رواية مثلث برمودا الفصل الثالث عشر 13 - بقلم ايزيس

قامت فجأة وصرخت عشان حلمت كابوس. فـ ياسين قام مفزوع وجري عليها. "اهدي مافيش حاجة، أنا معاكي." جان شاف في البلورة السحرية كنز في حضن واحد عاري الصدر. قال بغضب جحيمي من بين أسنانه: "ستنالين عقابك أيتها الخائنة." وخرج وجواه بركان غضب. عند ياسين، كنز بترتعش: "يا ياسين، أنا شفت الشجرة الضخمة اللي كانت برا كسرت الباب ودخلت تهاجمنا وكانت عايزة تقتلك." وبدأت تعيط. ياسين مسح على ضهرها:

"اهدي مافيش حاجة، أنا معاكي اهو. دا كان كابوس، يلا نامي." سندت كنز راسها ع السرير مرة تانية وغمضت عينيها، بس كانت متمسكة في إيد ياسين ومش بتسيبها. ياسين اتنهد بصوت عالي كأنه بيقول: ليه بيحصلي كده أنا وحبيبتي؟ ليه مش عايشين حياة طبيعية؟ بص لكنز اللي كانت لسة صاحية وبتحاول تنام. فضل يمسح على شعرها بإيده لغاية ما نامت وهو كمان استسلم للنوم جمبها. مع بداية النور، كنز فتحت عينيها. لقيت ياسين ممدد جمبها. صرخت بصوت عالي:

"ياسين! ياسين قام مفزوع: "إيه؟ فيه إيه تاني؟ "انت إزاي تنام جمبي؟ ياسين بص لقي نفسه فعلاً جمبها. مسح وشه عشان يفوق، اتعدل وقال لها: "نمت جمبك غصب عني، ما حستش بنفسي. وبعدين هو انتي مش واثقة فيا ولا إيه؟ كنز اتمحنت وعضت شفتها اللي تحت بخجل وقالت: "طبعاً واثقة فيك." ياسين ركز على شفايفها وقال: "طب يلا قومي نمشي من المكان ده، لحسن أنا اللي مش واثق في نفسي." كنز بصتله بدهشة وابتسمت وبعدين قالت بدلع: "ياسو، أنا جعانة."

ياسين كان بيقفل أزرار قميصه: "مابلاش دلع وحياة أبوكي عشان ماسك نفسي ببركة دعوة الوالدين." كنز ضيقت عينيها وقالت: "انت بقيت كده إزاي؟ انت كنت محترم أوي." ياسين ضحك بصوت: "وأنا عملت حاجة؟ مانا مؤدب أهو. يلا عشان هنفطر عند السمكة الناطقة." قامت كنز وهي بتقول بدهشة: "أنا عمري ما هنسى الحديقة دي واللي شوفته فيها."

خرجوا وراحوا عند السمكة وأكلوا، وبعدها اتمشوا تاني وسط تعليقات كل النباتات اللي بتقابلهم، بس هما خلاص اتعودوا. وصلوا عند بحيرة صافية ورايقة أوي. ياسين كان مركز وبيفكر إزاي يلاقي طريق للخروج. فجأة كنز تجري جوا البحيرة وترش ياسين بالمية وهو يفوق من شروده. ابتسم وجرى هو كمان ع البحيرة عشان ينتقم من كنز اللي كانت بتضحك بانتصار. شالها، رفعها لفوق ورماها في المية. فضلوا يضحكوا ويرشوا بعض بالمية.

ياسين فجأة مسكها من خصرها وقربها له، ولسه هيبوسها بس هي حطت إيدها على بقه وقالت له: "ياسين، لو سمحت مش هينفع تعمل كده تاني. إحنا مش متجوزين." ياسين احترم كلامها وبصلها بحب ومسك إيدها باسها وقال بحب: "حاضر، هاصبر." خرجوا من المية وهدومهم مبلولة. "هنعـمل إيه في هدومنا؟ "مش حبيبتي الطفلة كانت عايزة تلعب؟ اتصرفي بقى." "هننشف." وفجأة الشجرة وراهم: "تريدون ملبس؟ كنز اتخضت بس ضحكت وقالت: "نعم؟

الشجرة شاورتلهم على مكان قريب. راحوا واختاروا هدوم. كانت عبارة عن فستان أميرات لكنز وبدلة أمير مزخرفة لياسين. لبسوا وخرجوا. كنز قالت بفرحة: "الله يا ياسين، أنا حبيت المكان ده أوي. ياريت ما نخرجش من هنا، نفضل أنا وانت وبس." ياسين بص لها فجأة ولسه هيتكلم، لمح بوابة كبيرة مكتوب عليها: نتمنى أن تكون الجولة نالت إعجابكم. ياسين شاور لها على باب الخروج وقال:

"مع الأسف الرحلة انتهت. الباب ظهر أهو، واضح أن الجولة ليها وقت محدد." مسك ياسين إيد كنز ووصلوا عند باب الخروج. البوابة قالت: "حديقة المرح تتمنى لكم دوام السعادة." كنز وياسين بصوا لبعض وابتسموا وخرجوا. وفجأة... يامان رايح جاي وهيموت من القلق عشان جان لو اكتشف الحقيقة هيعاقبهم كلهم. نوريس: "لا تقلق يامان، لن أدع أخي يمسك أنت أو رفاقك بأي أذى." يامان بقلق: "وماذا باستطاعتك أن تفعلي؟

قد يصيبك الأذى أنتِ أيضاً إذا حاولتِ التدخل، وهذا لا أستطيع تحمله جميلتي." نوريس: "يامان، ثق بي. لن أدع جان يصب غضبه عليكم." يامان: "أقلق كثيراً على كنز وحبيبها، من المؤكد أن أخاكِ وصل إليهم." نوريس اتنهدت بقلق: "لعل الظروف تكون في صالحهم هذه المرة." ياسين وكنز خرجوا وهما ماسكين إيدين بعض. وفجأة بصوا لقوا جان في وشهم واقف وغضب العالم كله في عينيه. كنز بدأت ضحكتها تختفي واحدة واحدة وهي موجهة نظرها على جان.

