رواية مشاكسة اخذت بيدي الفصل السادس 6 - بقلم ذات النقاب

فرح: اللي تشوفه يا بابا. ودخلت تعيط في أوضتها، فكرة أن حد يشوفها دي تعباها ومش عايزاها، صعب ترفع النقاب مع أنه مش حرام بس صعب فعلًا. وعدت الساعة والعريس جه وقعدوا مع بعض وأخوها قعد معاهم بس بعيد شوية. العريس: احم، ازيك يا آنسة فرح؟ فرح: الحمد لله. العريس: أنا اسمي كريم، دكتور جراحة، عندي 28 سنة. فرح: أنا اسمي فرح، لسه بدرس في كلية تافهة قسم تاريخ، عندي 21 سنة. كريم: عندك أسئلة؟

فرح: حضرتك أنا منتقبة زي ما أنت عارف، وإن شاء الله عمري ما هخلعه خالص، ولو حصل نصيب هتكون الخطوبة بضوابط شرعية. كريم: ضوابط إيه مش فاهم؟ فرح: يعني حضرتك مفيش مكالمات فون غير ممكن ترن على والدي تطمن منه، ولو عاوز تسألني على حاجة هيكون السبيكر مفتوح علشان مينفعش نتكلم لوحدنا لأنه بيكون خلوة غير شرعية.

في اللحظة دي فرح افتكرت رعد وأنه بيبعتلها التلخيصات ودا يعتبر برضه خلوة، وهي مش عايزة تفتح باب الشيطان، فعزمت إنها تتصرف في الموضوع ده. كريم: بس كده مش هنعرف نتعرف على بعض.

فرح: قالت الجواز ده بيبقى بطيخة مقفولة، وحتى الخطوبة ما بتخليناش نتعرف بشكل سليم، أغلب المخطوبين مش ملتزمين بالضوابط وفاكرين أنهم عادي يسيبوا مشاعرهم وفاكرين أنه صح بس هو غلط، خطيبي راجل أجنبي غريب مش جوزي، فبالتالي ممكن ننفصل عادي، فبالضوابط مش هنكون اتعلقنا ببعض التعلق الوهمي اللي الشيطان بيوريهولنا أنه حب، ولو ربنا أراد أننا نتجوز فهيكون مبارك الجواز وحياتنا لأننا مش أغضبناه وعصيناه، فمهتمين؟ كريم:

(مذهول بس بين أنه عادي وابتسم وقال) تمام يا فرح فهمت. فرح: طب عن إذنك. دخلت جوة والراجل مشي وعدى يومين والراجل رن وقال إنه موافق على فرح ومستني رأيكم وييجوا يحددوا ميعاد الخطوبة. أهل فرح فرحوا جدًا وفرح كانت مخنوقة مش مبسوطة، بس توكلت على الله خصوصًا أن مفيش مجال للرفض. وجه يوم الخطوبة وفرح مرضيتش تخليه يلبسها الخاتم ولبسته هي وعملتها خطوبة إسلامية، وكانت عائلية لطيفة رغم استغراب الكل للجو الإسلامي ده.

(عجبًا لكم يا مسلمين، الأغاني الهابطة هي اللي بتحسسكم بالفرح أما الإسلامية لا، ربنا يردنا إليه رد جميل) وعدت ثلاث أيام وفرح مخنوقة وقررت تروح الكلية وفاتها الامتحان، ورعد لما سأل عليها نور قالت إن خطوبتها ومش هتعرف تيجي، رعد كان في حالة صدمة، خطوبة إزاي؟ وكان متضايق مش عارف ليه، وفضل منكد طول الفترة دي لحد ما راحت وحظها عمل امتحان مفاجئ، ولأن فرح ما كانتش بتفتح نت ما عرفتش تشوف رسالته اللي بتبلغ فيها الامتحان.

