رواية مرامي الفصل الأول 1 - بقلم اية هاني

الشقة جالها مشتري وهبيعها. ميريام ببكاء: "إزاي دا يا مجدي؟ عايز ترمينا أنا وبنت أخوك في الشارع." مجدي بقسوة: "أه يا ميريام، هرميكوا في الشارع عشان انتوا متستاهلوش تعيشوا ثانية في البيت دا." "ليه عملنالك إيه يا مجدي؟ دا كله عشان بنتي موافقتش على ابنك الحقير." "اخرسي! ابني أشرف منك ومن بنتك." "عمي! إيه اللي انت بتقوله داا." "مرام ادخلي انتي أوضتك يا حبيبتي، أكيد تعبانة من الشغل."

"لا يا ماما، أنا لازم أفهم فيه إيه. مش كل يوم يسمعنا كلمتين من دول." وبصت لعمها بغضب: "كمل كلامك يا عمي." "خلي أمك تقولك. أنا دلوقتي همشي عشان مش فاضيلكم." وخرج. ميريام قعدت على الكرسي وفضلت تعيط. مرام قعدت جنبها وحضنتها: "بالله عليكي ما تعيطي يا ماما. قوليلي بس قالك إيه." "قالي إن الشقة جالها مشتري وهيبيعها." "إيه!! هيبيع شقتنا إزاي داا." "منه لله هو اللي خدع أبوكي ومضاه على العقد." "ماشي يا عمي مجدي."

"ماما عن إذنك، هخرج برا شوية وجاية." "رايحة فين يا بنتي؟ انتي لسه جاية من الشغل." مرام افتكرت اللي حصل في الشغل والقلق بان على وشها. "مش هتأخر، بس لازم أخرج ضروري." ميريام مسحت دموعها: "ماشي يا حبيبتي، متتأخريش برا." مرام خرجت ونزلت لعمها وقابلت وليد ابن عمها. "على فين إن شاء الله." مرام بغضب: "فين عمي يا وليد." "أه علشان موضوع الشقة." "أه يا وليد، فين عمي علشان مش فاضية لعيل زيك."

وليد ضربها بالقلم: "دا علشان تعرفي انتي بتكلمي مين. وبالنسبة لموضوع الشقة فـ أمره منتهي ومفيش كلام مع بابا تاني، وعلى آخر الأسبوع تاخدوا حاجتكم وتخرجوا براا." مرام علت صوتها علشان عمها يسمع. "هتشوفوا أنا هعمل فيكوا إيه انت وولادك يا عمي. وخروجنا من البيت مش معناه إننا اتهزمنا وهنسكت." وبصت لوليد ووجهتله الكلام: "أما انت بقى يا بتاع بابا وماما، حسابك معايا لوحده على القلم دا." وطلعت شقتهم. "برضوا نزلتي لعمك يا مرام؟

مش أنا قولتلك قبل كدا يا حبيبتي متتكلميش معاه. ربنا هو اللي هياخد حقنا منه." "كان لازم أرد على كلامه يا ماما. ودلوقتي مفيش وقت للكلام، لازم نلم هدومنا وحاجتنا ونمشي." "طب وهنحطهم فين يا بنتي؟ هو فيه مكان." مرام بصت لها وعيطت: "متقلقيش يا ماما، أنا من بكرا هنزل وأشوف أي مكان نأجره ونقعد فيه لحد ما يبقى معانا فلوس نشتري. بس مش عايز اكي تشيلي هم أي حاجة." ميريام حضنتها: "واثقة فيكي يا حبيبتي."

في أحد العائلات المهمة في البلد. "مروان، انت بتعمل إيه! "ولا حاجة يا ماما، بتمرن زي ما انتي شايفة." "وانت عاجبك قاعدتك في البيت كدا؟ مش شايف صحابك وولاد عمك شغالين وواقفين مع أبوهم إزاي." "كل يوم نفس الكلام يا ماما. أنا هحتاج الشغل في إيه." "افرض أبوك حصله حاجة فـ يوم من الأيام، نعمل إيه وقتها." "أنا خارج أحسن يا ماما، مش هسلك من كلامك." وخرج راح النادي. نرجع تاني لـ مرام. "ماما أنا عايزة أقولك حاجة."

"قولي يا حبيبتي، فيه إيه." مرام بصت في الأرض بحزن: "أنا اترفضت من الشغل."