رواية مشوار حياتي الفصل الحادي عشر 11 - بقلم نورا محمد

ماما: امتى وهخلص منك، هتموتيني. ايسل: كل ده عشان قولت ماما. ماما: بت، اخرسي بقولك. ما تأخريش في الشغل عشان خطيبك جاي النهار ده. ايسل بعصبية ممزوجة بسخرية: لسه أنا معرفش غير من يومين، أما بارد صحيح. كل يوم هنا بقولك إيه، ما تجيب سرير وينام عندنا بالمرة. ماما: وماله يا حبيبتي، خطيبك يشرف في أي وقت. ايسل بعصبية: لأ بقي غداء وعشاء كل يوم ليهم. ماما: بلاش غلبة، غوري من وشي. ادخلي أوضتي بدل ما تشليني.

ايسل: ينفع كدا يا فريدة؟ كل يوم ييجي ليه وكالة من غير بواب. فريدة: عصبيتك دي هي اللي بتضيع حقك. ايسل: كده كده بيضيع، سبيني أفضفض باللي جوايا. روحت الشغل وروحت بدري عشان خطيبي اللي عنده محن زيادة حبتين تلاتة عشر. أنا ما عنديش مانع بس وحدة وحدة يعرفني وأعرفه، يخطف قلبي وبعدين يقول محن براحته. فوقت من أفكاري على رنة الفون. أهو يا جماعة. شادي: حبيبتي خلصتي شغل؟ ايسل بخنقة: آه. ممكن بلاش حبيبتي دي، انت أجنبي عني.

شادي بمرح: لا عربي. هههها. ايسل بقرف: نينينيني، مش حلوة. شادي: حطيلها سكر. عصب عني، ضحكت من دمه سم، أه والله. شادي: ضحكت يعني قلبها مال. ايسل: أو مات عادي. أنا هقفل دلوقتي وكمان شوية هرن. سلام. بليل على عشا ماما كانت عاملة أكل ياخرابي، كريب على طواجن فراخ ولحمة ومكرونة بشاميل. بصراحة يعني، بدأت أحب العريس والله. ماما ما خلتنيش أعمل حاجة، خافت أبوظ لها الأكل وموضوع الجواز ما يتمش. شادي بحب: تسلم إيدك.

ايسل: دي ماما اللي عاملت، بس أنا جبت لها الطماطم والفراخ من الثلاجة. شادي بصدمة: نعمة. ايسل: اسألها أنا أكذب؟ لأ، وأنا كمان اللي رسيت الأكل. شادي بصدمة أكبر: يعني مفيش حاجة عملتها؟ ايسل بفرحة: عملت صنية بسبوسة تتاكل بصنية. شادي ابتسم: لدرجاتي حلوة؟ ايسل بهمس: لأ، هي لزقت في الصينية. انت موت ولا إيه؟ مالك، كان شكلك زي الصنم من الصدمة. شادي بتوتر: طب ممكن كوباية شاي.

ايسل بتنطيط: جيت في ملعبي. أنا عليا كوباية شاي تاكل صوابعك وراها من الندم إنك طلبتها. مشي وسابني، الأه وهو دا اسمه إيه؟ يلا مش مشكلة. شادي بعدها بطل يهتم بيا وتلقائي بقيت بفكر بيه. دمه كان يلطش بس إحساس حلو أوي أوي أوي إن فيه شخص مهتم بيك، يسأل عليك، أو إنك تفرق مع حد. ده بحد ذاته كفيل إنك تشعر بالسعادة. كان أول مرة بعت رسالة على الواتس إيموشن غضبان 😡. شادي بسرعة: مالك؟ مش بتكلمني ليه؟ شادي بحزن: كنت تعبان، حقك عليا.

خوفت و مقدرتش استحمل، عايزة أطمن عليه. رنيت عليه فون. ايسل بخوف: انت كويس؟ مالك؟ ايسل بصدمة: بجد أنا فارق معاك؟ ايسل بتوتر: آآآكيد. شادي بخبث: ليه؟ ما كنتش عارفة أرد. هو أنا ليه خوفت عليه؟ أنا حبيته ولا ده فراغ عاطفي وعايز أي حد؟ يارب احميني من نفسي. شادي: روحتي فين؟ معاك بقولك ليه فارق معاك؟ عشان خطيبك. كويس إنك لسه فاكرة. وانا امتى نسيت؟

ضحك باستخفاف: أيسل، أنا بحبك لدرجة الجنون وعندي استعداد أحارب الدنيا بحاله بس لو فيه بس قبول. مش هقول حب أو أشوفك بتحاولي معايا. ايسل: تقصد إيه؟ أقصد إن علاقتنا أنا بس اللي بحاول أخليها تكمل وانت ولا هنا. أنا تعبت من حقي أرتبط بحد يحبني مش حد مش شايفني أصلاً. غصب عني دموعي نزلت. لدرجاتي بيحبني وأنا ولا هنا؟ كل ده في قلبه وساكت؟ ده طلع شخص كبير مش تافه. ايسل بتحاول تكون طبيعية: عايز تسبني؟ شادي: ... ياترى شادي هيسبها؟

طيب هترجع تكلم سيف تاني؟ الجميع ياريت رأيكم تكمل مع شادي ولا سيف؟