رواية مرادي الفصل السابع عشر 17 - بقلم شهد

مراد قرر يقول لمامته وأخته إنه هيخطب ويشرح لهم الوضع. ولكن أول ما راح، لقي حور وطنت إيمان عندهم قاعدين مع مامته. ومنهم مراد بخبث: تمام حلووو أوي كدا. مراد: السلام عليكم. الكل رد: وعليكم السلام. حور بخوف جواها من اللي حصل الصبح: يارب استر. منه بقلق: مين يكون أدهم كلمه في حاجة؟ مراد بابتسامة: عاوز أقول لكم خبر حلو. مامته ومامة حور: خير يا ابني قول. مراد بابتسامة خبيثة وبيبص لحور: أنا قررت أخطب. وقعت الصدمة على الكل.

مامته مراد (ناهد) وهي مصدومة من سرعة قراره وفرحتله: مين يا ابني سعيد الحظ؟ حور (إيمان) بفرحة: أيوا هيا دي الأخبار الحلوة، ألف مبروك يا ابني ربنا يتمملك على خير. مراد وهو بيبص مابين مامة حور وحور وابتسامة ساذجة: الله يبارك فيكي يا طنط، عقبال حور قدامنا. وحور مصدومة وساكتة وبيبصوله. مراد بابتسامة: فاكرة ليلي يا ماما، هي سعيدة الحظ. حور: كانت بتشرب ميه وسمعت مراد بيقول ليلي، شرقت وفضلت تكح جامد. مامة حور إيمان:

وهي تخبط على ضهرها: على مهلك يا بنتي. مامة مراد ناهد بصدمة: ليلي مين يا ابني؟ مراد وهو يقعد جمب مامته: ويعرفها مين ليلي. كانت حور ساكتة والدموع متحجرة في عنيها وقامت مرة واحدة: عن إذنكم يا جماعة، هروح أغير هدومي. وبصت لمراد نظرة كلها زعل: ومبروك يا دكتور مراد. وسابتهم ومشيت. منه: وطلعت تجري وراها على طول، وهي حاسة باللي هي فيه دلوقتي ومش مصدقة اللي بيقوله مراد. مراد بص عليها وحس بزعلها: أنتي لسه شوفتي حاجة يا حور.

إيمان: وأنا هحصلها، يلا عاوزين حاجة؟ ناهد: تسلمي يا حبيبتي، متخليكي. إيمان: هروح أخلص كام حاجة في البيت كدا، هستناكي بليل. مراد: تمام، هبقى أجيلك. حور إيمان: تمام، يلا سلام. *** عند حور. حور طلعت جري لبيتها، وكانت لسا مش مستوعبة. لقت منه جت وراها. حور وهي بتبص لمنه وبتضحك ضحك هستيري وقلب عياط هستيري: أكيد أخوكي بيهزر صح؟ إزاي يعمل كدا وأنا إيه في حياته ولا حاجة بالسهولة دي؟ ومين ليلي دي اللي طلعت لي دي؟

أنا أول مرة أشوفها في الكلية ولا حتى هو كلمني عليها. أنتي عارفة حاجة؟ قالك قبل كدا إنه بيحب ليلي دي؟ ونبي قوليلي، حسي بيا حراممم عليكم، لي كل دا بيحصل فيا؟ حرام. منه وهي بتعيط على عياطها وتحضنها: وحياة أمك، لتهدي والله، ولا أنا مصدقة ولا هو حكالي حاجة، أنا لسه عارفة زي زيك بالظبط، أكيد في سر في الموضوع، لو سمحت أهدي، وأنا هحاول أعرف كل حاجة. *** عند مراد. بعد ما مشيت حور ومامتها من عند بيت مراد.

ناهد بإنفعال: إيه الكلام دا يا مراد؟ ليلي مين دي اللي عاوز تخطبها؟ مراد: يا ماما دي ليلي صحبتي من الجامعة. ناهد بنفس الإنفعال: وأنت من امتى نفسك تخطب ست ليلي دي؟ مراد بهدؤه: بصي بقا يا ماما، أنا هحكيلك كل حاجة، ممكن تهدي؟ مراد بعد ما فهم مامته الحكاية كلها من الألف للياء. ناهد بزعل على اللي عمله في نفسه: ولي يا ابني تعمل كدا في نفسك؟ مراد: يعني أنتي عاوزاني أشوف حد محتاجني في خدمة ومساعدهوش؟

ناهد: لا، عداك العيب يا ابني. ناهد بخبث: طب وحور يا مراد؟ مراد بتوتر: مالها حور؟ ناهد بخبث: عليا برضو؟ دا أنا أمك يا واد. مراد وهو مش عارف هيعمل إيه: أنا هتصرف، متخافيش. ناهد بزعل عليه: تعرف إنك باللي عملته ضيعتها من إيديك؟

