رواية مشاكسة اخذت بيدي الفصل الأول 1 - بقلم ذات النقاب

يافرح يابت قومي. يووووه غيبوبة. غيبوبة؟ طيب. وهوب كباية ميه وعلى وش فرح. وجووون. الله عليك ياحبيب والديك. قامت فرح مفزوعة. الحقيني يافايزة ياماما. الأم: قومي ياغيبوبة. يلا بت، عندك كلية ولا انتي نافعة في تعليم ولا غيره. عوض عليا عوض الصابرين يارب. فرح: أي يامرات أبويا. إيش عرفك بقدراتي؟ الأم: مرات أبويا؟ نهارك ملوش ملامح. بقا أنا مرات أبوكي؟ أمال مين شالك تسع شهور؟

ياناكرة الجميل يامتشردة. دنا اللي لاميكي. يابت قومي يلا بالدلع. فرح: أنا متشردة؟ طب ماشي يافايزة يابنت أبو مرات أبويا. يانا يابنتي في البيت ده. الأم: فررررررررح. فرح من الخضة وقعت عالارض. عاااااااا ياضهري ياصغننه. عالهم يالوزة. ياعضمك يافرح. آآآآآه. وقامت فرح دخلت الحمام واتوضت وطلعت صلت ولبست بسرعة وهي بتقول. جيالك يا تفهنا. جيالكوا. خلصت وفطرت وباست أمها وأبوها ومشيت علشان تلحق المواصلات.

(فرح بنوتة منتقبة ملامحها هادية في تالتة تاريخ بتفهنا. الإشراف) فرح: أوووف بقا أنا فرح مراد اتبهدل كده. البنوتة الركيكة. اعاااااا النقاب هيبوظ. يارب ألحق البت نور وتقولي باظ ولا لسه. ورنت على نور صحبتها. السلام عليكم ورحمة الله وبركاته. أهلاً يابنت قلبي. فينك؟ أنا بالزقازيق. الآن. أين أنتي؟ نور: وعليكم السلام ورحمة الله وبركاته. أي يابنت بالعة مذيع عالصبح. أنا خمسة كده وهتلاقيني عند موقف أحرار. أحرار ده.

فرح: إيه دخل الشهره في البوران. امشي يابت امشي. وبعد شوية وصلت نور وقابلت فرح بالأحضان. خش فحضن أخوك يافوزا. وحشتيني يابت. فرح: وانتي أكتر ياعمري. يلا بقا نركب موقف الراجل شوية وهيعدي عليا بالعربية علشان مركبتش. نور: هههههه يلا يا فرحتي.

وركبوا وراحوا تفهنا ووصلوا. وكانوا ماشيين في أمان الله وفرح وقع منها شنطتها عالارض ونزلت تجيبها. ومرة واحدة سمعت صوت فرامل جامدة. بتبص لقت نفسها بين فرد العربية سنتي. فضلت تعيط من الخوف ومقدرتش تتحرك. نور جريت عليها. فرح فرح قومي يابنت. انتي بخير؟ فرح قامت. فرح براحة وهي بتعيط. وفجأة نزل شاب من العربية وراح بخضة. انتي كويسة؟ جرالك حاجة يا آنسة؟ فرح: ل ل لا الحمد لله بخير.

الشاب: أنا مش فاهم قاعدة عالارض ليه. انتي طبيعية يعني زينا مش مجنونة؟ اللي يقعد كده. كنتي هتموتي يا غبية لولا ستر ربنا.