رواية مسلم و الاسلام الفصل الحادي والعشرون 21 - بقلم شهد احمد

عند سارة. حصل إن حفصة تعبت وأخدوها على المستشفى وسارة كانت بتبكي وتقول بنتي في المستشفى وابني مسافر ومعرفش عنه حاجة ليه يا طه خليته يسافر ما هو كان هنا وكان بيعمل اللي عليه وبينشر دينه. طه: مش وقت كلام يا سارة ولازم ترضي بقضاء الله ومتعترضيش وبعدين يبقى نتكلم. سارة: كانت بتبكي وقالت أفوض أمري إليك يا رب اللهم لا اعتراض على قضاءك يا رب اشفي بنتي يا رب الناس اذهب البأس اشفي أنت الشافي يا رب. وفضلت تدعي لبنتها.

بعد شوية كان الدكتور طلع وقال البنت كان عندها حالة تسمم. سارة بصدمة: تسممم بنتي كويسة فيها حاجة؟ الدكتور: الحمد لله إنقذناها وعملنا ليها غسيل معدة. سارة بدموع: يا حبيبتي يا بنتي. طه: شكراً يا دكتور نقدر نطمن عليها؟ الدكتور: أكيد اتفضلوا. ومشي وهما دخلوا لحفصة. سارة جريت عندها وأخدتها في حضنها وفضلت تبوس فيها وقالت: حالة تسمم إزاي بنتي أكلت إيه سممها لازم أعرف. وقالت لإبراهيم: اختك أكلت إيه انطقي. إبراهيم:

كان فيه وحدة ماشية في الحارة يا ماما وعطت لحفصة شوكولاتة وحفصة أكلت وجات تديني حفصة وقعت على الأرض ورميت الشوكولاتة وشلت أختي وجبتها البيت. سارة: كل ده حصل ومين دي وليه تعمل كده بعد اللي حصل ده مفيش طلوع من البيت لوحدكم والكتاب يا تروحوا معايا يا مع أبوكم وخلص الكلام. طه: اهدي يا سارة وأنت يا حبيبي متخافش ماما خايفة عليكم. وراح عند حفصة وفضل ينادي عليها: حفصة حفصة يلا قومي يا حبيبتي. حفصة بتعب: بابا. طه:

قلب أبوكي يا حفصة عاملة إيه حاسة بحاجة في حاجة بتوجعك؟ حفصة: بطني وجعاني. سارة: هتخف يا قلبي هتخف متخافيش. وبعد شوية كانوا رجعوا البيت وسارة نيمت حفصة وإبراهيم. طه: سارة أنتي إيه اللي عملتيه في المستشفى ده مش المفروض نتقبل أي حاجة بتحصل معانا بنفس راضية وعلينا بالدعاء وبس ويكون عندنا ثقة كاملة في ربنا إنه هيشفي بنتنا ليه البكاء وليه تجيبي سيرة مسلم وتقولي ليه خليته يسافر أنتي مش عارفة سافر ليه؟ سارة:

أنا آسفة يا طه مقدرتش أمسك نفسي وأنا شايفة بنتي بين الحياة والموت وأنا خايفة كمان على مسلم راح بلد غريبة وهو صغير لسه ومش عارفة عنه حاجة ولا هو عامل إيه ولا إيه اللي ممكن يكون حصل معاه. طه: متتأسفيش مني قومي اتوضي وصلي ركعتين لله ومسلم كويس اطمني واكيد هيطمنا عليه وطالما هو بيعمل خير وعمل صالح ربنا هيقف معاه وأنا واثق في ربنا. سارة: حاضر يا طه وهستودع ابني عند الله واكيد هيحفظه ليا. وقامت صلت وقرأت قرآن وقعدت تستغفر.

وبعد شهرين كانت حفصة خفت ومسلم بعت رسالة جواب لأهله وطمنهم عليه وسارة اطمأنت نوعاً ما على مسلم. الشيخ طه راح الكتاب وسمع للأولاد وحفظهم وقال: درس النهارده عن شرطين لنفع الرقية الشرعية قال الشيخ رحمه الله: لو أن أحداً من الناس قرأ بالقرآن على مريض 1 -والقارئ غافل أو شاك في منفعته؛ فإن المريض لا ينتفع بذلك وكذلك لو قرأ القرآن على المريض 2 -والمريض شاك في منفعته فإنه لا ينتفع به...

