رواية مراهقة الفصل الثاني 2 - بقلم أروى طارق

وإيه اللي صوتكم عالي ده؟ وأيه اللي بتقوليه ده! فريدة بصت للداخل بصدمة وخوف، وحور واقفة بظهرها وعينيها بتدمع. ردوا علياااا... فريدة: فيه إيه؟ مفيش حاجة. أم فريدة (أمل) : أمال صوتكم عالي ليه؟ فريدة: مش عالي ولا حاجة يا ماما. أمل: مالك يا حور؟ انتي كويسة؟ حور لفتلها بابتسامة: آه يا طنط أنا تمام. بعد إذنكم أنا ماشية. حور نزلت وشافت فارس في الشارع. فارس: رايحة فين؟ حور: مروحة. فارس: طب ما تقعدي معانا شوية.

حور: لا لا الوقت هيتأخر. فارس: إيه المشكلة؟ بيتكم بعدنا بشارع. حور: لا عايزة أروح. فارس بنص عين: انتي كويسة؟ حور: اممم كويسة. فارس: فيه حاجة ضايقتك؟ حور: لا أنا تمام. سلام. فارس: سلام. *** تاني يوم بعد الدرس. فريدة: هتفضلي مقمصة كتير؟ حور: ......... فريدة: طب أنا غلطت في إيه؟ حور: أنا عشان بعرفك الصح والغلط أبقى بعمل عليكي مثاليه! أنا مش مثاليه في أي حاجة يا فريدة. فريدة: مكنتش أقصد أقول كده.

حور: ولا تقصدي، مش فارقة. فون فريدة رن. فريدة: أيوة يا بابا. .......... فريدة: حاضر جايين. سلام. فريدة: يلا عشان بابا بيقول اتأخرنا. حور: طيب. فريدة: لسه زعلانه؟ حور: يلا عشان خالو. فريدة: بس... حور قاطعتها: يلااا. *** حور: روحي انتي وأنا هروح. فريدة: كده كده هتتغدوا عندنا انهارده. تعالي معايا. حور: لا هطلع وشوية وهاجي. فريدة: ماشي. *** حور طلعت البيت. حور: ماماااااا.... ماما.... مامااا.. ماما. الأم: أي نعم.. في إيه؟

حور: عاملة إيه؟ الأم بابتسامة: كويسة... انتي اللي كويسة؟ حساكي متغيرة من امبارح. حور: لا أنا كويسة. الأم: طب يلا روحي غيري وشوية وهنروح عند خالك. حور: أشطا ماشي... بس هنام شوية صغننين خالص. الأم: ومذاكرتك يا حور!! حور بتمثيل البراءة: شوية صغننين خالص. الأم بابتسامة: ماشي.. روحي. *** في بيت خال حور. أمل: يلا يا فارس الأكل اتحط. فارس: استنى لما نكمل يا ماما. حور باستغراب: مين جاي تاني؟ فارس: مؤمن يا بنتي.

حور بصوت واطي: أووف. فارس لاحظ ضيقها لما قال كده بس معلقش. الجرس بيرن. فارس: اتأخرت ليه؟ مؤمن: معلش يا أسطا. يا طنط الريحة الجامدة دييي. أمل بضحك: تعالى يا حبيبي كل يلا. مؤمن دخل عند السفرة: سلام عليكم. الكل: وعليكم السلام. أحمد: يلا يا مؤمن اقعد. مؤمن: ازيكم يا بنات. فريدة: كويسين يا مؤمن وانت؟ مؤمن بابتسامة: أنا ك... فارس قاطعه: هو كويس. كلو بقى. حور كانت سرحانة. فارس: حووور .... حور!! .... يا حوور!!!

فارس رمى عليها مخدة. حور: إيه .... فيه إيه يا بني؟ فارس: انتي اللي فيه إيه؟ روحت فين؟ حور: مفيش حاجة. مؤمن: إيه اللي واخد عقلك يا قمر. حور اكتفت ببصة بملل ليه وسكتت. وكملوا أكل ومحدش اتكلم. *** حور: أنا همشي عايزين حاجة. أحمد: ليه.. خليكي قاعدة معانا. حور: معلش يا خالو عندي مذاكرة. بابا وماما قاعدين معاكو أهو. سلام. فارس: حور استني عايزك. وقفوا بره شوية. فارس: فيه إيه؟ حد ضايقك؟ حور ابتسمت: يوه!

مفيش حد ضايقني. وبطل تسألني مالك كل شوية عشان مش بحب كده. فارس بص بشك: ماشي. *** حور نزلت وهي ماشية سمعت. استني يا حور. حور لفت باستغراب: نعم... فيه حاجة؟ مؤمن: انتي بتعامليني كده ليه؟ حور: بعاملك إزاي؟ أنا بعاملك عادي. مؤمن: بتتعاملي معايا بحدود. حور: عشان ده الصح! مؤمن: إحنا صحاب من زمان يعني أنا زي أخوكي... فيه إيه بقا؟

حور: مفيش حاجة اسمها زي أخوكي. انت واحد غريب عني ولازم يكون فيه حدود في التعامل مش فاهمة إيه الغريب!!! وإنت كنت صاحبي زمان لما كنا صغيرين لكن أعتقد دلوقتي إحنا كبرنا! مؤمن بغضب: وأشمعنا أنا اللي بتعملي فيها مؤمنة معاه!! ما انتي بتمشي تهزري مع فارس وتضحكي بقله أدب مع ابن خالك وغريب عنك بردوا ولا انتي مع اللي على مزاجك و....... حور قاطعته وهي بتضربه بالقلم: اخرص.