رواية مشوار حياتي الفصل الثالث والعشرون 23 - بقلم نورا محمد

ايسل بغباء: نصين زي بعض ولا واحد كبير والتاني صغير. خلاص اسفه والله اسفه. شادي بخبث: هتتعاقبي. بوسه رقيقة على شفايفي ومشي، وأنا كنت في عالم تاني. تاني يوم. صحيت من النوم ملقتش شادي جنبي. أخدت دش ولبست. روقت البيت وعملت أكل. دخلت آخد شور ولبست فستان رقيق قط أسود مفصل جسمي. سبت شعري وحطيت روج. قاعدة على الركنه مستنية حبيبي. وأول ما سمعت الباب بيفتح استخبيت.

طبعًا هو اتعود كل ما يجي من الشغل يدور عليا، زي الطفلة الصغيرة. شادي بمرح: كتكوتي فين؟ تحت السرير وهو بيبص تحت السرير. لاااا، طيب في الدولاب؟ يبفتح الدولاب. لاء. امممممم، طيب فين؟ مسكتك. ايسل بصوت عالٍ: سيب رجلي يا شادي. شادي بغضب مصطنع: تو تو، هعملك شرشوبة الأول. فعلاً بدأ يجرني من رجلي، الغلس البارد، وافتكرني شرشوبة. ايسل بضحك: هههه كفايه، ههه، ونبي. شادي بضحك: هههههههههههه، الشرشوبة الهلوبة، اووووه، هههههههه.

قمت بعد ما سبني وأنا بظبط شعري اللي اتبهدل، وكمان الفستان. ايسل بغيظ: كدا شعري باظ وكمان الفستان. شدني وقعدني على رجله وهمس في ودني: أكيد أحسن بدل ما أتهور يا صغنن. مع أن برضو بطل وتتاكلي أكل. دفن رأسه في رقبتي بتلذذ. ايسل بضعف: ط طب تعالى نأكل. عدت الأيام بين مشاكستي معاه وحنيته عليا. آخر اليوم أنام في حضنه. بليل. ايسل: أنا مخنوقة أوووي ونفسي أخرج أو أفسح. شادي وهو بيلعب بشعرها: بكرة أبقى آخدك ونروح لمامتك.

قومت من حضنه بخضة: بقولك زهقت من البيت، تقوم تقول لي نروح لمامتك؟ وهو برضو بيتشادي بضحك. أخدني في حضنه تاني: هههه، مش هتبطلي لماضة. حاضر، بكرة أحلى فسحة لأحلى البنات. حضنته بقوة وبوسته جانب شفايفه بعفوية. شادي بحب شديد: أنا كدا هتهور بجد وأنتي السبب. سكت وخبيت رأسه في حضنه ونمت. شادي بعد ما تأكد أني نمت: هفضل وراكي لحد ما تتمني قربي يا أيسل قلبي. طبع بوسه على جبيني ونام.

عدت الأيام بين مشاكستي معاه وحنيته عليا، وخلاني أتمنى قربه. رغم رغي الكتير إلا أنه بيسمعني. ويجي من الشغل يقول لي احكي لي يومك. وهو كمان كان الزوج المناسب، بيحكي لي كل حاجة. كنت بكره أي راجل ميحكيش لمراته يومه. وكنت خايفة أتجاوز راجل يكون فيه جزء غامض عنيا. ايسل بجدية: شادي، عايزه أشتغل. شادي بعصبية: وأنا ميت مرة أقول لك شغل، لااااء. ايسل بعيون قطط: ليه يا شادي، مش هقصر في حاجة والله.

شادي وهو بيضمني وبحنية: أنا مش على تقصير، بس أنا بغير عليكي. أنا لو أطول أحطك في قلبي ومحدش يشوفك غير هعمل كدا. وبعدين إحنا معانا فلوس، ولو على شخصية والكاريزما، اكتبي روايات، ادي دروس، المهم متغيبيش عن عيني لحظة. ايسل بحب: عليا النعمة أنا اخترت صح. أنا أصلاً بفرهد بسرعة، شغل إيه. شادي بعيون حمرة: يعني إيه. ايسل برقة: يعني أنا أصلاً ضد فكرة الشغل، البنت ملهاش غير بيت جوزها حبيبها. شادي وهو بيبلع ريقه: شكلي هتهور بجد.

تاني يوم. شادي رجع من الشغل، كان شكله غريب. ما ندهش عليا ولا دور عليا. كنت مستخبية في المطبخ. قلت أكيد زهق. ايسل بمرح: يعني مدورتش عليا. شادي بغضب: بلاش شغل عيال. شادي بحده مسك إيدي جامد: حبيبك. ههههههه، ضحكتني بجد. ايسل بوجع: اااايدي يا شادي. شادي بجنون: بتوجعك صح، أنا قلبي بقي بيوجعني أكتر، ليه ليها. ايسل بدموع: ليه إيه، أنا عملت إيه. شادي بعد ما سبني واداني ضهره: قولي ما عملتيش إيه.

أنت هنا هتكوني خدمة ليا لحد ما زهق منك. هاخد دش تكوني حضرتي الأكل.