رواية مريضة نفسية الفصل الثاني 2 - بقلم نورهان اشرف

والد نيره: يابني أنت متأكد إنك عايز تخطب نيره؟ يوسف: آه يا عمي. والد نيره: يعني أنت عارف إنها مريضه نفسيه؟ يوسف بصدمه: نعم؟ والد نيره بحزن: هي دي الحقيقه. يوسف: وده حصلها من إيه؟ والد نيره: من ساعة ما أختها الكبيرة ماتت وهي كدا، بيتهيأله حاجات مش حقيقيه. يوسف بترقب: هي عندها كام سنة؟ والد نيره: 17. يوسف: بس هي قالتلي 25. والد نيره: ده سن أختها اللي ماتت، الله يرحمها. يوسف: طب أنا عايز ات... قاطعته نيره وهي خارجه.

نيره بصوت عالٍ ودموع: أنت إيه يا أخي؟ حرام عليك، هتبطل كذب إمتى بقى؟ ما كدبتش وأنت عمال تقول الكلام ده، وبعين أختي ماتت، أنت اللي قتلتها، متنساش ده. والد نيره بتوتر: أنت... أنتِ بتقولي إيه يا بنتي؟ نيره بعصبيه: متقولش بنتي، أنت مش أبويا. يوسف بهدوء: نيره ميصحش كده، متنسيش إنه أبوكي. نيره بدموع: مش أبويا، والله ما أبويا، ده جوز أمي، ده راجل قاتل. يوسف: يعني هي مش بنتك؟ حمدي (زوج أم نيره)

بتوتر: صح، هي بنتي، بس يعلم ربنا، أنا بعتبرها بنتي، وإن نسيت موضوع بنت مراتي دي... وأكمل بدموع تماسيح: بس هي اللي مش بتعتبرني زي أبوها. نيره وهي تضع يديها على أذنيها: كفاية، حرام عليك، كفاية. ومن كتر الضغط بتفقد وعيها. بيروح يوسف نحيتها عشان يساعدها، بس بيفتكر إنه مينفعش يلمسها. يوسف بجمود: روح ساعدها على ما أجيب الدكتور. حمدي: حاضر. وبالفعل بيروح حمدي يساعد نيره ويدخلها الأوضة، وبيروح يوسف يجيب دكتور.

وبعد مرور وقت بتفتح نيره عينيها بوهن. حمدي بشر: أخيراً صحيتي. نيره بخوف: أنا معملتش حاجة. حمدي وهو يفك الحزام استعداداً لضربها: وما بال هعرفك دلوقتي عملتي ولا معملتيش. ولسه هيضربها، بيلاقي اللي مسك الحزام منه. حمدي بتوتر: أنت جيت إمتى؟ يوسف: اعمل حسابك إن كتب كتابي على نيره النهاردة. أول ما بتسمع نيره الجملة بتفتح عينيها على وسعها. نيره بصدمه: أنت بتقول إيه؟