رواية مريض نفسي الفصل الرابع عشر 14 - بقلم بسملة حسن

صحيت من النوم على صوت ليل وهو بيتكلم في الفون وبيزعق. ليل بزعيق: ممكن تطلع من حياتي أنا مش هعمل كده. إنت كنت فين لما كنت محبوس في المستشفى؟ دايماً كارهني وأنا كنت مغفل وبسمع كلامك. الشخص: ..... ليل: ملكش دعوة بحياتي أنا حر. ولو قربت من مراتي لا أنت أبويا ولا أعرفك. وقتها عرفت إنه بيكلم باباه. قفل الفون ورماه على السرير. حط راسه بين إيده بزهق. فقربت منه وحضنته يمكن يهدى. حضني بتعب وقوة.

ليل بصوت مخنوق: أنا تعبت يا كيان. هو ليه عنده إصرار يدمرني؟ مش المفروض إني ابنه يعني يحب لي الخير؟ اتكلمت بحزن على حالته: ليل عيط. ليل بخنقة: إيه؟ كيان: عيط. متمنعش نفسك من العياط بدل ما يحصلك حاجة. ليل: ب... كيان بمقاطعة: عيط قدامي عادي يا ليل. أنا مراتك. العياط مش ضعف أبداً. ده بيطلع الخنقة اللي جوانا. عيط يا حبيبي. بدأت عينه تدمع وسند راسه على راسي وبدأ يعيط بالفعل. بوسته برقة من شفايفه وحطيت إيدي في شعره بحنية.

كيان: ممكن تهدى؟ خد نفس عميق وطلعه تاني. عمل زي ما قلتله كذا مرة وبدأ يعدي فعلاً. كيان: نام بقى يلا. لسه بدري أوي على أما نصحى. ليل: مش عاوز أنام. كيان بنعاس: أنا عاوزة أنام. حضني وشدني ناحيته ونمنا سوا. أنا نمت في حضنه وهو فضل صاحي. كنت عارفة إنه بيفكر في حياته واللي فات واللي ممكن باباه يعمله. هو باباه ممكن يعمل حاجة أصلاً؟ كيان بنعاس: ليل بطل تفكير بدل ما أزعلك. ليل بضحك: والله هتزعليني إزاي بقى؟ كيان: هعضك مثلاً.

ليل: بس ياهبلة نامي. كيان: ليل والله مش بهزر. ليل: يبنتي عايزة إيه؟ اتخمدي. بعدت عنه وأنا بمثل إني زعلانة: اتخمد؟ شكراً يا سيدي. ليل: ياربييي يابت بهزر معاكي. متبقيش قفوشة. كيان: ... لما مردتش عليه جه وحضني من ضهري. حسيت بحرارة طالعة من صدره العاري. ليل: بطلي عبط بقى. أنا بهزر معاكي. كيان بدلع: قولي بحبك. ليل: لا دي مبتتقالش. دي بتتمثل. كيان بضحك: لا بتتقال يا قليل الأدب.

ليل: والله حسب الشخص اللي قدامك. أنا مثلاً بمثلها. كيان: طب خلاص نام بقى. ليل: والله مافي نوم النهاردة. قام ونط الناحية التانية. بقى وشه قدامي. ليل: بصي أنا كده كده مش عايز أنام فـ إيه... كيان: إيه؟ ليل: تعالي وأنا أقولك إيه. كيان: ليييل لا لا. ليل: هشش اسكتي. قولتلك إنتي بتاعتي النهاردة. كيان: إنت مش كنت زعلان دلوقتي؟ ليل باسني بقوة: قولتلك اسكتي. كيان بتذمر: إنت بقيت قليل الأدب أوي. ليل: اممم عارف... *** في الصباح.

صحيت من النوم كان ليل لسه نايم. قمت اخدت شاور ولبست بيجامة لونها بنفسجي كان جايبهالي هدية واحنا مخطوبين. دخلت المطبخ أحضر الفطار وأنا قلبي مرتاح إنه أخيراً بقى جنبي ومعايا ومفيش مشاكل بينا تاني. حسيت بيه وهو بيحضني من ضهري وبيدفن راسه في رقبتي. ابتسمت وأنا بقوله. كيان: صباح الخير يا حبيبي. ليل: صباح النور يا حبيبتي... بتعملي إيه؟ كيان بابتسامة: بعمل فطار. يلا ادخل خد شاور والبس عشان متتخدش برد وتتعب. ليل: حاضر...

