رواية مصيبة سكنت قلبي الفصل السادس والعشرون 26 - بقلم اميرة رمضان

ماااااااشي أنا هوووووريكم. وانتي ي بنت الك*لب، ورحمت امك لا أحبسك عشان تتربي. مين ده اللي هيحبسها؟ عتمان: أنا. زين: آخرك. اعملو وريم مش هتقعد في الحبس دقيقة وحدة. (طلع المحامي) المحامي: خلاص كده تقدرو تخدوها معاكم، بس الأول هتمضي علي المحضر. زين بص لعتمان بنصر وقال: ريم تعالي امضي. وخدها ودخل عند الظابط. (ريم كانت تايه حقيقي مش مستوعبه أي حاجة) زين: ريم رررررريم. ريم: ها. زين: خدي القلم وامضي يالا.

ريم بصتلو بحسرة ومسكت القلم عشان تمضي، بس مش عارفه تتحكم في القلم ووقع منها. زين جاب القلم ومسك ايدها وقال: ريم أنا حاسس بيكي، امضي بس الأول. ريم خدت القلم ومضت. الظابط: فك الكلبشات يابني. (وطلعوا برا) زين: ممكن لو سمحتي آخد ريم مشوار سريع وأجيبها علطول. (ريم مكنتش بتتكلم خالص، هي مصدومة وبس) كريمه بحزن: بس هي. زين: متقلقيش عليها، هخلي بالي منها كويس. ميرا: ابله كريمه خليها تروح معاه، متقلقيش.

كريمه: ماشي، متتاخروش هستناكم. يوسف: طب يلا أنا هروحكم وهما هييجوا على البيت. زين خد ريم اللي كانت زي الدمية اللعبة، بتحركيها على مزاجك ومفيش أي ردت فعل منها. _في المستشفي سهر: عملت إيه؟ عتمان: طلعت ريم بنتي، هي ال... قاطعته سهر: منااااا عررررفت إنها الزفتة بنتككككك هي اللي عملت في بنتي كده. أنا بعتك عشان توصي الظابط عليها يربيهااااا.

عتمان: منا روحت فعلاً عشان أعمل كده، بس لقيت معاها شباب دافعوا عنها وكمان طلعوها بسهولة. سهر بغيظ: يعني اااااي طلعوووووها؟ تصدق أنا غلطانه، أي بعتككك كان لازم أروح أنا وأطلع روحها في إيدي. عتمان: بس إيه اللي خلا نيفين تروح هناك؟ سهر بتوتر: راحت تشتري لبس عادي. عتمان: نيفين طول عمرها بتشتري لبسها من مول أو من أماكن ماركات عالمية، إيه اللي يخليها تروح أماكن شعبية زي دي؟ سهر: حظها الأسود عشان تقابل بنتك، بس على مين؟

أنا بقي هاخد حق بنتي أضعاف منها. _زين وصل مكان واسع اوووي والأرض كلها خضرا وبعد مسافة كبير في البحر. والمكان فاضي مفهوش حد. بص لريم ونزل فتحلها الباب. ريم بصتلو بشرود. زين: عارف إن جواكي بركان غضب، طلعي كل اللي جواكي، مفيش حد هيسمعك غيري. ريم نزلت ومشت كتير وهي منكسرة وبصت لزين وقالت: هو أنا حظي وحش اوووي كده؟ أنا بنت منحوسة صح؟ كل الناس بيتولدوا في أسرة طبيعية وأنا لاء، ليييييييه؟

ليه أبويا واحد طماع سابنا عشان الفلوس؟ أيوا أنا بعديه عشت كويس واتربيت كويس، بس برضوووووو كنت محتاجااااااه معايا. (وابتدت تصرخ) رجع تاااااااااااني لييييييييييه؟ عاااااااايز يكسرني تااااااني لييييييييييه؟ الأول كنت عايزة أشوفه رغم إنه سابني، بس لما جه ووقف قدامي كده وبيدافع عن بنت مراته وعايز يحبسني عشانهاااا كسرررررني اووووووووي. أنا كنت قوية عشان مليش ضهر يحميني، بتعامل مع الناس بإيدي ولساني.

بطلع عين أي حد يقرب مني وبتعصب كتير اوووي وبزعق علطول عشان محدش يشوفني من جوا، مش عايزة حد يعرف إني ضعيفة وإني فعلاً من غير سند. بجيب حقي في وقته عشان لو سبته مش هلاقي حد يجبهولي. ااااااااااااااااااااااه أنا جواياااااااا ناااااااااار ومحدددددددش حاااااااسس بيااااااا. أنا زهقت والله ززززززهقت ونفسي ارتاااااااااح بقاااااااااااا😭 _تحت العماره كان عز وأنا بنوصل يوسف للعربية عشان ماشي.

يوسف: خلي بالكم منها ولو احتاجتوه حاجة بلغوني علطول. _هو زين خد ريم فين؟ يوسف: حقيقي مش عارف، بس متقلقيش زين مصدر ثقة وهيجيبها علطول. عز: ماشي، شكراً ليكم تعبناكم. يوسف: متقولش كده، يلا سلام عليكم. وعليكم السلام. (ومشي) عز: انتي إيه اللي وداكم عند يوسف؟ _في إيه ي عز هو ده وقته؟ عز: أيوا وقته. _أنا مكنتش رايحة ليوسف، أنا رايحة لسارة. عز: والله وبقت سارة مهمة وبنروح ليها.

