رواية مشوار حياتي الفصل الرابع 4 - بقلم نورا محمد

عدت الأيام ومفيش جديد غير أن النتيجة هتظهر على الموقع الإلكتروني النهارده. وطبعًا كنت مطمنة إني من العشرة الأوائل. هههههههههههه بهزر، دا أنا هسقط وهتشلوح انهارده. بقولكم صح، محدش ياخدني عنده أنام النهارده، أصل حاسة إني هتطرد. وكل ما أتجمع في بيتنا، ولا اللي في كلية الطب، مش كلية بامبرز. هههههههه، أصل كلية تربية طفولة شهرتها بامبرز. دايمًا

بابا لما يتعصب مني يقولي: "تعالي يادادة، ميعرفوش أدي كلية التربية للطفولة المبكرة مهمة إزاي، وإن المراحل العمرية الأولى وهي الخمس سنوات الأولى للطفل هي الحجر الأساسي لجوانب صحية وعقلية لطفل، وبناءً عليها لو نشأ الطفل بطريقة صحيحة سوف ينمو بدون أي عقبات أو مشكلات. وإن الدول المتقدمة بتهتم بالمراحل العمرية دي وكمان مرحلة رياض أطفال لأنه سبب في إنشاء كوادر بشرية وتستفاد منها الدولة ومن أفكارهم".

مش هطول عليكم، قولوا طول. طبعًا طموح الأهالي بيبقى عالي أوي، وإنك في كل الحالات هتجيب الامتياز. وأنا أهالي كانوا فاكريني توماس إديسون. وأنا على بابا، الله سيف، جه البيت وكان تعبيرات وجه شبه قفا بالظبط. أيسل: النتيجة إيه؟ سيف بحزن: جيد جدًا مع مرتبة الشرف. أيسل بفرح: وحيات أمك قول والله. سيف برفع حاجة: نعم. أيسل بغرور: أنا أساس المفروض أجيب امتياز مش جيد جدًا مع مرتبة الشرف.

فريدة: هنكدب من أولها، دا إحنا بصمجين المواد ليلة الامتحانات. أيسل بكبرياء: ولو ولو اتظلمت يا ناس، وكدا أبقى اتخرجت والحمد لله. طبعًا بعد ما تخرجت وبقيت معايا بكالوريوس التربية للطفولة المبكرة، كان قدامي طريقين. لما أروح أسقف مع الناس دي وأتجوز أي واحد يكون مناسب وأكون أسرة، لكن الكلام دا كان وقت زنقة الامتحانات كنت مقتنعة بيه. لما أروح أقدم دراسات عليا، وأنا بصراحة صحتي على قدي.

وفي طريق تالت بقي وهو الكارير. وفعلاً اخترت دا. وقدمت في مدارس كتير خاصة من إنترفيو لأنترفيو في مكان تاني. طبعًا قولت هعتمد على نفسي ومش هلجأ لأي واسطة. وفعلاً اتقبلت في مدرسة خاصة بفضل مجهودي. كدابة كدب الإبل، بصراحة ابن صاحب المدرسة يبقى صاحب سيف وتوسطلي في المدرسة بعد ما كنت فقدت الأمل. كل المدارس عايزين خبرات سابقة، طب إزاي هنكتسب خبرات وانتوا رافضين مجتمع براس كلب. بدأ الترم الأول وبدأت شغل.

سيف: احكيلي يومك بقي. أيسل: اتخصصت مدرسة رياضيات لكي جي ون وتو. سيف: مش على أساس رايحة مدرسة عربي. أيسل بتوضيح: أصل البنات اللي هناك رفضوا، وأنا سمعت كلامك مش قولت بلاش تعملي مشاكل من أولها. سيف: أريج معايا ولا حد تاني؟ إيه العقل دا؟ أيسل: أنا تعبت علشان ألاقي شغل. وبعدين أنا مش عجباني قعدة البيت خالص. سيف: كله هيعدي. عاملة إيه مع مامتك؟ أيسل: اسكت يا خويا، مش حرضت جوزها عليا. سيف: جوزها دا باباكي؟

أيسل: أيوه أيوه عارفة، قالت له مفيش شغل، أنا عايزة أرتاح بقي من شغل البيت، أنا شيلتها في ثانوي وكلية لازم تشيلني، لاما تتجوز. سيف: يا نهاااار.