رواية مصيبة سكنت قلبي الفصل الثلاثون 30 - بقلم اميرة رمضان

هندمك ي ريم على اللي عملتيه في بنتي وهخلي حياتك جحيم. هتعملي إيه في ريم؟ سهر: ريان، انت بتعمل إيه هنا؟ ريان: عايزة تعملي إيه في أختي؟ سهر: أختك نيفين وبس، لكن تربية الشوارع التانية دي مش أختك. ريان: لأ، أختي زيها زي نيفين، وتربية الشوارع دي كان ممكن إنتوا تربوها هنا، بس إنتوا اللي سبتوها، مش ذنبها. سهر: يا ولد، انت هترد على أمك ولا إيه؟

ريان: طب شوف، أنا مش معني إني ساكت لحد دلوقتي ده معناه إني هسمح لحد يعمل حاجة في أختي، حتى لو كنتي إنتِ يا أمي. ولو سمحتي، رني على الشخص اللي كلمتيه ده وقوليلو إنه ما يعملش حاجة. سهر: مش هرن، وهيعمل اللي قلت عليه. ريان: تمام، وأنا واجبي أحمي أختي. (وطلع على أوضته جاب مسدس)

(نتعرف على ريان، اسمه ريان عتمان الصوفي، أخو ريم عتمان الصوفي، بس أخوها من الأب. لما مامت ريم كانت حامل شهرين، اتطلقت، وعتمان اتجوز سهر وحملت على طول في ريان، وريان اتولد في الشهر السابع، وريم في التاسع، وهو اتولد قبل ريم بيومين بالظبط) سهر: انت هتتصرف إيه؟ ريان: هروح أحمي أختي. سهر: هتودي نفسك في داهية عشان دي. ريان: عادي، ما هو هيبقي بسببك. (وطلع بره البيت) سهر: أعمل إيه فيكي يا بنت رحاب؟ هتضيعي ولادي الاتنين.

ريم: مستر يوسف، هو الورق ده اللي حضرتك طالبه؟ يوسف: أيوة ياريم، شكراً. ريم: العفو. يوسف: عايزك تجهزي ورق الحسابات مع ورق الصفقة بتاع الاجتماع النهارده. ريم: تمام، ورق الصفقة معايا، لكن الحسابات فين؟ يوسف: عند سارة. ريم: تمام. سارة: أنا هموت وأنام. جاسر: ليه منمتيش بالليل؟ سارة: نمت، بس برضو مشبعتش نوم. جاسر: طب خدي، اشربي القهوة دي هتفوقك. سارة: مش بحب القهوة السادة. جاسر: طب خدي بوق بس عشان تفوقي. (سارة خدت بوق)

يعععع، إيه ده؟ طعمها مررررر أوي. جاسر: هههههههه، أنا مش بشربها إلا كده. سارة: مش حلوة خااالص. دخلت ريم: إيه دي اللي مش حلوة؟ سارة: القهوة مرة أوي. ريم: وإنتي بتشربي قهوة ليه؟ سارة: عشان أفوق. ريم: طب اديني ورق حسابات الصفقة بتاع النهارده. جاسر: اتفضلي. ريم قعدت على الكرسي وقالت: أنا بجد زهقت، كله شغل رسميات كده، مفيش فرفشة خالص. سارة: إحنا هنا مش بنبطل ضحك وهزار، روحي إنتي ي ست السكرتيرة.

ريم: أبو شكلك، وبعدين أنا شكلي هرتكب جريمة النهارده. جاسر: ليه؟ ريم: الزفت اللي قابلنا الصبح ده، يابت يا سارة، عمال يلف ويدور حواليّ، وأنا ماسكة نفسي ومش راضية أعمله حاجة عشان لسه أول يوم شغل ليا، مش عايزة أطرد. جاسر: اهو ده بقا حلال فيه القتل. ريم: بجد، يعني لو ضربته مش هتطرد؟

جاسر: بالعكس، ده إحنا ممكن نديكي مكافأة، بس أنا من رأيي، بلاش تحطيه في دماغك، ده تافه، بس لو عدى حدوده معاكي، اديله باللي في رجلك وبلغيني وأنا هتصرف. ريم: شكرااا يا رجولة. أحمد: صباح الفل. ميرا: مين؟ أحمد: يخربيت أبوكي، إنتي مش مسجلاني ولا إيه؟ ميرا: هااا، افتكرت، معلش، أصلي لسه صاحية من النوم. أحمد: وحشتيني. ميرا: ماشي. أحمد: هو إيه اللي ماشي؟ ميرا: مش فاكرة إنت قولت إيه، تقريباً مسمعتش.

أحمد: ميرا، إنتي في غيبوبة دلوقتي. (وعمل صوت بالولاعة) ميرا: استناااااا، إيه الصوت ده؟ أحمد: أشمعنى يختي، فوقتي دلوقتي. ميرا: إنت عملت صوت دلوقتي؟ أحمد: آه، ده صوت الولاعة. ميرا: بتولع ليه؟ أحمد: بولع السيجارة. ميرا: إنت بتشرب سجاااااير؟ أحمد: ده على أساس إنك أول مرة تعرفي. ميرا: لأ، عارفة، تعرف ي أحمد، لو كنت معرفتكش قبل الخطوبة واتقدمتلي، أنا كنت رفضتك فوراً بسبب السجاير. أحمد: امممم، طب ودلوقتي؟

ميرا: هخليك تمنعها. أحمد: مستحييييييل. ميرا: لأ، مش مستحيل، وأنا والسجاير، والزمن طويل. زين: أمال فين السكرتيرة؟ يوسف: وإنت مالك؟ بعتها تجيب ورق. زين: أنا عايز ريم تشتغل معايا. يوسف بخبث: طب ماهي شغالة معانا أهو في الشركة، إيه المشكلة؟ زين: لأ، أنا أقصد معايا أنا. يوسف: لأ، هي شغالة معايا. زين: بطل رخااااااامة وخليها تبقي معايا، ي أخي، حس بياااا. يوسف: طب متخليها هي تحس بيك، أنا هحس أنا ليه؟ هههههههه.

