رواية مرادي الفصل السابع والعشرون 27 - بقلم شهد

مراد كان واقف في البلكونه بيكلم ادهم لقى حور نازله من العماره وركبت تاكسي. مراد: سلام دلوقت بسرعه. ادهم: في إيه؟ مراد: مفيش اقفل بسرعه بس. ادهم بقلق: ماشي سلام. مراد قفل بسرعه مع ادهم وجري بسرعه على تحت. **now** مراد وصل وركن عربيته قدام الكافيه اللي فيه حور، وبعدها دخل مراد الكافيه وكانت حور واحمد قاعدين على الترابيزه وكان صوت ضحكهم وهزارهم عالي. مراد: شكلي جيت في وقت غلط.

حور بعصبيه داخليه من تصرفاته وابتسامه خبث لانها كانت عارفه انه هيجي وراها: لا ولا وقت غلط ولا حاجة تعالي اقعد، دا احمد طلع زي العسل والله كنت ظلماه. احمد بابتسامه: تعالي يدكتور مراد اتفضل. مراد بيبصلهم وعيونه كالدم: أنا مش جي أقعد، أنا جي آخد حور وماشي. حور بعصبيه ومش عاوزة تنفجر في وشه: وأنا مش عاوزة أمشي ي مراد، أنا هقعد مع احمد. مراد بعصبيه: يلا عشان منه عاوزاكي. حور وتقوم من مكانها وتسحب

مراد وتوجه كلام لأحمد: معلش ي احمد ثواني وجاية. احمد: تمام ماشي. حور وطلعت برا الكافيه هيا ومراد. مراد بعصبيه: يلااا اتفضلي اركبي. حور بعصبيه: مش هركب، أنا هقعد مع احمد وشوية وهروح. حور: انت عاوز أي بالظبط؟ مراد واتخدر تماما: عاوزك معايا مش معاه. حور بابتسامه خجل من كلام مراد: عاوزني ابقا معاك لي يمراد؟ مراد بتخدر وعصبيه: مش عاوزك تتكلمي أو تقعدي مع أي مخلوق. حور بعصبيه

من تحكماته الغير مفهومه: ملكش دعوه اقعد مع مين ولا اكلم مين، مش من حقك تقولي كدا، روح قول الكلام دا لي ليلي بتاعتك مش ليا. مراد بنفس التخدر وعصبيه: وحياه امك يحور بس لو شوفتك تاني قاعده مع حد انتي حره، وكمان أنا مليش دعوه ب ليلي أو غيرها، أنا ليا دعوه بيكي انتي انتي بس يحور ميهمنيش أي حد تاني. حور بابتسامه خجل وتفاجئ: هاااا بتقول إيه؟ مراد بفوقان وعي لما قاله: هااا ولا حاجة، اتفضلي اركبي يلا.

حور بهدوء: طب هروح اخد شنطتي واقوله اني همشي وجاية. مراد: ويقلب عينه: بسرعععه. حور تدخل تاخد شنطتها وتكلم احمد: معلش ي احمد هضطر أمشي عشان منه عاوزاني. احمد بابتسامه: تمام يحور مفيش مشكلة نبقا نتكلم ان شاء الله. حور بابتسامه: تمام هبقا اكلمك انا كمان. احمد: باي. تطلع حور لمراد وتركب جمبيه ويمشوا منغير أي كلام تاني. **✨عند بيت مراد✨**

وكانت منه خلصت تجهيز نفسها ولبست فستان اسود طويل وفردت شعرها وحطت ميكب خفيف وكانت زي القمر. روت وطنت نفس الكلام جهزت الدنيا ولبست واستعدت. **✨عند مراد وحور✨** وصل مراد وحور العماره وطلعوا. مراد: هتدخلي معايا دلوقت ولا هتدخلي بيتك الأول؟ حور بهدوء تتحسد عليه: هغير واجي علطول. مراد: تمام وأنا هدخل اغير برضو. حور: تمام. ودخل كلا من حور ومراد شقتهم يغيروا ويجهزوا. **✨عند بيت مراد✨** دخل مراد شقته وكانت مامته في المطبخ.