فلا بد من الإيمان من القارئ والمقروء عليه بأن ذلك نافع. لازم اللي بيتقرأ عليه واللي بيقرأ يكونوا واثقين إن القرآن هيجيب نتيجة. طيب هل يجوز الذهاب إلى الكهان والسحرة والعرافين؟ الجواب: لا يجوز؛ والدليل قول النبي ﷺ: «من أتى عرافاً فسأله عن شيء، لم تقبل له صلاة أربعين ليلة» رواه مسلم. نعيش دائماً بين يسر وعسر كلاهما نعمة ففي اليسر يكون الشكر وسيجزي الله الشاكرين وفي العسر يكون الصبر إنما يوفى الصابرون أجرهم بغير حساب.

فالحمد لله في السراء والضراء وبكدا الدرس خلص يا ولاد. عند مسلم وهو مسافر في الشهرين دول ساعد كتير على نشر الإسلام والشيخ أعجب بيه وبتفكيره وبعلمه وقال إنه إزاي شاب صغير في السن يعرف كم الحاجات دي من الدين وكان بيخليه هو اللي يأذن للصلاة وهو اللي يحفظ ويسمع وكان بيديهم دروس دينية واتعرف على أصحاب ليه وساعد الناس في إنهم يعرفوا دينهم ودلوقتي كان قاعد بيحفظ ويسمع الأولاد وقال:

درس النهارده عن إنك تخلص كل عمل بتعمله لله وأنت بنفسك هتشوف البركة في العمل ده. الشيطان دايماً بيكون عايز الإنسان منهزم نفسياً ومضطرب، مكسور وفاقد الأمل عشان ميعرفش يعبد الله عز وجل صح!! بيحاول دايماً يكبرلك المواضيع ويديهالك في حجم غير حجمها مع إن ممكن يكون الموضوع بسيط جداً وحله بسيط وقدامك! طيب الحل إيه؟ اليقين بالله، طول ما أنت عندك يقين بالله عمرك مش هتحس بالهزيمة أو فقدان الأمل أو اليأس.

خايف إن المصروف ميكملش الشهر؟ خليك عندك يقين ومقتنع من جواك إن الله عز وجل هو الرزاق وقادر إنه يفك كربك ويرزقك وممكن دا أصلاً ابتلاء الله عز وجل بيختبر يقينك بيه! خايف من المستقبل وإن حياتك هتمشي إزاي؟ خليك عند يقين إن الله عز وجل هو يدبر الأمر من السماء وقادر إنه يدبرلك أمورك كلها. الحل قدامنا بس احنا اللي مش عارفين نستعمله، كإني عندي صداع جامد أوي وقدامي علاج كتير جداً والعلاج قدامي بس أنا مش عارفة استخدمه؟

وكذلك اليقين بالله قدامنا والقرآن قدامنا احنا اللي مش عارفين ناخد العلاج. محتاجين نتعلم أسماء الله الحسنى ونعمل بيها ونكون عندنا يقين بالله ونسأله بصفاته محتاجين نتدبر القرآن ونفهم إن علاج مشاكلنا كلها فيه بس هو قدامنا واحنا مش قادرين نعرف دا!! محتاجين منستناش قلبنا يجي عشان نعبد ربنا لا اعمل الطاعة حتى لو أنت مش حاسسها كدا كدا قلبك هيجي بعدين. وبكدا الدرس خلص يا ولاد.

ورجع السكن اللي عايش فيه وجاء أصحابه وقعدوا يرتلوا القرآن مع بعض. عند سارة بعد ما جهزت الأكل واكلت الأولاد واطمأنت عليهم راحت الكتاب وسمعت للبنات وحفظتهم وقالت: درس النهارده عن إزاي أكون أم صالحة مستقبلاً؟ لازم نصلح نفسنا الأول افتكري آية وكان أبوهما صالحاً.

يعني لازم تصلحي نفسك أنت الأول وتبدأي بنفسك أنتِ الأول فقهي نفسك، اسمعي دورات أعدي نفسك لهم دينياً وإيمانياً ونفسياً وفقهياً، تعلمي القرآن ثم تعلمي القرآن ثم حفظ القرآن ليه أنتِ عايزة ذرية صالحة لازم تكوني أنت على دراية كافية بتعاليم القرآن على الأقل القراءة كويسة دارسة تجويد المخارج منضبطة ليه.

