رواية مراهقة الفصل الخامس 5 - بقلم أروى طارق

حور بصدمة: سافر!!! أمل: آه.. هو مسلمش عليكي قبل ما يمشي؟ حور: اااا.... أنا هروح. أمل: يبنتي هو انتي دخلتي اصلا... تعالي اقعدي مع فريدة شوية. حور: لالا شكراً... سلام. *** أمل: يا فريدة.. فريدة. فريدة: أيوا يا ماما... نعم. أمل: هي حور بنت عمتك مالها؟ فريدة باستغراب: مالها! ..... انتي شوفتيها؟ أمل: آه جات دلوقت تسأل على فارس. فريدة: فارس! معقول مسلمش عليها قبل ما يمشي!! ..... طب هي فين؟

أمل: أول ما عرفت إنه سافر مشت ع طول. فريدة: غريبة فعلاً! ... تمام هبقى أشوفها بس هخلص مذاكرة. أمل: طيب. *** عند فارس. فارس لنفسه: أنا غبي جداً والله... مكنش ينفع أمشي من غير ما أقولها... بس هي برضه ضايقتني في المرة اللي فاتت... يمكن مكنش قصدها... كنت المفروض أسلم عليها... تبًا لغبائي والله بجد. *** عند فريدة. ماسكة الفون مستنية مسدج. فريدة: ياربي بقاا هو مبعتش حاجة ليه انهارده! أوووف.

"يا فري ازيك معلش مبعتلكيش انهارده حقك عليا." فريدة شافت المسدج دي و ضحكتها ما فرقتش وشها و ردت: الحمد لله... عادي ولا يهمك. "مذاكرتك أخبارها إيه؟ أنا بدعيلك على طول." = الحمد لله. "أنا عايز مجموع يشرف." = حاضر متقلقش ثق فيا. "أنا واثق." الأيام بتعدي و مؤمن كلامه بيزيد مع فريدة، وهي... بتتعلق بيه بس بطريقة مختلفة... بعيدة تماماً عن الصحاب!! ***

حور و فريدة قاعدين مع بعض، و فريدة جتلها مسدج و أول ما شافتها ابتسمت و بدأت تكلم اللي بعتلها. حور: بتكلمي مين و انتي مبتسمة كده يبت! فريدة: ااا... بكلم... بكلم مؤمن. حور: مش شايفة إن أستاذ مؤمن حواراته كترت و كلامه بيزيد ولا إيه؟ فريدة بملل: قولت قبل كده إحنا صحاب عادي مفيش حاجة يعني. حور بعصبية: قولت مليون مرة مفيش حاجة اسمها صحاب افهمي بقا. فريدة بعصبية و تسرع: خلاص يا حور.. اعتبرينا مرتبطين.

حور: انتي مجنونة ولا إيه!! ازاي تقوليلي كده أصلاً... مفيش حاجة اسمها صحاب و مفيش حاجة اسمها ارتباط... الارتباط ده علاقة حرام أصلاً و اللي بتعمليه ده حرام يا فريدة حرااام و نهايته وحشة أوي. فريدة بعصبية: بطلي كل حاجة تقوليلي حرام ولا حلال... ملكيش دعوة بحياتي... اتحكمي في حياتك و في نفسك و ملكيش دعوة بيا. حور: يعني إيه مليش دعوة! انتي بنت خالي و أختي.

فريدة: لا مش أختك و انتي ملكيش حق تقوليلي كده و تتحكمي فيا و في تصرفاتي كده. حور: تمام... أنا مليش حق بس أخوكي ليه حق و أنا هقوله.... فريدة بصت بصدمة و...