رواية مسك الأسد الفصل الخامس 5 - بقلم دعاء صلاح

وقفنا المرة اللي فاتت لما حور كانت هتقع وفي حد مسكها. ادهم وهو بيمسك حور: مش تاخدي بالك. حور بعصبية: انت ازاي تمسك إيدي، سيبني. ادهم بعصبية لأنه مقدرش إنها تساعده راح سابها. وقعت على الأرض. حور بوجع: آه يا حيوان، بقي توقعني. ادهم ببرود مصطنع: مش انتي قولتي سيبني وأنا نفذتلك كلامك. حور بألم: اشمعنى سمعت كلامي في دي، انت مستفز. حور بألم: إن لله وإن إليه راجعون.

ادهم بتفكير وقلق: إزاي هتموت والوقعة متموتش، أمال بتقول إن لله وإن إليه راجعون. حور بصدمة: انت بتقول عليه اللي تنشك أموت إيه؟ ادهم بعصبية: انتي اللي تتشكي في لسانك الطويل ده، وبعد كده مش انتي بتقولي إن لله وإن إليه راجعون يعني هتموتي. حور بعصبية: تاني هموت يا زفت، وبعد كده أنا بقول إن لله وإن إليه راجعون علشان ربنا قال في آياته الكريمة:

(وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ) . يعني مش لازم عند الموت، فهمت أنا قصدي إيه؟ ادهم بفهم: أيوه، شكراً على المعلومة. مسك: يلا نمشي يا حور، اتأخرنا. حور: تمام، يلا. اسد: متنسيش النهارده الساعة ٨ إن شاء الله. مسك بضيق: تمام، أنا هستخير ربنا الأول. اسد: تمام. مسك وحور وأسد وادهم، كل واحد فيهم راح على بيته وهو بيفكر في اللي حصل في يومهم.

عند مسك. مسك صلت استخارة وحست براحة. وقالت لولدها وولدتها. مسك كانت متفقة مع حور إنها تيجي عندها علشان تساعدها قبل وصول اسد. عند ادهم وأسد. اسد: انت هتروح معايا يا ادهم، انت أخويا. ادهم برفض: هروح معاك يوم كتب الكتاب، علشان النهارده عندي شغل كتير أوي، اغذرني يا خويه. اسد: تمام، خلاص. ادهم بتساؤل: هو انت عايز تتجوز مسك ليه، مع إنك أول يوم تشوفها النهارده؟

اسد: مش عارفة، بس أنا حبيتها جداً، متستغربش، لأن أنا نفسي مستغرب جداً، عندي شعور إني متلخبط جداً. ادهم: أنا حسيت إن لما بشوفها بحس إن أختي واقفة قدامي، حتى في شبه بينا لو لاحظت. اسد بتذكر: آه، تصدق يا ادهم. ادهم بحزن: بس ده كله أكيد، يعني مش أختي، أنا مليش حد غير ربنا ثم انت يا خويه، كان نفسي يكون عندي أسرة تحبني وأحبهم، حتى أبويه اللي بدور عليه مش لاقيه. اسد بحزن على حالة صاحبه: إن شاء الله هتلاقيه.

ادهم: إن شاء الله، يلا بقي علشان مأخركش أكتر من كده. اسد: ولا تأخير ولا حاجة، أنا همشي أهو. عند مسك وحور في بيت مسك. مسك بعصبية: اتأخرتي ليه يا زفتة. حور باستفزاز: غلط عليكي العصبية يا عروسة. مسك بضيق: متقوليش كده تاني يا حور، بدل ما أنفخك. وجريت وراه وفضلوا يضربوا بعض بالمخدات وصوت ضحكهم ملئ المكان. أم حور: يا بنات البسوا بسرعة، العريس على وصول. مسك وحور: حاضر.

وبدأوا باللبس، وكانت مسك في غاية الجمال بخمارها وحيائها. الباب بيخبط. حور: أكيد اسد. والد حور: أنا هروح أفتح، وانتي يا مسك ادخلي ورايه بالعصير. مسك بطاعة: حاضر، اتفضل يا ولدي. دخل والد مسك اسد الصالون. ودخلت وراهم مسك كما قال لها والدها. مسك: السلام عليكم ورحمة الله وبركاته. والد مسك: إحنا هنسيبكم شوية، وأنا قاعد في الصالون اللي جنب الأوضة. مسك: تمام يا ولدي. بعد خروج والد مسك. اسد: ازيك.

مسك: الحمد لله، في زحام من نعم الله، انت عامل إيه؟ اسد: الحمد لله، لو عندك أي أسئلة تفضلي اسألي. مسك: آه، عندي أسئلة. اسد: اتفضلي. مسك: هل بتصلي كل الفروض في وقتها؟ اسد بصدق: الحمد لله. مسك: هل انت ختمت القرآن أو بتحفظ؟ اسد بأسف: أنا بحفظ، لسه مختمتش، بس قربت الحمد لله. مسك: بتصلي السنن؟ اسد بصدق: الحمد لله، بس مش دايماً. مسك: اتفضل اسأل لو عندك أي أسئلة. اسد: لا، مش عندي أي أسئلة. مسك: تمام، بس في حاجة عايزة أقولها.

اسد: اتفضلي. مسك: الخطوبة هتبقى إن شاء الله شرعية، يعني مفيش أرقام، لأن الخطوبة ما هي إلا وعد بالزواج، لو يناسب حضرتك تمام، لو مش مناسب حضرتك يبقى كل شيء قسمة ونصيب، لما تكلمني هيكون والدي معايا لو في شيء مهم يعني. اسد بإعجاب: وأنا موافق. والد مسك: خلصتوا يا والدي؟ مسك: أيوه يا والدي.