مراد: السلام عليكم عامله إيه ي ماما. ناهد: الحمد لله يا ابني. مراد: امال منه فين؟ ناهد: بتلبس. مراد: طب تمام في حاجة ناقصاكوا طيب؟ ناهد: لا يحبيبي كلو تمام. مراد: طب كويس اروح اغير أنا واجي. ناهد: ماشي يا حبيبي. يدخل مراد اوضته وطلع تشيرت ابيض على بنطلون جينز وظبط شعره وطلع من الاوضة. ✨لقا رساله من ادهم✨ ✨الرساله✨ ادهم: أنا تحت يمراد وطالع. مراد: تمام يصحبي تعالي مستنيك. **✨عند بيت حور ✨**

حور بسعاده: السلام عليكم ي اهل الدار. ايمان ومعتز: اهلا. معتز برخامه: مش كفاكي نزول يبت انتي. حور وتطلع لسانها لمعتز: وانت مالك يغتت انت. معتز: اجي اوريكي الغتت طيب. حور وترفع ايديها باستسلام: خلاص يعم أنا داخله البس عشان اروح لمنه. ايمان: هتروحي لمنه لي في حاجة؟ حور بفرحه: اصل ادهم هيجي يتقدم لمنه ويقرا فاتحتها. ايمان بفرحه: فرحتيني والله يحور ربنا يتملها على خير. حور بابتسامه: يارب يا ماما. ودخلت تغير.

لبست حور فستان ازرق قصير لحد الركبه وفردت شعرها وحطت ميكب خفيف وراحت لبيت منه. **✨عند ادهم وحور✨** طلعت حور من شقتها تصادفت مع ادهم اللي طالع على السلم. حور وتجري عليه: ادهم! ادهم بابتسامه ويطبطب على كتفها: ازيك يحوري. حور: الحمد لله وانت. ادهم بفرح: فللل انا مبسوط اوي. حور بغمزه: حقك يا عمنااا. ادهم: ويخبط على باب مراد خلي بالك بقا عشان هتتهزئي. حور: احم ربنا يستر. **✨عند بيت مراد ✨**

وفتح الباب ولقا ادهم وحور ورجع بص تاني لحور لقاها لابسه فستان قصير ومخليها حلوه اكتر ما هيا حلوة. مراد بعصبيه: ادخل ي ادهم. ادهم بضحك ويبص لحور: أسيبك تتهزئي بقا. مراد بعصبيه: إدا ي استاذه زفت حور. حور بزعل: إيه بتزعقلي لي. مراد: ونبي أزعقلك لي انتي شايفة مفيش حاجة تخليني أزعق. حور بعصبيه: اه مفيش حاجة تخليك تزعق وبعدين روح زعق ل ليلي مش ليا على الأقل لبسي أحسن منها. وسبته ودخلت. ناهد جوا: ازيك ي ادهم عامل إيه.

ادهم: الحمد لله يطنط وحضرتك عاملة إيه. ناهد: تعالي يحبيبي اقعد. تعالي يحور سيبك من مراد. حور وتحضن ناهد: جايلك يطنط وحشتيني ينهود والله. ناهد بابتسامه: وانتي وحشاني أكتر يحور زعلانه منك عشان مش بتيجي تسالي عليا. حور بغمزه: سامحيني والله ينهود انتي عارفة غلاوتك عندي. مراد بعصبيه: مش كفاية تحضين في أمي. حور وتطلع لسانها ليه: وانت مالك انت ودي أمي برضو. ناهد: خلاص بقا اقعدوا بقا اقعدوا.

قعدوا كلهم ومنه بعدها بشوية طلعت بالصينية وحطته على الترابيزه وسلمت على ادهم. ادهم بابتسامه وباصص لمنه: وشايف منه جايه بالصينية ولابسه فستان وكانت زي القمر جت سلمت عليا وقعدت أه لو اخطفها وامشي وطظ في مراد. مراد بيتكلم وادهم ولا هنا: ادهممممم. ادهم بفوقان: إيه يا عم. مراد ويخبطه على كتفه: متسرحش كتير ها.

ادهم بتسرعه: بصوا بقا كده أنا عاوز اتجوزها ونقرا الفاتحة انهاردا والأسبوع الجاي الفرح كده كده عارفين بعض مش مستاهلة خطوبة. كلهم بضحك: إيه يا عم متهدي. ادهم: خلاص بقاا مش قادر. اجماع: مراد بضحك: أولاً كده قال الفرح الأسبوع الجاي أنسى يا عسل، هو اللي ممكن أوافقك فيه كتب كتاب مش أكتر، الفرح بعدها بكام شهر إن شاء الله ولا إيه رأيك يا ماما. ناهد: أيوة أنا مع مراد. ادهم: مش مهم موافق يالا نقرا الفاتحة.

