رواية مريض نفسي الفصل الثالث عشر 13 - بقلم بسملة حسن

كنت في بيتي أرتب الشقة وأكنسها. بصيت ورايا لكن اتفاجأت لما شفته. كان هو. كيان بصدمة: ليل؟! كان واقف ساند على التسريحة بإيده وباصصلي. كيان: انت... انت طلعت امتى؟ ميعاد خروجك لسه بدري عليه. ليل: طلعت عشان بقيت كويس. أي مكنتيش عاوزاني أطلع؟ كيان وهي بتزيح شعرها من على جبهتها: لا طبعًا مش قصدي، بس أستغربت. تقرب مني وأنا كنت برجع لورا بخوف منه. ليل: متخافيش مش هضربك.

مسك إيديا وشدني نحيته: وحشتيني. أنا عارف إني غلطت زمان و... إيه ده دبله مين دي؟ سحبت إيدي بتوتر: دي... احم أنا أنا اتخطبت. ليل بصدمة: وحياة أمك... اتخطبتي امتى وإزاي؟ كيان: إزاي إيه؟ أنا وأنتِ أطلقنا خلاص. ليل: أنا مش مصدق. إنتي إزاي كده؟ إنتي كان المفروض تستنيني، أومال ساعدتيني لييه مادام هتسيبيني؟ أنا مش فاهمك بجد. كيان: ليل أنا... ليل: هششش اسكتي. مش عايز أسمع صوتك. إنتي بشعة.

كيان بعياط: أنت آذيتني كتير، عاوزني أفضل معاك إزاي؟ ليل: إنتي ساعدتيني ليه من الأول مادام هتسيبيني للأبد؟ كيان: ليل أنت آذيتني وأنا مش هقدر أستحمل ده. ليل: إنتي خاسه كده ليه؟ كيان: عشان... عشان تعبانة وبتعالج. ليل: من إيه؟ كيان: في التهاب في المعدة ودلوقتي وقفت علاج لأني بقيت كويسة، بس وزني ثبت على كده. ليل: عمومًا ألف سلامة. أنا ماشي. كيان بعياط: ليل... بصلي بحزن وسابني ومشي.

سبت اللي في إيدي ولبست واتصلت على حازم قولتله يقابلني. بعد شوية كنت في كافيه قاعدة قصاد حازم. حازم: ها ياحبيبتي كنتي عاوزاني ليه؟ كيان: حازم أنت عارف إني عمري ما أقصد أجرحك مش كده؟ حازم: أيوه، إيه علاقة ده باللي عاوزاني فيه؟ كيان: حازم أنا بكل حزن بقولك إني مش هقدر أكمل معاك. حازم: إيه؟ ليه؟ أنا عملت حاجة زعلتك؟

كيان: لا أبدًا، أنت شخص كويس وأي واحدة تتمناك. بس ارجوك افهمني، أنا لسه بحب طليقي للأسف. وبدون دخول في تفاصيل، هو خرج من المستشفى لأنه كان تعبان. حازم: يعني إنتي عايزة تقولي إنك قررتي تنفصلي مش كده؟ كيان: للأسف آه. أنا آسفة ليك وبعتذرلك. أنا حاولت أحبك لكن مقدرش أحب اتنين في نفس الوقت. كمان مقدرش أتجوزك وأنا لسه في قلبي لو ذرة حب لشخص تاني. أنا آسفة يا حازم. حازم: تمام يا كيان. اللي تشوفيه وفيه راحتك اعمليه.

كيان: أنت شخص جميل يا حازم وإن شاء الله ربنا يرزقك باللي تستاهلك. خلعت الدبلة وأنا بستأذنه ومشيت بعد ما اديتهالها. رجعت البيت وأنا مش عارفة هل اللي عملته صح ولا لا، بس أعتقد ده الصح. بليل سمعت صوت الجرس بيرن. لبست طرحة وفتحت. كان ليل. ليل: بعتذرلك إني جيت تاني، بس أنا عاوز هدومي. كيان: اتفضل ادخل. أنا أساسًا همشي من هنا مادام أنت خرجت. ليل: لا، أنا هعيش مع ماما وانتي اقعدي هنا. كده كده مش هحتاج الشقة.

