رواية مشاكسة اخذت بيدي الفصل الثالث عشر 13 - بقلم ذات النقاب

فضلت تهز راسها علشان يفكها وبتبصله باستعطاف، طبعًا قلبه رق وفكها. فلسه مخلص فك، راحت قايمة عضاه. "بقى أنا اتربط ربطة الكلاب؟ محدش يحوشني خالص، هخلص عليه. أنا يا ابن فريدة تربطني ليه؟ رابط فرخة ولا معزة؟ رعد حرفيًا فاطس ضحك. "ها، ضربها ليه؟ كأنها ريشة بتضرب." رعد: "اه اه يابنت ياعضاضة، الله يسامحك يا فرح. أي يابنتي مبياكلوكيش لحمة؟ مفجوعة؟

فرح: "عارف يا رعود، قلبي لو ربطتني تاني هعمل فيك أي. مش ساعة واحدة بس، لا خمسة يا رعد." رعد: "بصلها وقال، نينينيي، أكلت لحوم البشر؟ فرح: "مصمصت شفايفها بتلذذ وقالت، تعرف يا رعود طعم لحمك حلو قوي قوي." رعد: "رجع ورا بيمثل الخوف وقال، ابوس إيدك، لسه مادخلتش دنيا، عاوز اتجوز وأخلف وبعد كده اعمليني شوربة. أنا راضي." فرح: "اممممم، طب ياحبيبي اشرح بأحترام، وإياك شوف تتكلم وانت بتشرح." رعد: "أي الجنان ده؟ متكلمش إزاي؟

عوض عليا عوض الصابرين يارب، متخلفه بقت مراتي." فرح: "أي ياعمري، حساك مضايق. أوعى أزعل منك يا رعودي." رعد: "بصلها وقال، لا ياعمري متحسيش تاني، اتأكدي باردة." فرح: "نينينيينينينينينينينيني، ثانكس يازوجي العزيز." عدى اليوم، وعدى أيام الامتحانات اللي رعد طلع عينه مع فرح في المذاكرة. فرح: "ياه، بت يا زينة، أخيرًا خلصنا امتحانات وهنام براحتي." زينة: "نوم أي ياعروسة؟ ناسيه إن فرحك بعد العيد؟ صح النوم." فرح: "ياربي، ليه؟

ها أنا مزعلاكي في حاجة علشان تفكريني؟ وفجأة لقت حد حط إيده على كتفها. فقالت: "عارفه يابنت يا زينة، رعد ده حبيبي والله، مقدرش أستغنى عنه ومستنية فرحنا على نار. يارب ميكون سمعني ليعلقني." رعد: "سمعتك يالمظة، ويلا علشان نروح نقيس الفستان وتختاري البدلة ليا." فرح: "يس، يلا يا بت يا زينة." زينة: "يلا يا قلبي يا عروسة." فرح: "رعدي." رعد: "ابتسم لقبه وقال، أؤمري يافرحتي." فرح: "عاوزة أكل كشري، ينفع؟

رعد: "هتاكليه إزاي بالنقاب؟ فرح: "هات انت بس تلاته كشري، وأنا هبهرك." رعد: "طيب، وعارفه لو معرفتيش تاكليه هتعترفي إنك بؤ عالفاضي." فرح: "اشطا، هات بس يامعلم انت." راح رعد وجاب الكشري وحطه على الكراسي وقال: "ابهريني." فرح بصت لزينة وقالت: "تعالى كده." وراحت فاكة ليها خمار النقاب وحطاه فوق راسها ودارت بيه وش زينة. وراحت باصة لزينة من تحته وقالت: "عووووو." زينة: "مجنونة، بتعملي أي؟

فرح: "هبهرك، اصبري." وراحت منزلة لزينة النقاب وجابت طبق الكشري وحطته على رجل زينة وقالت: "كلي بقا ودعيلي." زينة: "دماغ الماظ يابنتي." فرح: "اكيد." وبصت لرعد اللي فاتح بؤه من الصدمة. فرح: "راحت جايبة معلقة من طبقها وحطتها في بؤه وقالت، مش مرات رعد السيوفي اللي تكون بؤ." وراحت عاملة زي زينة وكلت. فراح رعد مطلع فونه وصورها فيديو وهو بياكل وبيكملها. وشكلها يفطس من الضحك.

وبعد كده راحوا يختاروا لفستانين ومعجبهمش حاجة، أو بالأصح رعد. رعد: "لا لا، ده مش حلو، ضيق. لا لونه باهت. لا عليه ترتر كتير." فرح: "ترتر؟ هو فيه أستاذ جامعي يقول ترتر؟ رعد: "يابنتي هو أنا واكل غداكي؟ فرح: "نينينيي، وبعدين مالو الترتر؟ رعد: "ملفت ياسكرة، والمفروض إن ميكونش ملفت ياحفيدة عائشة." فرح: "ابتسمت وقالت، غلبتني ياقرة عيني، ربنا يديمك ليا نعمة."

رعد: "ويديمك ليا يارب ياوصية رسول الله. بصي اقلعي الفستان ده، لسه شهر. هبعت لمصممة محترفة تعملك الفستان اللي تختاريه." فرح: "ينهار، يارعد ده هياخد وقت." رعد: "لا إن شاء الله مش هيكمل أسبوعين. يلا هاتي زينة اللي اختفت دي، عهدة علينا وتعالى." فرح: "ضحكت وقالت، البت دي بتعشق الفساتين موت. يلا." وروحوا البيت واتغدوا سوا مع أهلها وقعدوا يختاروا الفساتين. ووصلوا عند فستان يجنن وهادي جدا وكيوت كده ومناسب جدا كونها منتقبة.

رعد: "فعلا مشاء الله جميل قوي، خلاص ياعمري هيتعمل ليكي بإذن الله. اتفقنا أخيرا." فرح: "لسه البدلة هتتصمم بردو صح؟ رعد: "اه إن شاء الله. مصمم هينفذها." فرح: "راجل مش ست يارعد، وإلا هنكد عليك شهر." رعد: "أعوذ بالله، أي يانكدية انتي بردو؟ أنا راضي، نكدي براحتك. وبعدين يابنتي انتي مبتعرفيش تبوزي أصلا علشان تنكدي." فرح: "ده من حظك أصلا. وبعدين المفروض إذا نظرت لى أسرك."