رواية مرآة تعكس واقع الفصل السابع 7 - بقلم وئام محمد

سليم بصدمة: ازاي؟ مش المفروض يونس قدامه ميت! كان يونس يخرج من المطبخ ليعيد سليم هاتفه كما كان. يونس: اشرب الشاي. سليم: لا افتكرت حاجة ولازم أمشي. يونس: اشرب الشاي بعد كده أمشي، معملتوش عشان يترمي. نظر سليم للشاي: طيب طيب هشربه. كان يونس يشاهده إلى أن انتهى من الشاي. سليم: أهو خلصته، أنا همشي بقى. يونس: مع السلامة. *** عند نور.. نور بغضب: يعني إيه هتطردني وليه أصلاً؟

كمال: زي ما سمعتي يا نور، إنتي بتسببي مشاكل كتير للمستشفى. نور: إنت متأكد إن ده السبب؟ كمال وهو ينظر للورق: يلا خدي بعضك واتفضلي عشان مشغول. نظرت له نور بغضب وتركت المشفى. رن هاتفها. نور: ألو خير؟ البواب: عاملة إيه يا نور هانم. نور بملل: الحمد لله، انجز يا عم إبراهيم أنا مش فاضية. البواب: كنت عايز أقولك إن يونس بيه بقاله فترة في الشقة وكل شوية يطلعله البيه الكبير أحمد وأستاذ سليم. توقفت نور بصدمة: إنت بتقول إيه؟

استحالة الكلام ده يبقى حقيقي. البواب: أنا قولت أعرفك لأنك إنتي والبيه مبتجوش من سنين الشقة دي، لكن لو مش مصدقاني تعالي واتأكدي بنفسك. قفلت نور السكة وذهبت لشقتها. فتحت أحد الأدراج في الغرفة وأخذت شيء ثم ذهبت. *** دق دق دق. يونس: حاضر دقيقة. ذهب وفتح الباب. أحمد: اتاخرت ليه؟ يونس: مسمعتش الباب، وبعدين المفتاح معاك ليه متفتحش بيه؟ كاد أن يدخل أحمد ولكن نور جاءت من خلفه. نور: يونسسس إنت عايش أهو.

يونس بصدمة: إنت.. إنتي إيه اللي جابك هنا؟ نور: إنت كل ده بتوهمني إنك ميت، لا وكمان متفق مع سليم. يونس بغضب: اطلعي برا، إنتي إزاي تكلميني كده؟ نور: متغيرش الموضوع. مسك يونس يدها ليخرجها من الشقة ولكنها أخرجت مسدس ووضعته أمام صدره. أحمد: نورر إنتي اتجننتي. نور بغضب: إنت مموتش قبل كده وهتموت دلوقتي يا يونس. لوى يونس يدها محاولة في أخذ المسدس منها. لتخرج طلقة خاطئة من المسدس وتصيب أحمد في رأسه. *** بعد سنة..

نور بزعييييق: خرجووووني بقولكم أنا سليمة خرجونيي. دخل يونس الغرفة على صوت صراخها. يونس بسعادة: مش متخيل نور في مستشفى المجانين كمريضة مش دكتورة. نور ببكاء: إنت عارف إني كويسة. يونس: وإنتي كنتي عارفة ولا نسيتي حبوب الهلوسة اللي كنتي بتديهالي عشان تطلعيني مجنون وتاخدي كل حاجة على قلبك؟ دي آخرة الجشع. نور: أرجوك خرجني. يونس بحقد: أخرجك!! إنتي نسيتي بابا اللي مات بسببك، وأديكي أهو دلوقتي في مستشفى المجانين.

نور ببكاء: يونس خرجني وأنا مستعدة أعملك أي حاجة. يونس وهو يخرج: إنسي. ثم توقف ونظر لها: آه بالمناسبة سليم في الأوضة اللي جنبك أهو يسليكي. نور باستغراب: سليم!! يونس: أيوا سليم بيعالجوه من الإدمان، غالبًا هيطلع قبلك. *** ركب يونس العربية. يونس بابتسامة: كده كل مهمتي خلصت. عز بابتسامة: وجهتنا الجديدة هتكون فين؟ يونس: الشركة محتاجة تفكير.