رواية مراهقة الفصل السادس 6 - بقلم أروى طارق

حور: تمام. أنا مليش حق، بس أخوكي ليه حق، وأنا هقوله. فريدة بصت بصدمة: هتقولي له إيه؟ حور: هقوله إنك بتكلمي مؤمن. فريدة بتردد: طب ما أنا طول عمري بكلم مؤمن. حور ببرود: آه، بس أنا هقوله على الحوار اللي بيدور بينك إنتي ومؤمن. فريدة بملل: حور، إنتي عايزة إيه؟ حور بجدية: توقفي كلام مع الواد ده. فريدة: حاضر. ولو وقفت، مش هتقولي لفارس، صح؟ حور: صح. *** فريدة بتكلم مؤمن فون. فريدة: عايزة أقولك حاجة. مؤمن: قولي.

فريدة: إحنا مش هينفع نتكلم تاني. مؤمن: نعم! ليه إن شاء الله؟ فريدة بتردد: عشان حور قالتلي إن كده حرام. مؤمن بضيق من حور: بس إحنا مش بنعمل حاجة غلط. فريدة بتردد: لالا، برضه لأ. مؤمن: بس أنا بحبك. فريدة: إيه! مؤمن: بحبك، بس مش هينفع أتقدملك دلوقتي عشان إنتي صغيرة وأنا مش جاهز. فريدة: ... مؤمن: هتستني لما أجهز، صح؟ فريدة: ... مؤمن: هتستني، صح؟ فريدة اتنهدت: صح. مؤمن: بحبك. فريدة بتردد: وأنا...

مؤمن ابتسم بخبث: وأنتي إيه؟ فريدة: أنا كمان... أنا كمان بحبك. مؤمن: أنا مبسوط. بصي، هنتكلم ومتقوليش لحد، أصل مش هعرف تفضلي بعيدة عني كده. فريدة: ممم... ماشي. *** أيام... شهور... سنين. خلصت الثانوية العامة، كل واحدة دخلت الكلية اللي عايزها، وبقت في سنة تالتة. فريدة كلية صيدلة، وحور كلية طب أسنان. *** أم حور: حووور... يلا يا بنتي عشان نروح لمرات خالك. حور: هو إحنا رايحين ليه؟ أم حور: عشان خالك مسافر، ومتقعدش لوحدها.

حور: طب ما تروحي إنتي. الأم: هتروحي معايا يا حور، يلا. حور: حاضر... حاااضر. *** مؤمن وفريدة واقفين على أول الشارع بتاعهم. مؤمن: خلاص، متزعليش. فريدة: بقالك يومين مسألتش عليا. مؤمن: غصب عني والله يا حبيبتي. فريدة: ... مؤمن: خلاص بقى، متزعليش. كمل وهو بيمسك إيدها: وحشتيني جدا جدا. فريدة: وإنت كمان. مؤمن: عايزين نتقابل في مكان بقى. فريدة وهي ماسكة إيده: شوف نتقابل فين، وأنا معاك يا حبيبي. فريييييييده! فريدة

بصت وراها بصدمة ورعب: فارس!!