رواية مشوار حياتي الفصل الأول 1 - بقلم نورا محمد

شويه فرفشه لو سمحتي يا طنط ممكن نتخانق من الاول. نعم. في رد افتكرته وعايزه اقوله. بس عندي انا يا أم فاروق. علشان خاطرك يا دكتور سيف هسامح. 150 سنتي دي. ممكن افهم بتضحك على إيه. سيف: انتي يطلع منك كل دا يا آيسل. آيسل: شكلي صغير بس نينجا. بعدين تستاهل. سيف: قصدك طولك 150. ههههههه. آيسل: طب غور بقي هنرش مياه.

سبته ومشيت بدل ما أضربه على نفوخه. مستفز بشكل. دايما يشوفني وأنا بتخانق. عايزة أقوله والله أنا هادية وكيوت بس كل شوية يكفشني في خناقة وأبقى زي عم محمود الحانوتي. دخلت الشقة سمعت صوت ماما. زي أي أم مصرية أصيلة صوتها لازم يسمع الشارع كله. الأم: منك لله انت واللي عمله فيها مدرسهم. مفيش منكم فايدة.

نسيت أقولكم إني طالبة في كلية تربية وبدي دروس في البيت. نرجع بقي يعني أول ما حد يدخل تربية سنتر مس انشراح لتأسيس أطفالك. هههه. آيسل: مالك يا ستي. الأم: في إني معرفتش أربي. أنا رايحة أحضر الفطار. آيسل: استني يا ماما متحضريش الفطار لوحدك وانتي صايمة. عندكش بنات ولا إيه. بعد دقائق. آيسل: يلهوووي يا ماما الحقيني دوخت قومي. ماما: بت امشي من هنا.

هاله: هههههه. عندكش بنات ولا إيه. وعلى إيه فتحت الصدر دي وانتي شبه الكتكوت المبلول. آيسل: يا ستي اللي حصل هنا بين أربع حيطان مش فرجت عليا الشارع. هههههه. هاله: متفكرنيش. فرجت عليا الشارع كله علشان معجبنيش أي حاجة والله. اللبس كان بيئة. أوووو. آيسل: هههههههه. كانت جراكي وراها زي البقرة. هاله: نينيني. بت أمشي منها. آيسل: الإه. هو كل شوية حد يقولي أمشي منها. صح كلمته النهارده. هاله: رجعتيله بعد ما رماكي.

آيسل: ما يرميني هو أنا كتاب دين. اسكتي بقي علشان بيرنا. آيسل: السلام عليكم. سيف: عليكم السلام. بتعملي إيه. آيسل: مش بعمل حاجة. سيف: أقصد ذاكرتي. آيسل: هو هو اصل اصل. سيف: مممم. امال عملتي إيه. آيسل: لاء. استني بقي. أول حاجة صليت. سيف: ما شاء الله. آيسل: بعد كدا روقت البيت. سيف: تبارك الله. آيسل: بعد كدا ساعدت ماما في الفطار. سيف: سبحان الله. آيسل: هو انت داخل الإسلام جديد. سيف: ههههه. ماشي يا طفسة. أنا جاي أفطر عندك.

آيسل: هو مين الطفس اللي فينا. سيف: بتقولي حاجة. آيسل: ابدا. تنور على الفطار. ماما: اتفضل يا دكتور سيف. سيف مسك إيد ماما باسها: أنا سيف بس يا ماما. بابا بغيره: طيب اقعد واتلم. سيف: بتغير يا بطة. بابا: تحب أوريك. سيف بخوف مصطنع: الطيب أحسن. بابا: سليم. هاله. يلا الإذن أذن. ماما: آيسل مالك. آيسل بـ"فورة": الكبيرة حبيبة أبوها. والصغيرة حبيبة أمها. والوسطاني إيه نظامه. من الكفار يعني. سيف بمرح: قصدك يهودي بني عريضة.

سليم: محد جابنا ورا غيرك. فطرنا وقعدنا قعدة لذيذة أوي. إحنا كدا كل اتنين وخميس البيت كله بيصوم. بس هادم اللحظات السعيدة. سيف: أظن كفاية كدا. عندك امتحانات. يلا. آيسل: انت معندكش اخوات بنات. سيف ببرود: لاء. سيف برفع حاجة: هاتي كتبك ويلا. آيسل بنوم: يا عم هنام دلوقتي. وبكرة هعمل جدول مذاكرة ونكسر الدنيا. مسكني من قفايا. سيف بـ"حدة": الامتحان بكرة يا جموسة.

بعد شرح ومذاكرة طالت لمدة 3 ساعات. وبصراحة أنا مش مركزة غير في حلاوته. ابن اللذينة. إيه دا. شعره أسود وناعم. والله أنعم من شعري. يلا الإنسان مابياخدش كل حاجة. ولا عينيه. يلهووو. مش عارفة لونهم. أصل الحمار عمره ما رفع عينه عليا. بس أكيد حلوين برضه. طوله بقي يا جماعة مش هقولكم. قاعد على الكرسي ورأسه لازقة في السقف. وقفا يا جماعة طويل. كل ما أشوفه أبقى عايزة أضربه عليه. سيف قفل الكتب بغمزة: رحتي فينا.

آيسل بغباء: وربنا ما اتحركت. بقولك إيه. هو الامتحان دا عليه كام درجة. سيف: عليه خمس درجات. آيسل: نص المنهج علشان خمس درجات. بلاها الخمس درجات. مشي وسابني. مش عارفة ليه بيعملني كدا. ليه. يلا مش مهم.