كيان: ... ليل: إنتي مقولتيش لمامتك إننا رجعنا لبعض. محدش يعرف! كيان: أه صح. أنا نسيت. تفتكر هيكون إيه رد فعلها؟ ليل: عادي يعني. إحنا عملنا حاجة حرام. كيان: ولا لما تعرف إني سبت حازم. يالهوي. ليل بضيق: استغفر الله العظيم يارب. لي السيرة دي دلوقتي. كيان: أنا آسفة مقصدش أضايقك. بصلي بضيق ودخل ياخد شاور. وأنا روحت مسكت فوني واتصلت على ماما. قلت لها.

ماما بزعيق: والله إنتي عاملة تطلقي من ده وترجعي لده بمزاجك. وفين رأي أهلك من كل ده؟ هاه يا هانم. كيان: ماما ليل بقى شخص تاني وكويس معايا. ماما بهدوء: خلاص يا كيان. اعملي اللي إنتي عايزاه. كيان: يعني مش زعلانة؟ ماما: هزعل من إيه؟ المهم تكوني كويسة ومرتاحة. كيان: أنا بحبك أوي يا ماما. وأنا هقول لـ ليل ونبقى نجيلكم. ماما: ماشي يا حبيبتي. بعد شوية كنت أنا وليلى بنفطر. كيان: ليل ممكن نبقى نروح لماما؟

ليل: خلينا نخرج النهاردة مع بعض ونروح لمامتك وقت تاني. كيان بابتسامة: تمام. ليل وهو بيحط سندوتش في بوقي: كلي إنتي. خاسّة أوي. لازم ترجعي زي الأول. كيان بضحك: براحة. هموت. شدني له في حضنه: بحبك أوي يا كيان بجد. وأسف على كل حاجة. كيان: وأنا كمان بحبك أوي. ممكن بقى تنسي اللي فات لو سمحت. ليل: حاضر. *** بالليل كنا بنتمشى وبناكل فشار وبنتكلم. كيان: احكيلي بقى قضيت أيامك في المستشفى إزاي.

ليل: كان بيدخلي كذا دكتور ويكلموني ويسألوني عن الحاجات اللي بحبها واللي بكرهها. وكان في كل مرة أسئلة مختلفة وغريبة شوية. يعني مثلاً عندك أصحاب ولا لا؟ إيه أول سؤال بيجي في بالي لما بشوفك كده؟ يعني. وكان في أيام إجازة بننزل نتمشى في حديقة المستشفى. وفيه صور دكاترة بختار منهم الدكتور اللي مرتاح له أكتر عشان يتابع حالتي. كيان: يااه. كل ده. ليل: تعرفي عمري ما نمت غير ما أفكر فيكي.

كيان بابتسامة: وهو ده اللي كان بيحصل معايا بالظبط. ليل بتنهيدة: الحمد لله على كل حال. فجأة الجو قلب ومطر جامد. كيان: وااااو. وقفت في نص الشارع وأنا ودعيت ربنا بصوت عالي. كيان بصوت عالي: ياااارب يديم لي جوزي عشان بحبه أوي. ليل بضحك: بس ياهبلة الناس بتتفرج عليكي. كيان بضحك: محدش له دعوة. ليل: بحبك أقسم بالله. جريت عليه: اكتتتتتر. خدني في حضنه بضحك. ليل: لا نروح بدل ما تاخدي برد.

كيان: الجو حلو أوي. هناخدها مشي عشان بحب الشتا. ليل: طب يلا. فضلنا نتمشى وطبعاً المشوار مخلاش من هزار ليل معايا. كنت وقتها فرحاااااانهه اووويي بجددد. وصلنا البيت. كنت ببص لـ ليل بحب وأنا بضحك لحد ما شفته وابتسامته بتختفي. بصيت على مكان ما بيبص. ليل: بابا؟!! كيان: إنت!!!