ضغطت على إيد ياسين اللي كانت ماسكة إيدها. بص وهو لسة مبتسم بس لاحظ الخوف على وشها فقال باستغراب: "مالِك؟ جان بصوت عالي ومخيف: "كييييينز! ياسين بدهشة: "مين دا؟! كنز شفايفها بتترعش: "ده الأمير جان الشرير." ياسين بص له من فوق لتحت وقال بثقة: "حصل لنا الرعب وخايفة منه ليه كده." و لسة هيتحرك ناحيته. كنز مسكت في إيده جامد: "ياسين بلاش، أبوس إيدك." "ماله ده؟ فهمني." قرب جان بخطوات واثقة وقال بتهديد: "اقتربي أيتها الخائنة."

ياسين اتعصب: "انت مجنون صح؟ الخاينة دي تبقي أمك يا روحها." جان اتجنن، مش بس اتعصب، بس شكله مافهمش الشتيمة صح. شد كنز ناحيته وهي شهقت واتخضت وعيطت. وجان قال بثقة: "ألا تعرف من أنا؟ أنا الذي يخشاه كل كائن في هذا العالم، أنا الأمير چان." ياسين بص له بثقة وشد كنز تاني ناحيته وهي استخبت ورا ضهره وقال بتحدي: "لو انت چان، أنا أجن منك. ودي ما تحطش إيدك اللي فرحان بيها دي على مراتي."

"لم أعد أصدق هذا الهراء. لقد كذبتِ قبل ذلك، وقالت إنها زوجة يامان، وعقاباً لها ستصير ملكي أنا الآن." ياسين فقد أعصابه وقام ضرب جان بالبوكس في بطنه وقاله: "دا عندها يا روح أمك، كنز دي مراتي وماحدش هيجي جمبها." جان مسك ياسين، رفعه بإيديه ورماه ع الأرض. ياسين وقع وهو مش شايف قدامه، الرؤية للحظة اتشوشت عنده. وبعدها لمح جان وهو بيجر كنز غصب عنها، وهي بتبص وراها على ياسين وعايزة تفلت نفسها من إيد جان بس مش قادرة.

عمر وأصالة وصلوا فيلا والد ياسين. لقوه في الجنينة بيسقي زرعة ومهتم أوي بيها. عمر قرب واتمحمح وقال: "شريف باشا." التفت شريف وابتسم ابتسامة خفيفة لعمر وقال: "إزيك يا عمر؟ انت ابن حلال. ياسين كان واحشني أوي، ولما بشوفك بافتكره وكأني شفته." عمر حضن شريف وعيط. أصالة كانت واقفة وبتمسح دموعها: "ياسين كان غالي علينا كلنا يا أونكل، وأكيد مش هيرضيه إنك تنهار وتضعف كده." عمر بعد عن شريف وقاله:

"أنا جي عشان نصفي الشركة هنا أو نخلي أي حد يديرها، وهاخدك معايا أمريكا." شريف مسح دموعه: "شايف الزرعة دي؟ ياسين كان بيحبها أوي ويهتم بيها، مين هيهتم بيها بعد ما أسافر؟ "الجنايني، أنا هوصيه يهتم بيها." أصالة قربت من شريف: "أظن كده مالكش حجة يا أونكل. إحنا عايزين نفتح فيلا ياسين وندير شركته، وكمان نهتم بيك. قولت إيه بقى؟ شريف بص لهم بأمتنان وقال:

"مافيش كلام ممكن يتقال بعد اللي انتوا قولتو دا. بجد ياسين عرف يختار صاحب صح." عمر بحزن: "ياسين هو اللي كان صاحب بحق." جان وصل القلعة ومعاه كنز اللي بتتوسله إنها تروح لـ ياسين تطمن عليه. جان بصوت جحيمي: "يااااااامان! "أجل سيدي." "هل هذه زوجتك يامان؟ يامان حط وشه في الأرض وهز راسه بلا. جان مسك يامان من هدومه وسحب سيف عشان يقتله. صرخت نوريس اللي كانت بتراقب من بعيد: "جااااان! لا تفعل هذا بيامان! أنا أحبه! يامان في سره:

"الموت أصبح حتمي الآن، اكتملت." جان بص لنوريس بصدمة وغضب وساب يامان وقرب عليها: "تُـحبين خادم؟ هل فقدتي صوابك؟ نوريس بخوف: "ولماذا تفعل أنت ما يحلو لك؟ "أنا الأمير جان، لذلك سأقتل هذا المخادع الكاذب." كنز منهارة عياط ونفسها تطمن على ياسين. جان أمر حراسه إنهم ياخدوا يامان ويحبسوه. وهما نفذوا. وصرخ في نوريس وأمرها إنها تدخل أوضتها. وبعدها التفت لـ كنز اللي بتترعش وقال بصوت زي فحيح الأفعى:

"كنتِ تخدعينني. كذبتِ وقلتِ أنكِ زوجة يامان حتى ابتعد عنكِ، ولكن الآن أنتِ ملكي أنا فقط." لسه هيحط إيده على وش كنز اللي مغمضة عينيها ومرعوبة. وفجأة سهم طاير يخترق إيد جان اللي صرخ من الألم وبص بصدمة.