رواية موج بحره كان عالي الفصل السادس 6 - بقلم دعاء زينة

موج بحره كان عالي الفصل السادس مين ده يا أستاذ بحر أنت والست أسيا. فتحته سبيل وأنا مش عارف. آسيا قربت منه، باست رأسه وحضنته: وحشني يابو الدراويش. خديني في دوكة بقى. آسيا: تعالي بس جوه وأنا هحكيلك كل حاجة. أسر بهمس: إيه ياعم بحر، أبوك هيتحول وياكلنا ولا إيه؟ بحر بنفس الهمس: ده جدي ياحلوف، وهو كان ممكن يعمل كده لو آسيا مش معانا، لكنها أهي وهتتولي الأمر. وغمز ليه: متخافش. *** موج: أنت أكيد اتجننت. وكملت

كلامها وهي بتخبطه في صدره: أبويا اللي قالك تتجوز عليها. أبويا اللي قالك تقهرها وتذلها كل يوم والتاني. بحر بدموع مسك أيديها بحنية، غصب عنها حست بيها: أهدي، وأديني فرصة أشرحلك. موج: تشرحلي إيه هاااا. جاي بعد السنين دي كلها، وبعد ما وقفت قصاد أبويا عشانك وحاربت الكل لأجلك، وبعد اللي أنت عملته فيا. فتحلي بيته وقلبه من تاني. راجع عاوز تطلعه شيطان.

بحر ساب إيديها بيأس: خمس وأكتر. زراع في دماغي أني مبخلفش. مقبض دكتور بتابع معاه ومخليه تبعه. كل مرة أروح ليه فيها يكتب ليا دواء يقتل كل شئ وأمل فيا. فاهمة؟ يعني دواء يخليني مبخلفش. ياموج. موج سمعت الكلام وهي قلبها بيترعش، مش مصدق ولا عقلها قادر يقتنع. بحر بيكمل: وياريت علي كده وبس. هو اللي جالي وطلب مني أتجوز لما عرفت أني مبخلفش. عشان أخليكي تتطلقي. موج بحسرة ضحكت بوجه: وأنت ماصدقت طبعاً مش كده.

بحر: فعلاً ماصدقت. روحت اتفقت مع واحدة تمثل أنها مراتي وتحبك الدور معايا. وبص ليها باحتياج وحب زاد مع السنين. مقلش لأني عمري ما أتخيل أني ست غيرك تشيل اسمي ولا يكون ليها مكان في قلبي.

موج فتحت بقها ببلاهة وصدمة. قرب منها بحر ومشي أيديه علي وشها بحنين. استسلمت ليه. ياااااه. أد مشتاقة لكل حاجة فيه. لمسته اللي بتحسسها بالأمان. نفسه اللي بيديها الأمل أنها تكمل بكرة. عشان في اللحظة دي تهيج علي زكريات صعب تنساه بسهولة. فتروح زقة أيديه وباعِدة. موج بحزن: وطبعاً هو اللي طلب منك تهيني فيا كل يوم والتاني مش كده.

بحر: حطي نفسك مكاني ياموج. واحد عنده اقتناع تام أنه مبيخلفش. بكلام متوثق من دكتور. كل يوم يزيد استحالة شفائه. عاوزاه يعمل إيه؟ لما في يوم وليلة يلاقي مراته حامل. موج: ......... *** آسيا: وبس كده ياجدو. إيه يرضيك نرميه يعني في الشارع وهو ميعرفش حاجة. وحتى السواق ال... ولا بلاش شتيمة. أول ماشافه رايح يساعد بحر سابه وقال يفكيك.

الجد: ماشي كلامك ياأسيتي. وحيث كده يبقي ينور طبعاً. وقام حط ايديه علي كتف أسر. كتر خيرك يابني. جميلك ده دين في رقبتنا. والبيت نور. أسر: مفيش جمايل بينا يادرويش. الجد بصله باستغراب وبعدين: آسيا. آسيا: أؤمرني. الجد: وصلي أسر لأوضة الضيوف. بحر بسرعة: أنا هوصله يادرويش. وشال شنطته قدامي. ياخرة صبري. *** بعد شوية وصلوا الأوضة. أسر: بتحبه. بحر اتوتر: هاااا. بتقول إيه. وقصدك مين. أسر: يعني مش عارف.

بحر بجهل مصطنع: لا مش عارف. أسر بضحك: خليك فاكر أني سألتك. وقبل مايرد عليه بحر سمعوا صريخ آسيا. خرجوا جري طبعاً. *** أسر بخوف ولهفة: إيه ي أسيا. فيه مالك. انتي كويسة. بحر: حصل إيه يا أسيا. الجد: عمتك مش موجودة في البيت من الصبح يا بحر. بحر: يعني إيه الكلام ده يادرويش. آسيا سابتهم ومشيت بتوهان. أول واحد خد باله منها كان أسر. مشي جري وراها. أسر: آسيا اصبري. رايحة فين دلوقتي.

آسيا بتوهان: هدور عليها. مش هرجع غير بيها يا أسر. فاهم. مش هرجع غير بيها. في الوقت ده جه وراهم بحر. شاف أسر ماسك أيديها زي مايكون بيواسيها. جري عليها شد أيديها منه عشان تترمي في حضنه. آسيا: أمي يابحر. مش هرجع غير بيها. هاتلي أمي يابحر عشان خاطري. بحر بص لأسر وشد علي حضن آسيا بتملك: وحياة آسيا لهترجع. متخافيش. ورفع وشها ليه وبص في عيونها. بحر عمره وعد آسيا بحاجة ومحصلتش. هزت رأسها بنفي.

يبقي خلاص. عمتو هترجع. أنتي عارفة أكيد هنلاقيها في مكانها المخصوص. راحت والوقت سرقها. أسر في اللحظة دي قلبه حقيقي كان وجعه. كان نفسه هو اللي يكون مكان بحر. كان نفسه ترمي همومها عليه هو. وللأسف السبب مجهول. أسر: طب يلا نتحرك قبل الوقت ما يتأخر أكتر من كده. بحر بص بغضب للهفته. أصل مهما كان بحر لطيف، ف لطفه ده مبيكونش أقل قسوة وغضب من أي حد يفكر في أسيتة. وللحقيقة خوف أسر علي أسيا ضايق بحر جدًا.

بحر: خليك يا أسر. ارتاح وأنا. أسر قاطعه قبل مايكمل: مش هسيبكم يا بحر. وبعدين يعني أنا قصدي هبقى مرتاح وأنا بدور معاكوا عليها. حتى أرد جزء من جمايلكم. ولما بحر جه يرد قاطعته آسيا: يلا بحر. مش وقته مناقشة. اتحركوا وبعد فترة وصلوا المكان اللي موج بتبقى موجودة فيه عشان يتفاجئوا. آسيا بصريخ: موووووووووووووووووووج. ***