رواية مراتي مجنناني الفصل الثالث والعشرون 23 - بقلم شهد احمد

تاني يوم الصبح. حازم قام وجهز الفطار لبريا. الفطار عبارة عن لبن وسلطة فواكه. خالص الأكل، راح يصحي بريا. حازم: قلب زوما، اصحي يلا الفطار جاهز. بريا: حبيبي، 5 دقايق. حازم: يلا افطري ونامي تاني علشان اطمن عليكي قبل ما امشي يا نبض زوما. بريا: حاضر. وقامت علشان تفطر. أكلت سلطة الفواكه وقالت: بريا: خلاص. حازم: يلا اللبن اشربي. بريا: زوما، أنا مش بحب اللبن. حازم: بريو، يلا علشان البيبي. بريا: مش بحبه يازومتي.

حازم: طيب إيه رأيك نحط فيه شوكولاتة، جربي. بريا: اوكي. حازم راح يجيب شوكولاتة وحطها في اللبن وعطاه لبريا تشربه. حازم: قوللي رأيك. بريا: حلو أوي يازوما. وراحت باسته. حازم: قلب زوما، انتي. يلا لو هتنامي تاني نامي، أنا هجهز علشان أروح الشغل. هخلص بسرعة وأجي. بريا: اوكي ياحبيبي، يلا روح اجهز. حازم راح جهز نفسه وراح عند بريا وقال: حازم: عايزة حاجة يا قلب زوما قبل ما أمشي؟ بريا: حضنته وقالت: لا، سلامتك ياحبيبي، يلا باي.

حازم: باي. وسابها ونزل. خبط على أمه. امه فتحت. امه: أهلاً يابني، رايح الشغل؟ حازم: آه، ممكن تطلعي جنب بريا عقبال ما أجي من الشغل؟ امه: حاضر، روح ولا تشغل بالك. حازم: تسلمي يامي، هتعبك معايا. امه: ولا تعب ولا حاجة، وبعدين دي بنتي وحفيدي. حازم باس راس أمه وقالها باي. امه: باي يابني، في حفظ الله. وراحت طلعت عند بريا. امه: أهلاً يابريا. بريا: أهلاً ياماما، تعالي. امه: عايزة حاجة أعملهالك؟

بريا: لا تسلمي، عايزة أنام في حضنك على رجلك. امه: تعالي. طلعت جنب بريا على السرير وسندت على السرير وبريا راحت حطت دماغها على رجليها. امه: يلا نامي، أنا جنبك أهو. بريا: حاضر. وبريا نامت ومامت حازم كانت جنبها. وشوية والجرس رن. وكانت ملك ومعاها عمر. امه: أهلاً ياملك، أهلاً ياعمر، ادخلوا. ملك: أومال فين بريا؟ امه: بريا نايمة جوه تعبانة شوية. ملك: أهم. امه: تعالي نقعد جنبها. دخلوا عندها. وشوية وبريا صحيت.

بريا: إيه ده، ملك جيتي امته وليه مصحتنيش؟ ملك: ماما قالت إنك تعبانة، ألف مبروك يابريو على البيبي. بريا: الله يبارك فيك، مبسوطة أوي إنه هيكون عندي زوما صغير. ملك: هههههههه، حازم واخد عقلك على الآخر. بريا: هههههههه، بعشقه. ولقت حازم بيرن. ملك: جبنا سيرته أهو، اتصل. حازم: الو. بريا: وحشة. حازم: قلب زوما، عاملة إيه؟ بريا: كويسة ياحبيبي، جاي امته؟ اشتقتلك أنا والبيبي. حازم: نبضي، شوية وجاي، مش هعوق.

بريا: خلي بالك من نفسك باي. حازم: حاضر، وانتي كمان باي. ملك: الله على الحب هههههههه. عمر: بريا، يلا العبي معايا. بريا: مش قادرة ياعمر، هلعب معاك بعدين. عمر: بريا، العبي معايا بقا. ملك: عمر، بريا تعبانة، هتلعب معاك بعدين. امه: عملت عصير مانجا. امه: يلا يابريا، اشربي. بريا: حاضر ياماما.