رواية مشاكسة اخذت بيدي الفصل الثاني 2 - بقلم ذات النقاب

رعد: أنا مش فاهم، قاعدة على الأرض ليه؟ إنتي طبيعية يعني؟ زينا مش مجنونة؟ إنتي كنتي هتموتي يا غبية لولا ستر ربنا. فرح: مصدومة بصت كده وقالت: أنا مجنونة ولا إنت اللي فاكر نفسك راكب طيارة في السما مش عربية؟ إنت اللي غلطان، مش في حد يطير كده بالعربية في مكان جامعة. الله يسامح اللي علّمك السواقة، الله يسامحه. وسابته مصدوم، أول مرة بنت تزعق له كده. لا في نص الشارع، رعد السيوفي حد يعمل معاه كده.

فرح: آآآه ياضهري، يانقاه، آآآه ياعضمي من الخضة. يافرح، قطعوا الخلف منه لله، الله يسامحك يا أبو عربية. آآآه. نور: كاتمة ضحكتها. فرح: طلعيها لتفطسي. نور: هههههههههههه، هموت، مش قادرة. إنتي مش طبيعية، كنتي زمانك ميتة وبتتهزري. فرح: آه، قرقرتك دي هتموتني، مش حاجة غيره. رعد راح يركب، لمح حاجة على الأرض، لقى شنطة فرح. خدها وركب ودخل الكلية. (رعد السيوفي دكتور في الجامعة بتاعة فرح، لسه أول يوم ييجي فيه.)

رعد: السلام عليكم ورحمة الله وبركاته. ده كان كلامه أول ما دخل مدرج أولى تاريخ، وعرفهم بيه وبدأ محاضرته. خلص المحاضرة بعد ساعتين إرهاق وطلع من المدرج على مكتبه. وطلع الشنطة، فتحها لقى فون فرح وبطاقتها، وعرف اسمها. وبحث عنه، عرف إنها فرقة تالتة. ماشي يافرح، مراد يا أنا يا إنتي. فرح كانت عمالة تعيط على شنطتها اللي ضاعت. آه، طب أعمل إيه يارب؟ اللهم ألهمني، هروح إزاي؟ طيب أقول لفايزة إيه؟

ضيعت شنطتي دي فيها كل خزعبلاتي. يانور، آه ياعبد الصمد، يافقرك يا عبد الصمد. آه. نور: طب أهدي يا فقرة، أقصد يافرح، أهدي. ربنا يعوض عليكي. ما إحنا روحنا دورنا تاني ملاقناش حاجة يا ستي. هديكي فلوس تروحي، بس فايزة دي ربنا معاكِ بقى. فرح: طب أقولك شكراً ولا واطية؟ مش عارفة أمشي. يانور، امشي خلينا نِتّنيل نحضر المحاضرة التانية. بقولك، معاكي سندوتشات؟ نور: ياختااااي، مفجوعة. ليكي نفس يا شيخة؟ فرح: إنتي مالك يا ستي؟

هاتي بس الأكل. نور: خدي، أهه. خلصي بقى قبل الدكتورة ما تيجي. فرح: والله لو دخلت لمكملة أكل برضه. ولسه مكملتش الكلمة، إذا بيها ترى رعد داخل بكل هيبة تخطف الأنفاس، والمدرج مرة واحدة، رمى الإبرة ترن. شرقت وفضلت تكحكح، وكانت هتموت. رعد: خد باله وقال: الاخت اللي بتموت هناك، استني شوية أخلص شرح وبعد كده موتي. المدرج كله فطس ضحك، حتى نور. فرح: حسبي الله. شربت مياه وهديت شوية ومردتش.

رعد: شوفيها يانتي، لتكون بتودع وتشيلنا ذنبها. فرح: قالت: متخافش يا أستاذ، قاعدة على قلبكم مش ميتة دلوقتي إن شاء الله. رعد: دكتور رعد مش أستاذ، فاهمة؟ فرح: والله دي حاجة ترجعلي، أقول اللي يريحني. وبعدين الكلمتين دول مش أكتر، مرادفهم واحد. رعد: امممممم، طيب يا. فرح: ردت: دكتورة فرح، لو سمحت. رعد: بس مسمعش صوت. وراح عند فرح وقال: يعني أنا أستاذ وإنتي دكتورة؟ فرح: غضت بصرها وقالت: أوف كورس يا مستر رعد.

رعد: اتعصب جدا وكان نفسه يرزعها في الحيطة. بقول في نفسه: كتلة برود متحركة على هيئة ستة سنتي. رعد: طيب يا دكتورة فرح، تقدري تمشي؟ لإنك أكبر من إنك تحضري المحاضرة، ما إنتي دكتورة بقى. فرح: بصت لنور وقالت: أنا بنطرد ولا بتهيألي؟ نور: لا، بنتطردي. مع السلامة يا حبيبتي، متقطعيش الجوابات. امشي. فرح: قامت وقالت: الله يكرمك يارب. وخدت السندوتشات من نور وقالت: اتسلي فيهم بقى لحد ما تخلصي المحاضرة يا طالبة نور. ومشت.

قبل ما تطلع، رعد نده عليها وقال: إنتي مش فارق معاكي المحاضرة؟ فرح: لفت وقالت: أنا أصلاً مش نافعة في تعليم، جاية تخليص حق هنا. سلام عليكم. وطلعت. كان حرفياً في حالة زهول. دي مجنونة حرفياً، دي حتى مقالتش آسفة عشان المحاضرة. راح تاني على الـ stage ومسك المايك وقال: أنا الدكتور رعد السيوفي. وفضل بقى قال قوانينه وشرح بقى المحاضرة وخلص ومشي. طلعت نور جري تشوف فرح، لقتها قاعدة بتاكل بكل برود. نور: فرح، إنتي مجنونة؟

الدكتور ده هيشيلك المادة. فرح: مش هيصيبني إلا اللي ربنا كاتبه ليا. يلا بقى عشان نروح، ويبقى ابعتيلي التسجيل على فون سلمى أختي. نور: يلا يا آخرة صبري.