مراد بزعل من الفكرة نفسها: عارف، بس هي أكيد لو حكيتلها هتقدر صح. المهم إنك متحكيش لحد خالص، ولا حتى منه، لأن لو منه عرفت أي حاجة هتروح تقول لحور، وأنا مش عاوز كدا. أنا هعرف أتصرف مع حور، بس مش دلوقتي خالص. ناهد: حاضر يا ابني، يارب استر يا رب. وهما قاعدين بيتكلموا، لقوا الباب بيخبط جامد. *** عند حور. حور وهي على نفس الحالة: متقوليليش أهدي، أهدي على إيه؟ أنا مش مصدقة مراد يعمل فيا أنا كدا لي؟ طب أنا عملتله إيه؟

ولا زعلته في إيه؟ والله ما عملت حاجة. ووقعت أغمي عليها مرة واحدة. منه بصويت: الحقونييي! حووور يا حور. إيمان وهي تجري على أوضة حور تشوف فيه إيه، لقت حور واقعة في الأرض. وطت لحور: حور، فوقي يبنتي يا حور، اصحي يا حبيبة مامتي. منه وهي تجري على شقتهم تنادي مراد وتخبط جامد. مراد: فتح الباب، مابشويش يا منه، في إيه؟ منه: حور أغمي عليها، تعالي بسرعة. ناهد: يلهووي.

البتم: مراد بخضة ويجري على شقة حور ويدخل، ويلقي حور مرمية في الأرض وأمها مش عارفة تعملها إيه. مراد وطى شال حور وحطها على السرير، وجاب برفان وحطه على مناخيرها، وهي برضو مش بتفوق. مراد بزعيق: رني على دكتور بسرعة يا منه. منه: رنت على دكتور ووصل بعد ربع ساعة. بعد ما الدكتور كشف وخلص، مراد وصل الدكتور للباب، وكانت منه واقفة على جنب من غير ما مراد يشوفها عشان تسمع. مراد: مالها يا دكتور؟

الدكتور: جالها صدمة نفسية ومتحملتهاش، ففقدت الوعي. مراد بزعل عليها: دانتي طلعتي نايتي يا حور ومش مستحملة حاجة. ه: طب هتفوق إمتى يا دكتور؟ الدكتور: أنا ركبتلها محاليل، لما تخلص إن شاء الله هتفوق، ويا ريت تبعدوا أي حاجة تفكرها باللي حصلها. عن إذنكم. مراد: اتفضل، شكراً. أجريت منه لجوا بسرعة قبل ما يشوفها مراد، وهي زعلانة عليها، وكله بسبب أخوها الزفت. دخلهم مراد بعد ما وصل الدكتور. إيمان بعياط: قال عندها إيه يا ابني؟

مراد بكذب: مفيش يا طنط، دي شوية إرهاق على أنين، ما هيا المحاليل هتخلص وهتكون كويسة، اهدي بس انتي يا طنط. إيمان بعياط: يارب يا ابني، يارب قومهالي بسلامة، مليش غيرها، يارب. منه واقفة متعصبة وباصاله على كدبه على طنط إيمان. منه في سرها: ماشي يا مراد، لا أوريك حاضر. ناهد في سرها: وهيا عارفة إن ابنها بيكذب عليهم، وصعبان عليها البت، حرام عليك يا ابني، ذنبها إيه بس البت الغلبانة دي. *** عند ملك.

لقت رسالة تاني على الواتس برضو. الرسالة: صباح الأناناس على الأناناسة بتاعتي. ملك بعصبية: إيه الواد العبيط دا؟ أناناس إيه وبطيخ إيه؟ دا فايق ورايق، جته القرف. وسبته ومردتش عليه برضو. وراحت ترن على حور. حور: الرقم مغلق أو غير متاح. ترن تاني. حور: الرقم مغلق أو غير متاح. عند منه ولقت أدهم بيكلمها. أدهم: إزيك يا منون؟ منه بزعل: الحمدلله، وأنت؟ أدهم: الحمدلله، مال صوتك؟ منه بعياط: وحكتله كل اللي حصل.

أدهم: مراد عمل دا كله إزاي؟ والواطي دا محكاليش إيه حاجة، لما أشوفه حاضر، وأنتي مضايقيش نفسك، وحور هتكون كويسة، هي هتعرف تعدي من اللي هي فيه إن شاء الله. منه: يارب يا أدهم، المهم هشوف حور وهكلمك بليل. أدهم: تمام، باي. منه: باي. *** مراد سابهم ونزل وقعد يلف بالعربية، وكل شوية يفتكر شكل حور وهي نايمة ووشها باين عليه التعب والعياط ويزعل عليها وقلبه يوجعه.

أنا آسف يا حور، حقك عليا، أنا غلطت من الأول، معلش، بس برضو لازم أكمل الموضوع للآخر، بس أنا عرفت هعمل إيه معاك.