رواية مصيبة سكنت قلبي الفصل الرابع والثلاثون 34 - بقلم اميرة رمضان

لو مقومتيش في خلال 3 ثواني هبو*سك. قمت من على السرير بسرعة: ااااااااااايه 😳 انت هنا بجد. يوسف: انتي شايفة إيه. _دخلت هنا ازاي. يوسف: من الباب. _بطل رخامة، لاء بجد ازاي دخلت وأنا نايمة، يالهووووي شعري (وحطيت طرحة على شعري) يوسف: بت أنا جوزك عادي أشوفك بشعرك. _هههههههه لاء ماهو أنا بغطيه عشان منكوش، وبعدين فرح إيه اللي انت بتقول عليه ده. يوسف: أيوا النهارده فرحنا. _إزاي، انت هتجنني.

يوسف: سلامتك من الجنان يروحي، أنا اتفقت مع أبوكي من كام يوم بس قولنا نعملهالك مفاجأة. _يالهووووووووووووي، يوم فرحي بيعملوا مفاجأة، انتوا مجانييييييييييييين. يوسف: وأنا اللي قولت هتفرحي. _أفرح إيه وبتاع إيه، أنا معزمتش أصحابي ولا جهزت نفسي ولا حتى عملنا الحنة، لااااااااااء، كلو إلا الحنة.

يوسف: بنسبة لأصحابي أنا خليت سارة وميرا وريم عزموهم، وبنسبة ليكي هتروحي دلوقتي البيوتي سنتر هيعملولك كل اللي انتي عايزاه، أما بنسبة للحنة هعوضك في الفرح. _استني، أنا أصحابي عارفين. يوسف: أه قولتلهم. _والله لآطلع عينهم. يوسف: ما أنا اللي قولت لهم ميقولش. _طب خليهم ينفعوك، واتفضل اطلع، أنا مش هتجوز. يوسف: انتي زعلتي. _ملكش دعوة بيا. (سبته وطلعت وقفت في البلكونة ودموعي نزلت)

يوسف: موكا، انتي بتعيطي، خلاص أنا مقصدش أزعلك والله، كنت عايز أفرحك، لو كده ناجل الفرح ومش عايز أشوفك زعلانة كده. _أنا متشتتة شوية، يعني لو انت صحيت من النوم قولتلك فرحك النهارده هتعمل إيه. يوسف: هرقص من الفرحة. (ضحكت) _أنا بقا اتخضيت، ما بحبش المفاجآت في الموضوع ده. يوسف: خلاص المرة الجاية لما أجي أتجوز هقولك قبليها بفترة. _لما إيه. يوسف: أتزوج. (مسكت منفضة السجاد وجريت وراه) _ده أنا هخليها جنازتك مش جوازتك.

يوسف: اعقلي ي مجنونة. _ريان: صباح الفل. كريمة: صباح الجمال، يلا الفطار جاهز. ريان: لاء أنا مش بفطر بشرب قهوة بس. ريم: النظام ده مش حلو هنا، لازم تفطر وبعدين تشرب القهوة براحتك. ريان: بقولك مش بفطر. كريمة: بتقول ااااااي. ريان: بقول هفطر حالاً. ريم: أيواااا كده. بقولك إيه، النهارده فرح صحبتي طبعاً هتاجي وتبقا معايا. ريان: مش حابب بصراحة. ريم: ليه. ريان: مليش أنا في جو الأفراح ده خالص. ريم: لاء هيبقي ليك.

ريان: وبعدين هو إزاي امبارح كان فيه مصيبة وواحد اتصاب ودخل المستشفى والنهاردة فرح. ريم: إحنا كده مش بنحب الحزن ياخد وقت معانا، وبعدين فكرتني، عايزاك تاجي معايا نروح عند زين نشوفه. ريان: امممم، ليه. كريمة: الراجل ساعدني امبارح واتصاب بسببي، المفروض نشكره صح. ريان بخبث: هنروح عشان ساعدك بس ولا عشان حاجة تاني 😉. ريم: أقولك إيه بس، هو اعترفلي بحبه من هنا ونزل خد علقة موت. ريان: وشككك نحس، يخربيتك 😂.