ودخلت متأخر وكان دبلانة وواضح على عينيها. نور: فرح مالك يا بنتي؟ اقعدي، الدكتور عامل امتحان مفاجئ والدفعة كلها هتولع فيكي علشان ما عرفتيهمش. فرح: أنا أصلًا ما أعرفش لأني ما بفتحش نت وأنتي عارفة. نور: عارفة وعرفتهم، تمام. فرح كانت متضايقة ورعد نده عليها وقال: فرح هتلمي الورق بتاع الامتحان، فتخلصي حل بدري تمام؟ فرح: تمام.

وحلت بسرعة وقامت تلم الورق وكان ده عقاب صغير علشان الخطوبة، وفضلت تلم وكانت مرهقة والمحاضرة خلصت وراحت هي ونور علشان تديه الورق، فقال ليها: مبروك الخطوبة، ممكن أفهم ما فتحتيش ليه علشان أبعتلك تعرفيهم؟ فرح: الله يبارك فيك أولًا، ثانيًا أنا هطلب منك طلب ممكن؟ رعد: اتفضلي. فرح: ممكن تعفيني من موضوع الأدمن وهيكون الجروب مفتوح تقدر حضرتك تبعتلهم بنفسك. رعد: ليه يا فرح؟ ها، ليه؟ علشان خطيبك ما يزعقش؟

فرح: أولًا خطيبي مالوش أي حق يزعقلي، الموضوع وما فيه (وحكتله اللي افتكرته لما كانت بتقول لكريم عالضوابط) رعد: (كان مذهول وقال) أنا كل يوم بتفاجئ فيكي، أنتي مشدداها قوي يا فرح ليه؟ فرح: عمر التزامي ما كان تشدد، أنا مش عايزة أغضب ربنا، عايزة أموت وأنا مش خايفة إني سمحت للشيطان يضحك عليا، أعتقد إني مش غلطانة، أنا ما كنتش كده بس ربنا نورلي طريقي وهداني، راجع نفسك يا مستر رعد قبل فوات الأوان، أنا ماشية تطلب حاجة تانية؟

رعد: لا يا فرح اتفضلي. ومشيت فرح خطوتين فرعد نده عليها وقال: ممكن أطلب منك طلب طيب؟ فرح: (لفت ورجعت) اتفضل يا دكتور. رعد: محتاج مساعدة، عايزك تقوليلي إيه اللي أنا مقصر فيه؟ لأني الطلبة مفيش استجابة خالص وحاسس إني ما بعملش حاجة وأنا ما بحبش كده. فرح: (ابتسمت وقالت) اممم، بص يا مستر، حضرتك مقصر من ناحية واحدة ألا وهي النظام والشد، دفعتنا عايزة الشد في المذاكرة، يعني مثلًا تحاول أن كل محاضرة تسأل، ودا إزاي؟

يعني أنا دي هساعد عملي ممكن بس قائمة أسمائنا وأنا هعمل الأسماء في ورق وهنحطهم في بوله وأنت تسحب كل محاضرة خمس أسماء في آخر المحاضرة وتسألهم. رعد: ليه آخرها؟ فرح: لأن في ناس هيتأخروا قصدًا لحد ما تسأل وناس ممكن تتأخر غصب عنهم، واللي هيحضر أغلبهم هيغش من صحابه أو ممكن يلزق المعلومة لزق مش متثبتة، فاهمني؟ رعد: أيوه تمام كملي.

