إيه؟ أنتي مش شايفة هي بتعاملني كيف؟ أمل: هي طول عمرها كده. اهدي بس كده وصلي على النبي. ياسمين: عليه أفضل الصلاة والسلام. لبنى: هيييي، خلصت، يلا.

ياسمين: يلا يا روحي. ماما أخدت لبنى ونغير جوه ونيجي. أمل: روحي يا روحي، بس خلي بالك من نفسك. ياسمين: حاضر، سلام عليكم. أمل: عليكم السلام ورحمة الله وبركاته. الاجتماع خلص، ومصطفى وعمر واقفين بيتكلموا. _وأنا أقول الشركة منورة ليه كدا، أثاري حبيبي القمر هنا ومنورها.