_جاسر: الو، مجتيش ليه لحد دلوقتي. سارة: مش جايه، عندي فرح. جاسر: ماهو الفرح بليل مش دلوقتي. سارة: علفكرة أنا صاحبة العروسة يعني مشغولة مع العروسة ومش هفضي خالص، أجى الشغل. جاسر: وأنا صاحب العريس وشايل الشركة كلها النهارده. سارة: ليه أحمد مجاش. جاسر: مجاش، واحد لسه خارج من المستشفى والتاني هيتجوز، أحمد بقا مجاش ليه مش عارف. سارة: ههههههههه، إذا كان مش بييجي في الأيام العادية هياجي النهارده. جاسر: عندك حق والله.

سارة: شد حيلك انت كمان عشان بليل. جاسر: حاضر ي أختي. _أحمد: أقسم بالله ي ميرا النهارده لو لقيتك حاطة حاجة في وشك لانفخك ومش هعديها. ميرا: نينينيييييا. أحمد: اتظبطي ي بت. ميرا: هحط ميك أب خفيف. أحمد: لاء خفيف ولا نيلة، متحطيش حاجة خالص. ميرا: احماااااااا، بقولك إيه ده فرح صحبتي ولازم أكون شيك. أحمد: اديكي قولتيها، فرح صاحبتك مش فرحك. ميرا: ماهو انت كنت رافض في فرحي برضو. أحمد: اسمعي الكلام بقا، أنا مش عايز صداع.

ميرا: وأنا صدعت منك أصلاً. أحمد: طب والله لما أجلك. ميرا: يالهووووي خلاص. أحمد: مفيش خلاص، أنا جاي في الطريق، سلام. ميرا: يخربيتك، أروح فين دلوقتي. (وراحت عند ملك) _يوسف: يلا ي موووووكا بقا خلينا نمشي. _أنا مش قادرة أتخيل إني خلاص طالعة ومش هرجع تاني البيت 😢. سارة بدموع: هتوحشيني ي لوكااا. (وحضنتها) ريم: هبقا أرخم على مين أنا بقا. ميرا: مش قادرة أستوعب إنك خلاص ماشية ومش هترجعي معانا.

يوسف: بلاش انتي ي ميرا، انتي كلها شوية وهتبقي جيرانها برضو هناك. ميرا بكسوف: تصدق. (وسمعنا صوت جاي من برا) : ميررررررررررا. ميرا: هار أسووووود، أحمد جه. _في إيه ي بت. أحمد: سلام عليكو، انتي بقا هتسمعي الكلام ولا أجيبك من شعركككككي. يوسف: متحترم نفسك ي لطخ. ميرا: شفت ي يوسف عايز يموتني. أحمد: ماهو لو تقصي لسانك ده مش هيحصل حاجة. ريم: خلاااااااااص، يلا امشوا عشان مفيش وقت. سارة: وانتي.

ريم: لاء أنا هروح مشوار سريع كده وهبقا أحصلكم. أحمد بخبث: مش في المستشفى، روح البيت. ريم بتوتر: هو مين ده. أحمد: المشوار. _ريم راحت لزين هي وريان. وأنا جهزت ويوسف جه خدني. يوسف: يخربيتك، إيه الجمال ده. _بس بقا بتكسف. يوسف: لاء إحنا كده هنروح علطول، بلا فرح بلا بتاع. _نعاااااااام، يعني كمان مستكتر عليا الفرح. يوسف: بااااااس، انتي هتشرشحي، يلا قدامي. _شيل معايا الفستان.

يوسف: حرام عليكي، كل ده فستان، متجيبي حاجة على قدك، وبعدين أنا هقف فين. _ههههههه، متقف في أي حتة، المهم إنني أفرح. (وصلنا القاعة والكل كان فرحان، وريم كانت بترقص مع ريان وفرحانة بيه أووي، وأحمد ماسبش ميرا ثانية، طول الوقت معاها، وزين عينه على ريم في كل حتة، ورغم إنها بترقص مع أخوها بس زين كان هيقتل ريان) = مبروك ي يوسف. يوسف بصلها وعنيه اتحولت لشر: ااااااانتي إيه اللي جاااابكككككك.