كيان: تمام، ادخل. دخل الأوضة وفتح الدولاب وأنا كنت واقفة بره بتوتر. بعدين دخلت وراه. كيان: ليل ممكن نتكلم. ليل وهو مديني ضهره: مفيش كلام بينا. كل حاجة انتهت خلاص. شدته من كتفه خليته يبصلي: لا مفيش حاجة انتهت. اسمع بقااا. إحنا هنتكلم دلوقتي يعني هنتكلم. ليل: عاوزة تقولي إيه؟ مش ارتبطتي والحوار خلص؟ كيان: أنا فشلت النهارده. مقدرتش أحب حد غيرك صدقني. ليل: أنا عارف إني آذيتك، لكن والله العظيم ما كنت أقصد أعمل كده.

كيان بدموع: منه لله باباك هو سبب كل ده. ليل: هشش اهدى. بطلي عياط. كيان بعياط: عايزني أعمل إيه بعد اللي حصلي في حياتي؟ أنا حبيتك بجد واللي انت عملته فيا مكنش قليل. شدني لحضنه جامد. ليل: حقك عليا يانور عيني. والله أنا آسف. آسف والله العظيم أنا عمري ما أقصد أجرحك أبدًا. لكن أنا فهمت فعلاً إني كنت مريض نفسي وإنتي كان عندك حق، بس أنا مكنتش فاهم ده.

رفعت راسي وبصيتله: أنا معرفتش أعيش من بعدك والله. عمرك ما غبت عن تفكيري ليلة واحدة. أقولك على حاجة؟ كنت بحضن التيشيرت بتاعك وأعيط لأني والله بحبك. ليل: خلاص بالله عليكي بطلي عياط. كيان: ليل سيبني، مينفعش تحضني كده. حرام. سابني وبعد عني. ليل: كيان. كيان: نعمل إيه؟ ليل: ترجعلي. كيان: م... ليل: أوعدك عمري ما هضربك ولا همد إيدي عليكِ أبدًا ولا هحبسك. ده كان تصرفات واحد متخلف. كيان: أنت وعدتني. ليل: وعد. كيان: موافقة.

ليل: هنروح عند المأذون حالا وهارجعك ليا. ابتسمت ودخلت اللبس ورحنا للمأذون فعلًا وبقيت على ذمته. روحنا البيت وهو بصلي وحضني جامد وأنا مسكت في التيشيرت بتاعه بقوة وأنا بعيط. ليل بحنان: بتعيطي ليه دلوقتي؟ كيان: عشان أنت وحشتني أوووى. ليل بابتسامة: وإنتي وحشتيني أوووى وأوى أوي كمان. كيان: عمرك ماهتسيبني تاني أبدًا. ليل بضحك: بت انتي اللي روحتي اتخطبتي. المفروض أنا اللي أقول كده. كيان ضربته على كتفه: يا رخمه.

ليل: هونت عليكي؟ كيان: خلاص بقا أنا كنت بحاول أنساك ومعرفتش.. وبعدين أنا مخصماك. ليل بمغازلة: وأنا مقدرش أزعلك يامزتي. ابتسمت بدلع: دلوقتي بقيت مزتي. ليل شدني له: إنتي طول عمرك مزتي. وبعدين إيه بقا موحشتكيش؟ كيان: بطل قلة أدب ويلا عشان ترتاح. ليل شالني ودخل بيا أوضتنا: خدت إيه يختي أنا من الراحة. كيان بضحك: ليل... ليل: هشش. إنتي بتاعتي النهارده... ووووو... نسيبهم سوا بقا. الساعة ٣ الفجر.

صحيت من النوم على صوت ليل وهو بيتكلم في الفون وبيزعق. توقعاتكم؟ ياترى ليل كان بيكلم مين؟ مرضيتش أزعلكم أهو ورجعتهم لبعض. يارب يعجبكم.