رواية مراهقة الفصل الثالث 3 - بقلم أروى طارق

حور قاطعته وهي بتضربه بالقلم: اخرس. مؤمن بعصبية مسكها من دراعها: انتي اتجننتي يا بت. مؤمن: انتي ماسكها كده ليه؟ مؤمن ساب أيدها بسرعة: مم... مفيش... كان فيه عربية معدية، فشدتها قدام. مكنش قصدي أمسكها كده. فارس بضيق: العربية عدت من بعيد عنها أصلاً. مؤمن: م... أصل... كانت هتيجي قريبة... مكنش قصدي. فارس بص لحور: ده صح؟ حور بصاله والدموع في عينها ومش عارفة ترد. فارس بعصبية: ردي. حور: مم... معرفش. مؤمن عمل نفسه مسمعش:

أنا ماشي دلوقتي، ونقابل بعدين. سلام. فارس: متعرفيش إيه؟ حور: صح صح. فارس: فيه إيه مالك؟ حور: مليش... سلام. *** فارس في أوضته بليل بيفكر: أكلمها طيب أشوف مالها... لا لا مينفعش الساعة ١... طب ما هو كان باين فيه حاجة ضايقتها النهاردة! وأنا اتعصبت عليها... لا بردو ما هو مكنش ينفع تخلي مؤمن يمسكها كده... طب ما ممكن مسكها فعلاً عشان العربية... أنا اتعصبت أوفر. هرن أعتذر عشان متزعلش وهقفل على طول.

فارس رن مرتين مردتش، في التالتة ردت. حور: ألو. فارس: مبترديش ليه؟ حور: فيه حاجة؟ فارس: لا. حور: أما بترن عليا دلوقتي ليه؟ فارس: آآ... عادي. حور: عادي ترن تلت مرات الساعة واحدة! فارس: كنت عايز أقولك متزعليش أو اتعصبت عليكي النهاردة مقصدتش... بس اتعصبت لما لقيتُه ماسكك كده. حور: ....... فارس: انتي لسه زعلانة! طب والله مقصدتش. حور: أنا هنام. فارس: زعلانة؟ حور: لا. فارس: طب مالك طيب. حور:

أنا تمام، مخنوقة من جو المذاكرة بس. فارس: طب إيه رأيك نقول لـ عمتو وعمو محمد وبابا وماما ونخرج خروجة عائلية من بتاع زمان دي. حور ابتسمت: قولهم وأنا معاكو. فارس بابتسامة: متزعليش مني، أنا آسف. حور: ما قولت مش زعلانة خلصنا. فارس: يخربيتك قفلتيني... روحي نامي يا حور. حور بضحك: سلام، ومترنش في وقت زي ده تاني. فارس: حاضر... سلام. *** فريدة في أوضتها ماسكة الفون وجالها رسالة. _يا فري ازيك.

فريدة ابتسمت أوي لما شافت المسدج من مين. = الحمد لله يا مؤمن وانت. _أنا كويس طول ما انتي كويسة. = عاملة إيه في المذاكرة؟ = الحمد لله تمام، ادعيلي. _أكيد بدعيلك. = عايز أقولك حاجة ضروري. _إيه؟ = كنتي زي القمر النهاردة وشكلك في البنطلون أحلى كتير من الدريس الواسع اللي بتلبسيه ده، شكلك في البنطلون أشيك بكتير. = بجد يعني ألبس بنطلونات بعد كده؟ _قولتلك أنا بشوفك حلوة في كل حاجة، بس بقولك الأجمل.

= شكراً يا مؤمن بجد، ربنا يخليك ليا، أنت أكتر حد بيهتم بيا وبتفاصيلي. _شكراً إيه بس، أنتي غالية عندي جداً يا فريدة... المهم متقوليش لحد إني بكلمك وكده عشان ميفهموش غلط. = أكيد مش هقول. _تصبحي على خير يا قمر. = وانت من أهل الجنة... سلام. قفلت الفون ونامت على السرير بابتسامة عريضة وأحلام وردي بتترسم. يا عالم هتكمل ولا لأ. *** مؤمن وفارس قاعدين في كافيه. مؤمن: هو أنا زعلتك في حاجة؟ فارس:

إياك أشوفك بتلمس واحدة من البنات... متسلمش بإيدك حتى. مؤمن: يسطا مكنتش أقصد. فارس: ماشي خلاص... فيه حاجة عايز أقولهالك. مؤمن: قول يا حبيبي. فارس: أنا قررت...