رواية مشوار حياتي الفصل الثامن والعشرون 28 - بقلم نورا محمد

وقلت: طبعًا لو قلت لك إني بهزر وإني تعبانة بجد مش هتصدق، صح؟ شادي بغضب: صح. الجري مش نص الجدعنة، دي الجدعنة كلها. بس للأسف... الله، أما اجعله خير. لقيت نفسي متشالة على كتفه زي شوال بطاطس. أيسل بخوف: شادي، حبيبي، أنا أيسل. مش هعمل كدا تاني. مفيش منه رد. أيسل بدموع: شااادي، كل حاجة بالخناق. بعد الجواز بالاتفاق. آه يا ضهري. في حد يرمي مراته حبيبته على سرير بطريقة همجية؟ كان ساكت، بس عيونه بتتكلم.

أيسل بتوتر ودموع: ما مالك يا حبيبي؟ مكانش طبقين وحتة فرخة محمرة وترويق الشقة إلى هيخسرنا بعض. شادي بحدة: يعني أنا قلبي كان هيقف من الخوف عليكي، وإنت مهملة. في داهية البيت والأكل. إنت متعرفش أنا حسيت بإيه لما قولتي إنك تعبانة. بس إنت عمرك ما هتحسي، لأنك مش بتحبيني ولا عمرك هتحبيني. أكيد بتحني لسيف.

كنت بعيط من اتهامه ليا بحرقة، وسبته من غير ما أرد. سيف هيفضل حاجز بينا. ما أنا محبتوش، كان إعجاب مرة، ومرهقة. وحتى تعاملي معاه كان عادي. ولو عايزة كنت طلبت طلاق من شادي واتجوزته. بس شادي بقى حياتي كلها. النفس اللي بتنفسه، روحي من جوه. وعلشان كدا بعد جرحه ليا، مكنتش قادرة أسيب البيت وأسيبه. أصله بيوحشني أوووي.

يعدي يومين وأنا بعمل شغل البيت. وقبل ما يجي من الشغل، يلاقيني بتفرج على التلفزيون بأحلى طلة. أول ما يشوفني، أدخل أوضة الأطفال وأقفل بالمفتاح. كان بيخبط عليا ويحاول يفتح، معاه إيه كلام، لكن كنت بصده. لحد ما سمعت حاجة بتتكسر وهو بيتألم. بسرعة طلعت أجري عليه وأنا خايفة عليه. أيسل بخوف وهي بتفحصه: إنت كويس؟ فيك حاجة؟ لقيته شالني وبقى يبوس كل حتة في وشي. أيسل بضعف: أنا مش هسكت المرة دي ومش هسامح كدا بالساهل.

شادي بعشق وأنفاس عالية: حقك عليا. أيسل وهي تدفن رأسها في صدره: حصل خير. بحبك. واخدني وسحبني في عالم أنا وهو بس. أنا مش مهزأة ولا بدون كرامة، لكن ليه نصعبها على نفسنا ونحرم نفسنا من الحب والعشق والسعادة علشان مسميات ملهاش لازمة. أيسل بتعب: تحب تاكل إيه؟ شادي بنص عين: مالك يا أيسل؟ تمثيل تاني؟ أيسل بابتسامة: لأ، مفيش. بقولك تاكل إيه. شادي وهو بيطبع بوسة على إيديها: أي حاجة، المهم إنك في حياتي.

أيسل بتمثيل القوة: تمام يا حبيبي. شادي بمرح: هتطبخي إيه بقى؟ أيسل بمرح: اللي مشاركنيش اختياراتي، ميسألنيش عن قراراتي. شادي بحب شديد: أيسل، متأكدة إنك كويسة؟ أنا زعلت منك علشان قلبي كان هيقف من الخوف. أنا أخدمك بعيوني لو طلبتي، أو أجيب لك واحدة تساعدك. أهم حاجة صحتك. أيسل بمرح: إنت لاقي تاكل يالا، لما تجيب لي واحدة تساعدني. شادي بضحك: يابت، شجعي جوزك يبنتي. أيسل: عليك ديون وأقساط وهتتحبس، يلااااا.

روحت المطبخ وأنا مش طايقة ريحة الأكل، واستحملت وعملت الأكل. وبعدها مكنتش قادرة، وطلعت أجري على الحمام أرجع. ولقيت شادي بيضمني وبيغسل وشي. وإيده بتترعش ونظرات الخوف في عيونه واضحة.