رواية مريض بحب نور الفصل الثالث 3 - بقلم دهب مبروك

الباب اتفتح. تميم قام وقف مكانه من الصدمة و... "خير؟ شفت عفريت؟ تميم بصدمة: "نورين... "اها أنا اسمي نورين. الملازم نورين. أهلاً تميم بيه." تميم: "إزاي؟ مش هي تبقا بتدي صفقة الأسلحة لإبراهيم؟ القائد: "اقعد بس يا تميم وهي تبقي تحكيلك على مهمتها مع إبراهيم." نورين: "احمم، أنا عارفة كل حاجة عن المهمة، فا... القائد: "تميم، أنا عارف إنك قد المهمة دي، فا نورين هتفهمك كل حاجة، وأنا هبقى على اتصال معاكم."

تميم: "تمام يا فندم." نورين: "تمام يا فندم." القائد مشي. تميم: "احمم، اتفضلي يا نورين، عايز أفهم كل حاجة."

نورين: "إبراهيم قتل بابا لأن بابا كان لواء، فـ عرف عن نشاط بتاعه. كان يوم بابا وماما مسافرين وعملوا حادثة. إبراهيم ده ذكي، فـ مسبش أثر وراه يدل إنه بفعل فاعل. بس أنا سمعت تسجيل لبابا كان بيحكي عن إبراهيم وإنه هددوه إنه هيقتلني لو الحكومة عرفت حاجة. بابا سكت علشاني. أنا اكتشفت كل حاجة، وبعدين دخلت شرطة علشان أجيب حقهم. وكنت ضابطة مجهولة محدش يعرفني، لحد ما حكيت لقائد وعملنا خطة إني أكون جرّال مافيا ودخلت الإمبراطورية بتاعتهم واتمسكوا بسهولة."

تميم: "اها تمام." (وفي نفسه: فيه شبه بينها هي ونور كبير أوي.) نورين: "والمهمة الجديدة هنراقب تجار مخدرات. هشتغل خدامة في فيلا أكبر تاجر مخدرات، وانت هتكون القائد ليا، وأوامري هاخدها منك." تميم: "ماشي. أنا هشوف الخطة وهتدخلي إزاي الفيلا بتاعتهم وهشرحلك." البنت: "يا عسكري! يا حضرة الضابط! الحقنا! نور بتموت! نورين: "أنا همشي بقاا، سلام." ومشيت. البنت بصوت جمهوري: "بنقول الحقونا! نور بتموووووت!

تميم جري على الزنزانة وفتحها، وقرب من نور اللي بطنها بتتقطع. نور: "مـ... مـ... قـ... قـ... قـ... قـ... قادر... بـ... بمـ... وت... تميم: "إسعاااااااف! بسرعة! الإسعاف جت وخدت نور على مستشفى السجن. تميم كان وراه عربية الإسعاف بعربيته. وبعد شوية وصلوا المستشفى. الممرضات جم وخدوا نور. الدكتور دخلها وبعد شوية خرج. تميم: "ها يا دكتور مالها؟

الدكتور: "حالة تسمم. حد حطالها سم في أكل أو أي حاجة، يعني محاولة تسمم. بس الحمد لله لحقناها." تميم بصدمة: "إيه!! إزاي!! طب ماشي يا دكتور." الدكتور: "عن إذنك يا فندم." ومشي. تميم في نفسه: "اكيد في حاجة. إزاي ده يحصل؟ اكيد حاجة حصلت. وفي واحدة وراه اللي حصل." قاطعه تفكيره صوت رنة فون باسم تالين. تميم: "أيوة يا تالين." تالين: "إيه يا تميم؟ مالك؟ تميم: "مفيش حاجة، مشاكل في الشغل ومش فاضيلك."

تالين: "تميم أنا زهقت. كل شوية مشاكل شغل، مخنوق. يعني أنا اللي دريم بارك مثلاً؟ تميم بزعيق وعصبية: "تالين! لو مش عاجبك، إحنا فيها ننهي كل حاجة! تالين: "بقا كدا؟ تميم: "أيوة يا تالين." (سلام) وقفلوا. تميم: "والله منا راجعلك تاني. بنت مقرفة وملزقة كده. الله يسمحك يا ماما، انتي السبب في الخطوبة دي." *** عطيات: "يا إبراهيم باشا، زي ما بقولك، البت اتنقلت المستشفى. اقرأ عليها الفاتحة."