عشان أنت اللي هتبدأي وهتعلمي وتهتمي بتحفيظ القرآن في الصغر وتنشئي علي تعاليم القرآن وحفظه وعشان لما تيجي تحفظيه وتقرأي معاه يبقى بتقرأيه قراءة سليمة وتحفظيه فده لازم يكون عندك دراية كافية. افتكري "تعلموا القرآن فالقرآن سيعلمكم كل شيء". ومتنسيش إنك هتكوني أم هتبقي قدوة هيقلدوك في كل حاجة فلازم أصلح نفسي وأي حاجة مش عاوزاها تبقى فيهم ابدأي عليها بنفسك الأول تخلصي منها. أي حاجة عايزة تبقى فيهم طبقيها على نفسك أنت الأول.

لأنهم ببساطة بيقلدوا الأم والأب في كل شيء فلازم ناخد بالنا من الحتة دي كويس جداً. "إذا صلح الراعي صلحت الرعية". خدي الحكمة دي قاعدة لازم تبدأ تصلح من نفسك الأول وتشوفي إيه اللي عايزاه يبقى في أولادك ابدأي ازرعيه في نفسك أنت الأول وإيه اللي مش عايزة يبقى فيهم تخلصي منه أنت الأول.

في النهاية أصلحي نفسك وتفقهي في علوم الدين والدنيا عايزين أمهات واعيات وعلى قدر كافي من تحمل المسؤولية والتنشئة السليمة نحن بحاجة إلى جيل واعي. وبكدا الدرس خلص.

وبعد 10 سنين كان مسلم نشر الإسلام وفي كل الدول المجاورة للدولة اللي كان ساكن فيها حفظ القرآن وعلمهم أصول الدين وفي ناس استجابت بسرعة ودي فطرة الإسلام وفي ناس استجابت بس بصعوبة وفضل معاهم خطوة بخطوة لحد ما بقوا على الدين الإسلام وانتشر الوعي في البلاد وفتح كذا كتاب والناس قررت تفتح مدارس وتعلم الدين الإسلامي وكان بيبعت لأهله يطمنهم عليه وانهارده راجع الحي بتاعه بعد طول غياب وبعد عدة ساعات رجع الحي وراح

بيته وفتح الشيخ طه وقال: مسلم حبيبي. وحضنه ودخلوا وسارة أول ما سمعت مسلم جريت عليه وحضنته وقالت: كل ده غياب وحشتني أوي يا حبيبي. مسلم: وأنتي كمان يا ماما وحشتيني وبابا كمان فين حفصة وإبراهيم. سارة: نايمين جوا ادخل صحيهم. مسلم: حفصة إبراهيم أنا جيت قوموا أخوكم جه. حفصة: مسلم حبيبي أنت جيت جبتلي حاجة حلوة معاك؟ مسلم: أيوه يا حبيبتي. وباسها وأخدها في حضنه وسلم على إبراهيم وحضنه وعاشوا في جو أسري سعيد.

وبعد شهرين من نزول مسلم سارة كانت بدور على عروسة لمسلم ولاقت ومسلم عمل رقية شرعية يعني راح شافها ووافق مسلم والبنت اللي راح يشوفها واسمها خديجة.

وده بعد ما اتأكد إنها ملتزمة وبتصلي ومستعدة تنشر الإسلام ومعملش فرح قال إنه هياخدها وهيعملوا عمرة وطبعاً خديجة وافقت وبعد ما كتب عليها الكتاب أخدها بيته وبعد أسبوع من جوازهم كان مسلم حجز للسفر إلى العمرة وطبعاً أخد أخواته والشيخ طه وسارة ومراته وفضلوا يعملوا العمرة ويطوفوا حول الكعبة مسلم ومراته كانوا مبسوطين وحاسين براحة كبيرة. الشيخ طه قال: أنا بتمنى إني أعيش هنا وأكمل اللي فاضل لي من حياتي هنا وأموت وأدفن هنا.

كلهم كانوا حاسين براحة كبيرة وياه علي إحساسهم وجمال الكعبة والأجواء.

وبعد ما خلصوا الحج والعمرة رجعوا بيتهم في الحي اللي عايشين فيه وزوجة مسلم كانت بتعينه على نشر الإسلام وكانت بتدعي للبنات دروس دينية وتحفظهم وبعد 5 سنين ربنا رزق مسلم وخديجة بولد وسمعوه محمد على اسم الرسول صلى الله عليه وسلم وبعدها حجز لعمرة بس المرة دي ليه هو ومراته خديجة ومعاهم محمد ابنهم وكانوا بيطوفوا حول الكعبة ولبيك اللهم لبيك لبيك لا شريك لك لبيك إن الحمد والنعمة لك والملك لا شريك لك.