رواية مريض نفسي الفصل الثالث 3 - بقلم بسملة حسن

بدأت افتح عيني على ضوء القمر اللي داخل من البلكونة، كان منور الأوضة. معرفش إمتى البلكونة اتفتحت. كيان بخضة: انت؟!!!! انت دخلت هنا ازااااى؟ كانت الدنيا ضلمة لكن شايفاه من ضوء القمر اللي منور الأوضة كلها. ليل: مش مهم دخلت إزاي، المهم إني دخلت. بدأت أقوم بخوف من الركن اللي كنت قاعدة فيه. ليل: دخلت عشان مسيبكيش لوحدك، مش إنتي بتخافي من الضلمة؟ كيان: ... ليل: بالمناسبة، أنا دخلت من البلكونة، نطيت من الأوضة التانية ودخلت.

كنت حاسة إن عنده جانب بريء وطيب غير اللي كان بيكلمني بيه من كم ساعة. بدأ يقرب مني وأنا بصيت في عيونه وقربت منه. حضنته بقوة وأنا بعيط بخوف. كيان بعياط: ليل، انت لي بتعمل كده؟ متخوفنيش منك، أنا... أنا بحبك. رفع إيده حضني ودفن راسه في رقبتي. ليل: طب اهدى، بطلي عياط. كيان: أنا خايفة، خايفة أوي. فتح الأوضة ومسكني من إيدي بحنية ودخلني أوضته. ليل: نامي. كيان: !!!! ليل: بتبصيلي لي؟ نامي، مش هعملك حاجة دلوقتي. كيان: دلوقتي؟!!

ليل بنفاذ صبر: نامي، مش ده اللي إنتي عايزاه؟ كيان: وإنت هتعمل إيه؟ ليل: هنام يا كيان، والصبح ربنا يحلها. كيان: يعني يعني مش هتعمل حاجة؟ ليل بحِدة: قووولت نامي. مردتش عليه ونمت وغطيت نفسي بخوف وتوتر، مش فاهمة إيه اللي بيحصل. ماله ده؟ كان كويس في فترة الخطوبة... إيه اللي حصل؟

حسيت بيه وهو بيرفع البطانية وبينام جنبي. كنت حاسة إني محتاجاه، أنا بحبه، رغم إني خوفت منه، لكن هو طيب، عمره ما آذاني. قربت منه ونمت في حضنه وهو حضني بقوة وباسني من راسي، بعدين بدأ يطبطب على ضهري كأنه بيطمني منه هو!!! حسيته بيفكر في حاجة، محطتش في دماغي ونمت بأمان أخيراً. *في الصباح* صحييت على ١١ الضهر، متأخر أوي كده إزاي؟

نمت كل ده. قومت دخلت التواليت وغسلت أسناني، لكن سمعت صوت حد بره. الصوت ده غريب عليا، مين ممكن يكون موجود غير ليل؟ غسلت أسناني بمياه وبعدين وشي ولبست ترينج وطرحة وطلعت. كيان وهي بتبص لراجل كبير في السن قاعد مع ليل: ليل.. مين ده؟ ليل اتوتر وهو بيبص للراجل: طب اتفضل انت ونتكلم بعدين. مشى الراجل وأنا بصيتله: مين ده؟ ليل بتوتر: ده واحد معرفة قديمة. كيان: متأكد؟ ليل: يعني إيه متأكد؟ أنا هكدب يعني؟

كيان: مش قصدي بس يعني استغربت. ليل خد نفس عميق: روحي البسي وحضري شنطة فيها هدومك عشان هنمشي. كيان: هنمشي نروح فين؟ ليل: هنروح بيت تاني. كيان: بيت تاني!! إزاي يعني؟ هنعمل إيه هناك؟ ليل بزعيق: بطلييي أسئلة واتزفتي حضري شنطتك، هنغور من هنا. اتخضيت من صوته ودخلت عملت كده بالفعل. بعد وقت: كيان: أنا خلصت. ليل بحِدة: يلا.

كنا راكبين العربية وهو بيسوق بسرعة رهيبة. كنت خايفة أتكلم معاه، أنا مش فاهمة إيه اللي بيحصل، أنا في متاهة. ليل: وصلنا. نزلت، كان مكان يشبه الصحرا أو مكان عادي، مش حر، لأ ده فاضي، مفيش فيه غير بيت واحد، وهو ده اللي هنعيش فيه. ليل: ادخلي. دخلت وأول ما دخلت بصيتله. ليل: اطلعي فوق خمس دقايق وجاي. طلعت فوق زي ما قال لي، قعدت على سرير كان نضيف. بالمناسبة، البيت عبارة عن أوض نوم فوق، والصالون والمطبخ تحت.

فات حوالي سبع دقايق ولقيته داخل عليا. ليل: ودلوقت اخلعي هدومك. كيان: ***