زين: أنا عارف إنك صاحب ندل ومش هتساعدني، بس أنا هتصرف. الباب خبط ودخلت ريم. ريم: إزيك ي مستر زين؟ زين: أنا زي الفل، وإنتي؟ ريم بضحك: فل برضو. يوسف: طب يلا إنت ي زين على مكتبك، كمل شغلك، وإحنا هنبقي نشوف المشكلة دي بعدين، وإنتي ي ريم، جبتي الورق؟ ريم: أيوا أهو ي فندم. يوسف: طب إحنا عندنا بعد ساعة اجتماع، هتحضريه ولا هتمشي؟ ريم: أكيد هحضره. يوسف: تمام. "متعرفش هي ملك فين؟ ريم: في البيت. يوسف: برن عليها مش بترد.

ريم: معلش، أصلها غيبوبة. يوسف: يعني إنتوا ضحكتوا عليا واديتوني غيبوبة؟ ريم: إنت اللي وقعت لوحدك ي شاطر. يوسف بضحك: عندك حق، عقبال متقعي إنتي كمان. ريم: هههههههه، مستحيييييييل. جاسر: يبقي كده الحساب كله 38940. سارة: إنت مش بتستخدم الآلة؟ حسبتها من دماغك؟ جاسر: الله أكبر. سارة: طب استني، هأكد منه على الآلة. أحييييه، الآلة شتمتني 😂 جاسر: إيه؟ سارة: حسبتها أهو، طلعلي كلام كتير. جاسر: طب احسبيها تاني.

سارة: اهو طلعلي رقم غير اللي معاك ده. جاسر بصلها ومسك أعصابه: طب اقرئيه. سارة: مش بيتقرأ. جاسر: عشان تعرفي إنك عنيدة وخلاص. بصي، وعرفيها إزاي تحسب صح، وفي الآخر طلع 38940. سارة: تصدق، هو نفس الرقم اللي إنت قولته. جاسر: طبعاًاا، دانا دقة قديمة في الشغلانة. سارة: عقبالي يارب. جاسر: بكرة تتجوزي وتقعدي في البيت. سارة: ياريت، خلي الواحد يرتاح. جاسر: أول مرة أقول لواحدة كده وتقول ياريت، الكل بيعارض.

سارة: دول مجانين وغاويين تعب، لكن أنا بموت في الكسل والراحة. جاسر: هههههههه، ماهو واضح. سارة تلفونه رن، وكانت رسالة، شافتها واستغربت أووي، كان عز وبيقولها مستنيها تحت في الشركة. سارة في بالها: وده عايز إيه ده؟ سارة: طب كمل إنت الحسابات بقي، وأنا هنزل أشوف حاجة تحت كده وهاجي. سهر: الو. ريان: خير. سهر بصوت عالي: عملت اللي إنت عايزه، وقولت للراجل ما يعملش حاجة فيها، خلاص، ممكن بقا ترجع البيت عشان قلقانة عليك.

ريان: قولتي له بجد ولا بتقولي كده عشان أرجع وخلاص؟ سهر: والله، قوللت له ميغتصبها*ش، خلااااص بقااا. ريان: أنا مش قادر أتصور إنك كنتي عايزة تعملي كده في واحدة، ياشيخة، اتقي الله، دانتي عندك بنت زيها. سهر بعصبية: متقولش زيهاااا، وبعدين إنت فين؟ ريان: في الشركة. سهر: عند أبوك يعني؟ ريان: لأ، عند ريم. سهر: إزاي؟ وهي ريم بتعمل إيه في الشركة؟ ريان: شغالة في شركة الهلالي. سهر: عشنا وشفنا. ريان: تاني؟

سهر: خلاص بقااا، تعالي، وبعدين إنت عرفت منين إن هي والشركة؟ ريان: رحت البيت بتاعها ومرات أبويا قالت لي إنها في الشركة دي. سهر: اسمهااااااااا، طليقة أبووووووووك. ريان بتنهيدة: أمي، خلاص أنا جاي، كفاية كده. (وركب الأسانسير عشان يروح، وزين ركب معاه) زين: أهلاً، حضرتك تبع الناس اللي جايين اجتماع النهارده؟ ريان: لاء، أنا كنت جاي لشخص هنا وماشي. زين: علعموم، نورت الشركة. ريان: حبيبي، منورة بأهلها.

سهر: شوفتي حفيدك كان هيعمل إيه؟ تحية: هيعمل إيه؟ سهر: كنت هبعت ناس ينهو على الزفتة ريم، بس هو سمعني وقالي إنه هيدافع عنها، وخد المسدس وطلع. تحية: يالهووي، وبعدين؟ سهر: مفيش، كلمت الراجل وقولت له ما يعملش حاجة، وكلمت ريان وقولت له، وهو دلوقتي راجع. تحية: طب خلاص كده اتحلت، زعلانة ليه؟ سهر: ي حماتي، أنا جوايا نار من الزفتة دي بعد اللي عملته في بنتي، وعايزة آخد حق بنتي منها.

تحية بخبث: خلاص، تبقي تبعتي لها ناس تربيها، وبكده يبقي خدتي حق بنتك تالت ومتلت. سهر: تصدقي، هو مش هرتاح أوي، بس أي حاجة تشفي غليلي منها.