_أوووف سارة طول عمرها مهمة ودلوقتي بقت بتشتغل وبتثبت نفسها، وخليك انت كده. عز: أخليني كده إزاي يعني؟ _خلي عينك على رنا وأنا وأنت عارفين هي عينها على مين. عز: هي قالتلك إن عينها على حد؟ _من غير ما تقول دي واضحة زي الشمس، وأظن إنك شفتها يوم كتب الكتاب عينها كانت عليه إزاي. عز: شمتانة فيا. _أبداً والله، بس عايزة أقولك إنك خسرت واحدة لو لفيت الدنيا كلها مش هتلاقي زيها. عز: ومين قالك إني خسرتها؟

منتي عارفة لو شاورت بس هتاجي تحت رجلي. _هههههههه بتحلم، ده كان زمان. مش قولتلك سارة بقت بتشتغل وبتثبت نفسها. عز بضيق: طب ي ستي ربنا يوفقها، مش كل شوية تجيبيلي سيرتها أنا زهقت. _أنت اللي جبت سيرتها مش أنا. عز: طب خلاص اكتمي خالص بقي. _أنا ماشية أصلاً رايحة أقعد معاهم فوق. _ميرا: ابله كريمه خلاص بقاا، هي زمانها بقت كويسة دلوقتي.

كريمه ببكاء: محدش هيحس بيها. ادي أنا عارفة إنها اتكسرت بعد اللي أبوها عملو ده. مكنتش عايزة أهيا تروح مع زين، كنت عايزة أهيا تيجي في حضني وتعيط. ساره: عياط إيه بس؟ هي هتاجي دلوقتي وهتبقى جعانة، أنتِ عاملة أكل بقا؟ كريمه: لاء ده من ساعة مجالي خبر إنها اتقبض عليها وأنا مش عارفة أتمالك أعصابي. ساره: طب أنا هقوم أجهز لها لقمة لما تاجي تاكلها. ميرا: خديني معاكي. (ودخلوا المطبخ) _ابله كريمه هما فين؟ كريمه: في المطبخ.

_زعلانه إنك مديتي إيدك عليه. كريمه: طول عمري بحترمه ومخلصة ليه، حتى بعد مسابني واتجوز عليا مرة واتنين، بس كان بينا احترام. لكن لما قال على ريم كده نسيت كل ده وضربته عشان كلو إلا بنتي دي، هي اللي ليا في الدنيا 😭 دخلت ريم. ريم: كوكي إيه العياط ده بقي؟ كريمه: بنتي عاملة إيه دلوقتي؟ ريم: زي الفل، منتي عارفة بنتك مفيش حاجة بتأثر فيها. كريمه: حقك عليا ي بنتي. ريم: حقي عليكِ في إيه؟

كريمه: مش عارفة، بس أنا مش عايزة أي حاجة تزعلك. ريم: وأنا مفيش حاجة مزعلاني خلاص، كفاية إني في حضنك. كريمه: حبيبة قلبي. أمال فين زين؟ ريم: وصلني تحت ومشي. كريمه: كنتي خليتيه طلع شرب حاجة. ريم: قال لاء، عيب الوقت متأخر. كريمه: أصيل والله. (وقالت بفرحة) شفتي لما دافع عني أنا وانتي. ريم بضحك: آه طبعاً، وشفت لما كنتي لازقة في حضنو. إيه ي ست كوكي هترجعي لأيام الشقاوة تاني ولا إيه؟

كريمه: بس ي قليلة الأدب، ده زي ابني وكمان حسيت إنه سندي أوووي كده. ساره طلعت من المطبخ وقالت بغمزة: ومين عالم مش ممكن يبقى نسيبك؟ ريم: إيه اللي انتي بتقوليه ده؟ لاء طبعاً، أنا مستحيل أتجوز. ميرا: الكلمة دي سمعتها من مين قبل كده؟ (وبصت عليا) _بت خلاص بقي، ماهو وقعني في حبه ابن الايه😂 ريم: طب هي هبلة ووقعت في حبه، أنا لاءءءءء. ميرا: بكرا هنشوف. ساره: وبكرا مش بعييييد 😂 _أيوا ي بت ي ميرا عملتي إيه مع أحمد؟

ميرا اتحرجت عشان كريمه قاعدة. كريمه: مكسوفة ي اختي، أنا قايمة اهو. ميرا: لاء ي كرميلا، بس أنا لما سارة وقعت في الشركة زعقتلو وقولت إنه هو السبب وهو مكنش ليه ذنب وزعل مني، فصالحته، عاادتشي يعني. كريمه بصتلي بغمزه وقالت: كده هيبقوا تلاتة. _ههههههههه صح ي كوكي. ريم: تلاتة إيه؟ لاء أنا مش منهم. ميرا: ولا أنا. _سيبك منهم ي كوكي، ومقولتليش هتحددي الفرح إيمتى؟ ريم: يختاأااااااااااااااااااااااي

_رنا قاعدة في الجنينة حاطة الهاند فري في ودنها وبتغني معاه. والله ووقعت بفكر فيك كتييييير بالي عليك مشغول ول..... و قطعتها خبطة على دماغها. رنا: اااااااااااااااااه 😳