كلهم وبدأوا يقروا الفاتحة. ناهد بسعاده: مبروك يا ولاد استنوا أجيب الشربات. حور وتحضن منه: مبروكك يا حبيبي ألف مبروك. منه وتبادلها الحضن: الله يبارك فيكي عقبالك مع الحلو أخويا إن شاء الله. حور بابتسامه وتسكت. مراد ويحضن ادهم: مبروك يا صاحبي. ادهم ويبادله الحضن: الله يبارك فيك يا برنس عقبالك بقاحن على البت اللي هتعنس بسببك دي. مراد بابتسامه خبث: متخافش قريب أوي هيحصل. ادهم: قصدك إيه بقا قريب أوي هيحصل.

مراد: ملكش دعوه بقاا. ادهم: ماشي يا خويا تعالو ننزل طيب. مراد: في. ادهم: إيه كافيه عاوز اخرج مع البت يعم هتيجي ولا اخدها وانزل. مراد: عند أمك رجلي على رجلكم. مراد ويوجه كلامه للبنات: يلا هننزل. منه: تمام أنا جاهزة. حور: وأنا كمان. مراد ويبص لحور: نعم سمعيني تاني كده. حور: بقولك وأنا كمان جاهزة. مراد بعصبيه: طب روحي غيري وخلي الليلة دي تعدي على خير. حور: أوووف منك بقا. منه: معلش يحور روحي عشان خاطري.

حور وتبص بصه نارية لمراد: حاضر ي منه. **✨تاني يوم✨** عند ملك. صحت ملك ولبست عشان تروح الكلية ولقت رساله من سيف. ✨الرساله✨ سيف: انزلي يلوكه. ملك: انزل فين. سيف: إدا أنا مقولتكليش أصل حبيت اجي أوصلك للكلية. ملك بابتسامه: طب نزلالك. باين. نزلت ملك لسيف. ملك بابتسامه: صباح الخير. سيف بابتسامه: صباح النور على أحلى ملوكة. ملك بخجل: اامم قررت امتي تيجي توصلني. سيف بابتسامه وعارف انها بتغير الموضوع عشان اتكسفت: اركبي طيب.

ركبت ملك بالكرسي اللي جمبه وكمل كلامه اصل بصراحة مهنش عليا اخلي الحلو دا يتبهدل في المواصلات يرضيكي. ملك بضحك: ماشي يا خويا يلا امشي بقا. **✨عند بيت حور✨** معتز صحي الصبح ولبس ودخل يصحي حور ومامته. حور: حاضر قايمة. ايمان: قامت علطول. معتز: يلا يحور هنزل واسيبك. حور: خلاص خلصت أهو يلا بينا. ايمان: خلي بالكوا من نفسكوا. وحور ومعتز: حااضر باي. وهما طالعين اتصدفوا بمراد بيقفل الباب. معتز: ازيك يمراد.

مراد: حبيبي الحمد لله وانتم. معتز: فلل يا صاحبي. مراد: ازيك يحور. حور: الحمد لله. مراد: إيه رايح فين كده يمعتز. معتز: رايح على الشغل وانت. مراد: ربنا معاك يا صاحبي وأنا رايح الشغل برضو. معتز: طب يلا ننزل هنتاخر كده. مراد: طب خلاص روح شغلك انت وهات حور تركب معايا كده كده هنروح نفس المكان. معتز وينزل السلم: نفس المكان ازاي. حور: اصل يمعتز مراد يبقى الدكتور بتاعي. معتز: اهاااا طب خلاص معلش هتعبك يمراد.

مراد ويخبطه على كتفه: بس هبلل هتتعبني في إيه. وفعلا مشي علطول معتز وحور ومراد مع بعض. **✨عند حور ومراد✨** مراد بضحك: مش هتصدعيني ولا إيه. حور بزعل: لاا مش بكلمك اصلا. مراد: أهون عليكي يحوري. حور بعصبيه وبعدها نوبة عياط: أه هونت عادي زي ما أنا هونت ولحد الان أنا مش فاهمة إيه اللي بيحصل مش متخيلهه ومش فاهمهه في إيه. مراد يوقف العربية: وووووووووووووووووووو