إبراهيم: "جدعة يا عطيات. اخرجي بس من السجن، وبقا المبلغ اللي اتفقنا عليه هيوصلك." عطيات قفلت وخبت الفون. إبراهيم: "هههههه. مش أنا يا نورين اللي يتضحك عليا؟ هههههههه. والتقيلة جاية. قتلتلك أمك وأبوكي، والتقيلة إن نور تبقي أختك، وهقتلها وأعرفك الحقيقة وأموتك انتي كمان. وانتي يا نورين تبقي ملازمة وبتضحكي عليا؟ والله لادفعك التمن غالي." وضحك بصوت عالي. *** في المستشفى عند نور. تميم للدكتور: "هو ينفع أدخلها؟

الدكتور: "اه، ادخلها." تميم دخلها وجاب كرسي وقعد وبصلها. وقال: "أنا مش عارف إيه حكايتك معايا. خايف أكون حبي... لا، انتي مجرد مسجونة عندي. بس أنا ليه شايف غير كده؟ أنا ببقى فرحان وأنا شايفك. ليه حسيت إن روحي بتطلع وقت ما شفتك بتتألمي؟ قلبه: "اعترف إنك حبيتها. كل ده بيدل على كده." تميم بص لها بابتسامة: "نور، أنا بعترف إني بحبك." في الوقت ده، نور بدأت تفتح عينيها ببطء. نور: "تميم... تميم استغرب إنها قالت اسمه، بس فرح.

في نفس الوقت: "تميم... انتي في المستشفى؟ نور: "دعكت عينيها بإيديها وقامت قعدت، وبصت لقت تميم، وقالت: تميم إيه جابك هنا؟ (وفي نفسها: يالهووووي ده أنا لسه قايلة اسمه دلوقتي. اتفضحتي ينور! تميم: "روحتي فين يا قمر انت؟ نور بتعب: "ولا احترم نفسك. ها، متسقفيها؟ يحضرة الزفت! شكلك مهزق ومحتاج تتهازق أصلاً! تميم بضحك: "شكلك حلو ويبان عليكي غير كده. بس عندك حتة لسان عايز قصوه. لما تبقي في بيتي هقصقصهولك يا جميل."

نور: "يووو بقااا." ونزلت راسها لتحت وهي مبتسمة. تميم: "العب." نور بصتله وضحكت بصوت عالي. تميم: "العب على ضحكة الرقصين دي." وبعد شوية، تميم خرج، والدكتور قال إنها تفضل أسبوع لأن حالتها متسمحش بالخروج دلوقتي. *** في القسم. تميم أول ما وصل راح على الزنزانة ودخل. تميم: "مين اللي عمل كدا في نور؟ الكل بصوا له باستغراب، وفيهم عطيات. تميم: "مش هكرر كلامي تاني. وبزعيق، مين عمل كدا في نور؟

عطيات قربت من تميم: "هو انت إيه حمايتك مع نور يا باشا؟ لا وكمان كل شوية تجيبها المكتب عندك؟ تكونش... " وقبل ما تكمل كلامها، كان قلم نازل على وشها من تميم. وقال: "عالله أسمع تتكلمي عليها كلمة وحشة." وكل الموجودين: "مين عمل كدا في نور؟ مسجونه: "واقفة باين عليها التوتر، وبتقرب من تميم." تميم: "تمام، متتكلموش." وجي يخرج. المسجونه: "دي يباشا." (شارت على عطيات) "وكمان معاها تليفون بتكلم بيه واحد اسمه إبراهيم."

المسجونه: "شفتها وهي بتحطلها حاجة في الأكل، وهددتني لما روحت سألتها إيه بتحط إيه. بس هي نور كويسة." عطيات: "يا باشا والله ما... " وقاطعها. تميم: "نور اتسممت بس لحقناها الحمد لله." وبص لعطيات وعينيه حمراء. تميم وهو خارج: "هات المسجونه عطيات يا عسكري على المكتب، وارجع فتش الزنزانة، هات الفون اللي هتلاقيه." العسكري خد عطيات وودها المكتب. وراه تميم. تميم: "اخرج انت يا عسكري." تميم: "إبراهيم مين بقا يا عطيات؟ اتكلمي."

عطيات: "محصلش يا باشا، دي بت كدابة. عملت العملة وبتلبسها فيها." تميم بزعيق: "لو متكلمتيش بالذوق، هخليكي تتكلمي بالعافية." عطيات بخوف: "هتكلم يا باشا والله." تليفون من المستشفى لتميم، لأنه ساب لهم رقمه. ورد. تميم: "إيه؟ (وبصدمة) "نوووووووور!!