رواية مرادي الفصل العشرون 20 - بقلم شهد

بعد ما مشي من عند حور دخل بيته. مراد: السلام عليكم. ناهد: وعليكم السلام يا ابني. أحضر لك الأكل؟ مراد: لا يا ماما، أنا هموت وأنام. هروح أنام. ناهد: روح يا ابني. مراد راح أوضته وغير، ولسه بيحط راسه على المخدة لقى!!!!؟ *** ليلي: عااااا الحق يا مراد. مراد بخضة: في إيه؟ ليلي: بابا جه كلمني، وأخد رأيي فيك وكده. وقالي إني أنسى خالص ابن صاحبه اللي قلت لك عليه. الحمد لله، أنا مبسوطة أوي. مراد بتفاجئ وإن الأمر بقى منتهي: بجد؟

طب كويس يا ليلي. ليلي: وبابا هيكلمك يحدد معاك معاد النهارده إن شاء الله. مراد بزعل: إن شاء الله يا ليلي. ليلي: تمام، يلا باي. مراد قفل موبايله ورماه على السرير. مراد في سره بزعل: طالما بدأته لازم أكمله عشان أنهيه. سامحيني يا حور، مضطر أعمل كدا. *** في ناحية تانية عند بيت حور. ايمان: لقت الموبايل بتاعها بيرن برقم مش مصري. ايمان: يارب يكون اللي في بالي. وترد بسرعة. ايمان: الوو، مين؟ المجهول: ...

ايمان بفرحة: يا حبيبي، إزيك؟ وحشتني أوي. كدا أهون عليك؟ المجهول: ... ايمان: حور نايمة، تعبانة شوية. المجهول: ... ايمان: حاضر يا حبيبي. المجهول: ... ايمان: هستناك تكلمني تاني، سلام يا حبيبي. وقفل كلا من ايمان والمجهول. *** عند ملك. لبست ونزلت تعدي على حور تشوفها في إيه، ولا بترد على مكالماتها، ولا حتى بتيجي الجامعة. وصلت عند بيت حور وبتخبط على الباب. ايمان: فتحت الباب، وكانت ملك.

ايمان: إزيك يا ملك، وحشاني يا بنتي والله. ملك وهي تحضن ايمان: الحمد لله يا طنط، وحضرتك وحشاني أكتر والله. ايمان: وهي تدخل. ملك: تعالي يا بنتي ادخلي، متقفش على الباب. ملك وتدخل: أمال فين حور يا طنط؟ ولا بترد عليا، ولا حتى بتيجي الجامعة. أنا قلقت عليها. هي كويسة؟ ايمان: كويسة يا بنتي، تعالي أدخلك عندها. وهي تحكي. ايمان وهي توصل لأوضة حور وتدخل: تعالي يا ملك، اتفضلي. حور: ملك! ملك وتجري عليها تحضنها: كدا برضه يا حور؟

الكلب متكلمنيش؟ خوفت عليكي. حور وهي تطبطب عليها: سامحيني، أديكي زي ما انتي شايفة حالتي. ملك وتبعد عنها وتبص حواليها: وإيه ده؟ وإيه المحاليل دي؟ ملك وتاخد بالها من منه: احمم، أنا آسفة. ما خدتش بالي من خوفي على الزفتة دي. وتمد إيديها لمنه: أنا ملك صاحبة حور. منه بابتسامة لها: ولا يهمك يا قمر، دي عوايد حور. بتحب تقلق كل الناس. أنا منه، جيرانها، وبقى بنت صاحبة مامتها. ملك بابتسامة: اتشرفت بيكي. منه: وأنا كمان.

حور بملل منهم: مش خلاص فقرة التعارف دي؟ منه وملك بضحك: وإنتي مالك إنتي؟ حور: طب اتزرزقوا. ملك: ها، احكي إيه اللي حصل؟ حور: وحكت كل اللي حصل. ملك بعصبية: إززاي دا؟ عبيط؟ إزاي يعمل كدا؟ وتصرفاته معاكي وكلامه، كل ده كان إيه؟ حور بضحك: طب خلي بالك دي أخت العبيط، متغلطيش عشان متقوملكيش. ملك بحرج: أصلاً، سوري يا منه، بس أخوكي مشفتش زيه قبل كدا. منه بضحك: ولا أنا والله.

حور وترجع لزعلها: عادي يا ملك، براحته. أنا ماليش دعوة بيه بعد كدا. منه وملك بيبصوا لها بصدمة: واللهههه؟ حور وبتبصلهم: في إيه؟ بتبصولي كدا لي؟ منه: فين حور اللي ممكن تحارب عشان أي حاجة؟ ملك: لا طبعاً. تبقي غبية، لازم تعرفي إزاي عمل كدا وطريقته وكل حاجة كانت عكس كدا. حور بتفكير: تمام، انتوا صح. بس حالياً أنا معنديش طاقة لكدا. أهدى شوية وبعدها هشوف. *** عند مراد. صحى من النوم ولبس وراح لأدهم. وصل وبيخبط على الباب.

أدهم فتح له. أدهم: أهلاً، تعال. مراد: أهلاً. مراد: شفت أبوها؟ شاكله وافق. أدهم: إيه ده؟ كلمكم؟ مراد: لسه. دي ليلي اللي قالت لي. أدهم: وهتعمل إيه يا مراد؟ مراد: يعني هعمل إيه؟ هروح آخد أمي وأختي وأروح أتقدم، بس كدا. أدهم: وحور؟ مراد بعصبية: يووووه، حور، حور! أنا سبته بقى. أدهم وهو يطبطب عليه: أهدى يا عم، بس كل حاجة هتتحل إن شاء الله. وفاجأة تليفون مراد رن، وكان والد ليلي. مراد: أهه، جه على السيرة. أدهم: طب رد يلا.

مراد بعد ما رد. أحمد المنشاوي: ... مراد: وعليكم السلام. أحمد المنشاوي: ... مراد بفرحة مصطنعة: إن شاء الله، على الخميس هكون في الميعاد. مراد وقفل مع والد ليلي وبص لأدهم. أدهم: إيه يا عم؟ مراد: وافق وقال مستنيني الخميس. أدهم: خير يا صاحبي. أنت زي ما دخلت هتطلع، إن شاء الله. وزي ما أنت حبيت، متسيبش حد محتاجك. ربنا عمره ما هيسيبك، إن شاء الله. مراد: يارب يا أدهم. يلا، تعوز حاجة؟ هروح أروح أنا بقى. أدهم: طب متخليك.

مراد: لا يا عم، أروح أقول لأمي عشان تستعد للحدوتة دي. أدهم: خلاص، روح يا برنس، باي. مراد وقبل ما يقفل الباب وراه باي. *** عند بيت حور. وكان الباب بيخبط جامد. ايمان: حاضر، ياللي بتخبط على مهلك. ايمان بتفتح الباب وتنصدم من اللي شافته.