رواية مرامي الفصل الثاني 2 - بقلم اية هاني

ماما أنا اترفدت من الشغل. –بتتكلمي جد؟ مرام مسكت إيدها: أنا عارفة إنك زعلانة دلوقتي، بس والله ما عملت حاجة. ليهم أنا شغالة عادي وكنت تعبت شوية وخدت 5 دقايق راحة، والمدير جه وزعق لي ورفدني. ميريام حضنتها: مش زعلانة يا حبيبتي. وعلى عيني إني مخلياكي تتبهدلي من أي حد. والله بس انتي مبتسمعيش الكلام وعايزة تشتغلي. –ما انتي عارفة يا ماما إني مش بحب أصلاً أقعد في البيت.

_ربنا يديمك ليا يا حبيبتي. وإن شاء الله أنا هلاقِي شغل أنا كمان. –مش لازم يا ماما والله، أنا هلاقِي شغل ليا. متقلقيش نفسك. _أنا قولت كلامي وهشتغل أنا كمان. يلا دلوقتي قومي معايا ادخلي غيري هدومك وأنا هجيب الأكل. _مروان بيه. –أيوا. _غرام هانم بتقول لحضرتك تنزل تفطر معاها. –طيب يا أمينة، قولي لها جاي. بعد شوية نزل تحت. _صباح الخير. مهران بغضب: صباح إيه بقى، إحنا بقينا المغرب يا بيه. مروان بإحراج: آسف يا بابا.

_اتفضل اقعد كل يا بيه. ومن بكرة هتيجي تقف معايا في النادي، أنا مش هفضل لوحدي كده. –إن شاء الله. تاني يوم. ماما أنا هخرج دلوقتي أدور على شغل أنا وروزي. –طيب يا حبيبتي، ربنا يسترها معاكي يارب وتلاقي شغل. + وأنا كمان هخرج أدور. _خلاص ماشي، بس رني عليا لو حصل حاجة. –ماشي يا حبيبتي، يلا بالتوفيق. _روز عملتي إيه؟ –لقيت إعلان على الفيس نازل أول امبارح، عايزين طباخين في فندق بس برا البلد.

-بس مش هينفع، مش هقدر أسيب ماما لوحدها. _طب هنعمل إيه، لازم نشتغل. –طب خلاص، أنا هفكر في الموضوع وأشوف ماما هتوافق ولا لا. _ماشي، خلاص تعالي نفطر. -يلا. _جميل، دلوقتي مروان أمانة في إيديك وعايزك تعامله زي باقي الموظفين. –حاضر يا بيه. وبالنسبة للشغل هيمسك قسم إيه؟ _قسم تنفيذ الحفلات والمناسبات اللي في النادي. –تمام يا مهران بيه. وخرج مهران، ومروان دخل مكتبه وكان متضايق.

_مروان، دي الملفات اللي فيها أسماء الناس اللي بيجوا النادي. هترتبهم لي حسب الحروف الأبجدية، ولازم تخلص الشغل ده النهارده. –تمام. وخرج جميل وساب مروان في المكتب. _أنا دلوقتي مش بعرف أعمل الحاجات دي، ياربي أنا مش هعرف. أنا الأحسن لي أخرج من هنا. وبعد شوية خرج مروان بصعوبة وخد عربيته ومشي. _روز، أنا هروح أجيب حاجة وجاية. –هتجيبي إيه؟ _مفاجأة بقى. ومشت تجيب غزل البنات. وهي واقفة حد حط إيده على كتفها.

مرام بصت وراها لقت وليد ابن عمها. _أنت بتعمل إيه؟ –ولا حاجة. مرام ضربته بالقلم: إياك تحط إيدك عليا تاني يا حيوان. وليد بغضب شديد: مرام، أنت اتجننتي. مرام مردتش عليه وجريت بسرعة. مروان كان هيخبط فيها، بس داس فرامل بسرعة. مرام فتحت باب العربية وركبت معاه. _لو سمحت امشي بسرعة. مروان بإستغراب: أنتي مجنونة، انزلي من عربيتي يلا. _أنا عارفة إن ده غلط، بس فيه حد لاحقني وممكن يقتلني. لو سمحت امشي بسرعة.