فرح: طبعًا الخمسة هتندههم ويطلعوا كلهم بره المدرج خالص قدام، عارف الوقفة دي ليها سببين، أول واحد أنهم ما يغشوش من حد تمام، هيكونوا قدامك، ثاني سبب الوقفة لوحدها كفيلة تهز كيان أي حد مش مذاكر، فبالتالي هيجبرهم محاضرة اتنين وهيظبطوا. رعد: طب ما هم ممكن يغيبوا؟ فرح: اللي هيغيب هو الخسران، ولما يلاقي اللي بيحضر بقى قوي في المادة دي هيلتزم غصب عنه، وبكده أكون قلت فكرتي كلها، عند حضرتك أي تعليق؟

رعد: لا يا دكتورة، شكرًا عالمساعدة وأنا موافق عالفكرة وإن شاء الله هتتنفذ. فرح: إن شاء الله هتجيب نتيجة، ومتشكرنيش دول أخواتي. عن إذن حضرتك، سلام عليكم ورحمة الله وبركاته. رعد: وعليكم السلام ورحمة الله وبركاته. ومشيت فرح هي ونور، وثاني محاضرة فرح راحت لأنها كانت مخنوقة من البيت ودخلت بدري بس حرفيًا كانت دبلانة خالص. نور: هلا هلا بالغالية، لا محاضرتين ورا بعض كده كتير، قلبي الصغير لا يتحمل. فرح: (ابتسمت بإرهاق وقالت)

سلامة قلبك يا عمري. نور: مالك يا فرح؟ فيكي إيه؟ فرح: (دمعت وقالت) مخنوقة جدًا يا نور، حاسة إني بموت. نور: (قامت بلهفة وقالت) طب تعالى نطلع بره ونتكلم. جم يخرجوا لقوا الدكتورة دخلت قعدوا تاني. المهم عدى ساعتين وخلصت المحاضرة وخرجوا راحوا غرفة فاضية وقعدت

فرح تعيط بحرقة وتقول: مش مرتاحة يا نور، حاسة أنه بيخنقني كل ما ييجي، والنهاردة أهله جايين وبنات خالاته وأخواته يتعرفوا عليا وأنا ما عنديش طاقة خالص حتى أتكلم، آآآه، رب أنت تعلم كيف حالي، آآآه (وتعيط بحرقة ونور تتبطب عليها) وجه رعد وهو رايح المدرج لمحهم وسمع صوت عياطها ووقف وصعبت عليه جدًا وخبط وقال: ممكن أدخل؟ ففرح نزلت النقاب ونور وقفت وقالت: اتفضل يا دكتور. رعد: احم، أنتوا بخير؟ نور: أيوة يا دكتور بخير.

رعد: يعني أنتي مش بتعيطي يا نور؟ نور: (قالت) أنا أبدًا والله. رعد: متأكدة؟ نور: أيوة يا دكتور متأكدة. رعد: طب تمام، عمومًا ربنا قال (فصبر جميل) ، يلا بقى علشان المحاضرة. نور: تمام يا دكتور (ولسه هتكمل) فرح: (بصوت واطي) فديلك فديلك. نور: (بعد ما رعد مشي فطست ضحك) لو سمعك هياكلك. فرح: الله يسامحك يا رعد، كنت لسه هتشحتف وهشحت كمان شوية طلعتني من المود.

فرح: يا ناس أنا مش بتاعت تعليم، طلعوني رحلة ذهاب بلا عودة للمالديف أي حاجة كده. نور: بس يا بنت مراد، أبوكي لو سمع كده ما كانش خلفك. فرح: امشي يا بت، دنا فرح أبويا والعيلة كلها. ودخلوا المدرج ولقوا رعد ما بدأش حاجة خالص مستنيهم. قعدوا فبدأ رعد المحاضرة وقال: رعد: السلام عليكم ورحمة الله وبركاته، كل اللي فات كوم واللي جاي كوم تاني، في نظام جديد هنمشي عليه وأي حد هيخالفه يبقى ما يلومش إلا نفسه تمام.

وقال على كل اللي فرح قالته. نور: ابت يا فرح الدفعة هتولع فيكي. فرح: وأنا مالي؟ دكتورهم اللي قال يثبتوا أنها فكرتي بقى. الدفعة كانت مصدومة وخايفة لأن رعد ما بيهزرش وفعلاً بدأ المحاضرة وقال.