رواية مراتي مجنناني الفصل الثامن عشر 18 - بقلم شهد احمد

بريا خلصت لعب مع عمر وأخدته وراحت تقعد مع حازم ومامته وأخته. حازم: أول ما شافها جاية عليهم قالهم، بس نتكلم بعدين. ملك: أوكي. بريا: إيه يا حازم، حاسة إنكم بتتكلموا في موضوع ومش عايزني أعرف. حازم: بص لملك. ملك: أبداً يا بريا، ده أنا كنت بقول إن فهد عنده حفلة وعايزني معاه بس أنا مش عندي فساتين، فكنت بقول لحازم ييجي معايا. بريا: تمام. ملك: بقولك إيه يا بريا، ما تيجي معايا أنا وحازم، إنتي ذوقك حلو أوي في اللبس.

بريا: اوكي، شوفي هتروحي امتى وأيجي معاكي. ملك: فاضي امتى يا حازم؟ حازم: دلوقتي، يلا قوموا اجهزوا ويلا نروح. ملك وبريا: اوكي. حازم أخد بريا وطلعوا علشان يجهزوا. بريا راحت عند حازم وحطت إيديها حوالين رقبته وقالت: زوما. حازم: قلب زوما. بريا: أنا حاسة إنه مش الموضوع ده اللي اتكلمتوا فيه، كنتوا بتتكلموا في حاجة تانية وملك بس اخترعت ده. حازم: لا يا بريو، وبعدين مش هخبي حاجة عليكي علشان إنتي نبضي ومراتي. بريا: اوكي يا حازم.

حازم: حاسس إن بريا لسه ما اقتنعتش، بس قال يلا اجهزي. بريا: اوكي. بريا راحت تجهز وكانت حلوة زي عادتها، وكل مرة بتطير عقل حازم. حازم: قلب زوما، إنتي مجنناني. بريا: أنا عملت حاجة. حازم: بتحلوي كل دقيقة وكل ثانية. بريا: إنت أجمل ما رأت عيني يا قُرة عيني، ههه. حازم: هههه، أوعى، بقينا نقول شعر كمان. بريا: طبعاً، أومال. حازم أخد بريا ونزلوا، وأخدوا ملك وسابوا عمر مع مامت حازم.

وشوية ووصلوا أتيلييه فساتين ودخلوا، وملك كانت بتتفرج على الفساتين وحازم كان قاعد هو وبريا. بس بريا عينيها جت على فستان وعجبها أوي وقالت: بريا: زوما. حازم: قلب زوما. بريا: زوما، أنا عجبني الفستان ده، وشاورت عليه. حازم بص على الفستان وكان حلو أوي، كان لونه أبيض. حازم: بس كده، أميرتي تطلب. بريا: تسلملي يا زوما. حازم: لو سمحت، أنا عايز الفستان ده. البنت: حاضر يا باشا. حازم: إيه يا ملك، اخترتي إيه؟

ملك: أنا اخترت الفستان ده، إيه رأيك يا بريا؟ بريا: حلو أوي. الفستان كان لونه أسود سواريه. حازم: خلاص كده ولا في حاجة تانية؟ ملك: أنا خلصت، وإنتي يا بريا؟ بريا: وأنا كمان خلاص. حازم: اوكي، يلا نمشي. حازم أهدهم وراحوا يشربوا عصير. بريا: زوما. حازم: نعم. بريا: يلا نروح الملاهي، إيه رأيك يا ملك؟ ملك: آه يا حازم، يلا ودينا. حازم: لا، هو انتوا أطفال؟ بريا: زوما، عشان خاطري. ملك: يلا بقى يا حازم. حازم: طيب، يلا قدامي.

حازم خدهم وراحوا الملاهي. بريا: زوما، أنا عايزة ألعب اللعبة دي. حازم: بس دي خطيرة. ملك: ما إنت معانا. بريا: آه يا زوما. حازم: طيب، يلا. ركبوا اللعبة وأول ما اشتغلت بريا صوتت: ااااعا ااااعا. وملك: كمان ااااععععا. حازم: بس بس، إيه ده؟ مالكم؟ أنا جايب ولاد أختي ولا إيه؟ بريا: أنا خايفة يا حازم، نزلني نزلني. ملك: وأنا كمان. حازم: يارب صبرني، مراتي وأختي كده كتير عليا. بريا: حازم، مش وقتك، نزلني.

حازم: حاضر، بس هنمشي، هنروح. ملك وبريا: اه، هنمشي، بس نزلنا. حازم: مش هتقولوا عايزين نركب حاجة تاني؟ ملك وبريا: لا لا. حازم: هههههه، شكلكم يضحك، هههههه، طيب يلا. حازم خلى الراجل بتاع اللعبة يوقفها ووقفت. بريا: زوما، شلني، مش قادرة أمشي، حاسة إني دايخة. حازم: طيب، ولسه هيشلها. ملك: وأنا كمان دايخة. حازم: أشيل مين ولا مين؟ يارب صبرني. بريا: إنت لسه بتفكر؟ شلني أنا مراتك. ملك: ما أنا أختك، شلني.

حازم: مش هشيل حد، يلا امشوا قدامي. بريا: حازم. حازم: نبض حازم، مش هينفع أزعل حد فيكم. ولسه مكملش لقي بريا أغمي عليها. ملك: إيه ده، مالها؟ شلها بسرعة يلا. حازم: شال بريا وقعدها في حضنه وقعد يفوقها وكان قلقان أوي عليها وبيقول: بريا حبيبتي اصحي، وكب على وشها ميه علشان تفوق. وشوية وبريا فاقت، حازم ضمها في حضنه وقالها: مالك؟ بريا: مفيش، دخت بس شوية، مفيش حاجة، أنا كويسة، لا تقلق، بس تعبانة، يلا نمشي.

حازم: حاضر، يلا، وشالها عند العربية. وملك ركبت وروحوا.