رواية مشوار حياتي الفصل الثاني عشر 12 - بقلم نورا محمد

قالت آيسل محاولةً أن تبدو طبيعية: "عايز تسبني؟ قال شادي بحدة: "هو دا بس اللي فهمتيه؟ عايزك تحاولي معايا، أديني فرصة أوصل لقلبك، ولو فشلت هسيبك. أنا راجل وكرامتي فوق أي حاجة، وسعادتك من سعادتي حتى لو مع حد غيري." أكمل بنبرة فيها ألم: "أنا بقول لمين؟ بصي يا بنت الناس، أنا هاجي بليل ونفضّي الموضوع، وربنا يرزقك بالأحسن. سلام." كنت أبكي بحرقة، كيف يسبني؟ ألم يقل إنه يحبني؟

طيب كان أداني فرصة أقول له إني قلبي بدأ ينبض باسمه، وإني معجبة به، وإن اليومين اللي فاتوا كنت مضايقة إنه مش بيكلمني. أنا آه مش عارفة مشاعري، بس يكفي أنه بقى جزء من حياتي. قالت فريدة: "آيسل، أنتِ بتعيطي؟ اترميت في حضنها: "أنا مليش حد مقرب ليا، رغم علاقاتي بناس كتير أوي." قالت فريدة بقلق: "مالك يا روحي؟ قالت آيسل بدموع: "هيسيبني، هيسيبني." قالت فريدة: "مين دا؟ مسحت دموعي بضهر إيدي: "مفيش حاجة."

فتحت دولابي واخترت جيبة سودة سك، وعليها شميز أصفر أكسيد، وطرحتها بيضا في أصفر أكسيد، وكوتش أبيض، وحطيت ملمع شفاه. فقدت وعي ونزلت أشتري لبس، ودخلت محلات كتير لحد ما لقيت لبس يناسبني. أصل القصيرين الحلوين اللي جسمهم مظبوط وعمرنا ما هنقول رفيعين، صعب جداً نلاقي لبس يناسبنا. وأنا خارجة، قبلته. قال شادي بعصبية: "دي أنتِ ليلتك سودة! مش تقوليلي إنك نازلة؟ قالت آيسل بابتسامة: "أقول لك ليه؟ قال شادي بحدة: "أنا زفت خطيبك!

قالت آيسل بدلع: "خطيبي اللي قال بليل هفسخ الخطوبة؟ تلعثم شادي: "إحنا بالنهار. تاني مرة تستأذني قبل ما تنزلي، مفهوم؟ أكمل بحدة: "أي زفت على شفايفك دا؟ قالت آيسل بطفولة: "ملمع." مسك شادي منديل ومسح الملمع بعنف: "أوعي تحطي حاجة تانية، أنتِ فاهمة؟ وهو أنا قادر وأنتِ قادرة لما تحطي زفت ملمع؟ قالت آيسل بألم: "براحة طيب." قال شادي: "يلا قدّمي يا زفتة."

وما سبنيش أتكلم، مسك إيدي وسحبني وراه. أول مرة حد يمسك إيدي، كنت فرحانة أوي وحاسة بالأمن، حاسة إني أعرفه من زمان. كنت عايزة الزمن يقف عند اللحظة دي ويفضل ماسك إيدي، يااااه شعور ولا أجمل. قلبي كان بيدق طبول من الفرح، وأول مرة أخد بالي منه. يا خرااابي، طويل طويل خالص وشعره أسود وسايح عليا. النعمة أنعم من شعري، ولبسه كاجول وشيك، والكوتش الأبيض ده. أنا خطيبي مزززز يا جدعاااان! قال شادي بغضب: "أنتِ بتاعتي لوحدي، فاهمة؟

ممنوع تتحركي من غيري، تقوليلي الأول، وأنا بس اللي أقول تروحي ولا لأ، لأنك ملكي لوحدي، فااااهمة؟ قالت آيسل بابتسامة بلهاء: "أنت شادي خطيبي الهادي الرومانسي؟ ولا أنت اتبدلت ولا إيه؟ قال شادي باستغراب: "ما هو الزوق مش نافع، وأنا محبتش تشوفي وشي التاني." قالت آيسل بحب: "وشك التاني أحلى." وهربت وسيبته مصدوم، وأنا مبسوطة أوي. أفسخ الخطوبة قال؟ دا أنا أقتله ولا إني أسيبه. قال شادي وهو يضع يده على قلبه:

"أهدي شوية، كل دا من كلمتين قالتهم، وأمال لو قالت بحبك هتعمل إيه؟ بليل، جرس الباب رن. كنت خايفة أوي، كنت واقفة وراء الباب بسمع وأيدي على قلبي. لو سابني أنا هقتله، أيوه، هقتله. قال شادي بتوتر: "ع.. عمي أنا... قال الأب: "مالك يا بني؟ بقالنا ساعة وأنت بتتهته، في إيه؟ قال شادي بصعوبة: "أنا عايز ألغي الخطوبة."