رواية مطلوب حبيب الفصل السابع 7 - بقلم منه محرم

بعد مرور عشرين سنة أيان: ماما أنا نازل، عايزة حاجة؟ (نقف هنا لنتعرف على بطل قصتنا، أيان. ابن هنا ومالك، شاب في الرابعة والعشرين من عمره، يدرس في كلية الطب. يشبه والده في ملامحه، أما عينيه الخضراوين فقد ورثهما عن والدته. يمتلك كافيه كان في الأصل ملكاً لوالده، واسمه "مليكة".) أيان: يا ماما، أنا نازل! هنا: طيب يا حبيبي، خلي بالك من نفسك. أيان: يوه بقى يا ماما، طب هتفضلي زعلانة لحد امتى؟ طيب.

هنا: مش زعلانة يا أيان، يلا انزل عشان متتأخرش على كليتك. أيان، أنا عايزة أشوفك دكتور شاطر زي باباك الله يرحمه. أيان بحزن: طيب يا ست الكل، حاضر. هنا: تعرف مليكة كان نفسها تبقى دكتورة هي كمان. وحشتني أوي يا أيان. أيان وهو يمسح دموعها: ماما، ممكن متعيطيش؟ هنا: خلاص، يلا بقى انزل على كليتك. أيان: طيب، أنا هنزل بس هتأخر شوية عشان الكافيه. هروح أشوف الشغل ماشي هناك إزاي. هنا: طيب يا حبيبي. هنا: أيان. أيان: أيوه يا ماما.

هنا: لسه ملقيتش مليكة؟ أيان: بدور يا ماما، بقالي تسع سنين بدور عليها. متقلقيش يا حبيبتي. (فلاش باك من تسع سنين) هنا: أيان حبيبي، مشوفتش مليكة؟ أيان: لأ يا ماما، هي مجتش هنا. هنا بقلق: لأ، مجتش. أيان: إزاي؟ هي قالتلي جاية مع صحابي. هنا: إزاي دي مجتش! واتصلت كلمت صحابها، ميعرفوش حاجة عنها. هنا: مالك يا مالك! مالك: إيه يا حبي أنا. هنا: مالك، مليكة. مليكة مش موجودة. مالك: مش موجودة إزاي يعني؟

هنا: معرفش، معرفش. وأيان ميعرفش حاجة عنها. (باك) هنا: حاضر يا أيان، يلا يا حبيبي روح كليتك. أيان: بشرط. هنا: اممم. أيان: متعيطيش. هنا: حاضر، والله مش هعيط. يلا انزل بقى، وأنا هقوم أحضر الأكل عقبال ما تيجي. أيان وهو يبوس يديها: ماشي يا ست الكل، سلام. هنا: سلام. (بالليل) هنا: الو، أيان. اتاخرت ليه؟ الأكل برد. أيان: أنا في الكافيه يا ماما. حصلت مشكلة بس هحلها وأجيلك. نامي انتي، وأنا مش هتأخر. هنا: مشكلة؟ مشكلة إيه؟

أيان: لأ يا ماما، ده واحد كان شغال هنا في الكافيه وكان حرامي. بس الحمد لله قفشته. هنا: ههههه، قفشته! أيان: أيوه، ابنك بطل. يلا سلام. هنا: سلام يا حبيبي. أيان: نامي انتي بقى، وأنا هرجع على المغرب كده. هنا: طيب يا حبيبي. (في مكان تاني) الأم: أنا نازلة. مليكة بتكبر: متتأخريش يا مليكة. مليكة: أوكي، باي. (فلاش باك)