رواية مطلوب حبيب الفصل التاسع 9 - بقلم منه محرم

ليلي: طيب بسرعة. مليكة: يلا تعالي. ليلي: طيب. مليكة: ليلي ثواني هرد على ماما. ليلي: طيب أنا هخش المطعم أسأل عليها عقبال ما تخلصي. مليكة: هتعرفي. ليلي وهي بتحسس: آه متقلقيش عليا. مليكة: طيب ثواني وجيالك. ليلي: تمام. بعد شوية. إيان: مش تفتحي يانسى. ليلي: ما أنا مش مفتحة فعلاً. إيان: أنا آسف بجد حقك عليا. ليلي: خلاص ولا يهمك. إيان: طب تعالي نشرب قهوة بدل اللي اتدلقت دي. ليلي: بس أنا مكنتش بشرب حاجة.

إيان: أيوه ما أنا اللي كنت بشرب تعالي اعزميني على واحدة تانية. ليلي: أنت هتستظرف وبعدين أنا مش عايزة أقعد هنا دقيقة واحدة. إيان: ليه كده بس. ليلي: أقولك ومتقولش لحد. إيان: قولي. ليلي: مدير المكان ده إنسان بارد ومعندوش دم. إيان بصدمة: بارد. ليلي: مالك أنت تعرفه ولا إيه. إيان: لا خالص معرفهوش كملي كملي.

ليلي وهي بتتريق: المهم جينا قعدنا على طاولة كده جه واحد قالنا قوموا دي طاولة المدير ومانع أي حد يقعد عليها ونينينينيني يتشك يا رب. إيان: آآآه. ليلي: مالك أنت كويس. إيان: آه آه كملي بس من غير دعاوى الله يكرمك. ليلي وهي بتشاور وصباعها جه في عينه: طب أنا اتأخرت ممكن لو سمحت تشوف لي لو في شنطة هنا. إيان بوجع: آآآه عيني. ليلي: أنا آسفة والله. إيان: أهي ياستي اتفضلي. ليلي: شكراً عن إذنك بقى. إيان: أوصلك. ليلي: لا لا شكراً.

الويتر: أستاذ إيان واحد اسمه عمر عايز حضرتك تحت. إيان: عمر طيب أنا نازل. ليلي بصدمة: أستاذ إيان نهار بجميع الألوان. ليلي: لو سمحت. الويتر: اتفضلي. ليلي: بقولك يا أخويا هو اللي كان واقف معايا ده مين. الويتر: ده صاحب المكان. ليلي: أحلف. الويتر: آه والله. ليلي: طب اختفي من قدامي ولا تختفي ليه استنى أنا اللي هختفي. مليكة: إيه يا ليلي لقيتي الشنطة. ليلي: آه يا مليكة تعالي خديني مشيني من هنا بسرعة. مليكة: في إيه يا بنتي.

ليلي: مافيش حاجة يلا نمشي بقى. مليكة: تعالي ياستي. بعد شوية. إيان: عمورييي عاش من شافك يا راجل. عمر: أنا كنت معاك امبارح. إيان: بزمتك. عمر: آه والله. إيان: أومال أنا حاسس إني بقالي سنة مشوفتكش ليه. عمر: معرفش المهم أنا عايز آكل. إيان: آه قول كده همك على بطنك. عمر: أيون. إيان للويتر: شوفوا عايز إيه. إيان: هجيلك تاني يا عمر ثواني. إيان للويتر: هي فين البنت اللي كانت هنا من شوية. الويتر: مشيت. إيان وهو بيبتسم: طيب.

الويتر: حضرتك أنت بتضحكلي. إيان وهو بيبصله بقرف: أنا ضحكتلك. الويتر: آه والله ابتسمت كده بسمة شرحت قلبي. إيان: ماتظبط يلا في إيه هو إيه اللي شرحت قلبك هو أنا مراتك. الويتر باحراج: عن إذنك. إيان: خد تعال. الويتر: أيوه. إيان: زعلت أنا كنت بهزر معاك يا رمضان إيه مبتهزرش. الويتر: اسمي محمد. إيان: امشي يا محمد ده أنت فصيل. تاني يوم. هنا: إياااان أنت مبتسم. إيان بخضة: حد يخض حد كده. هنا: لقيتك مبتسم يا إيان.

إيان: هدفع غرامة يعني ولا إيه. هنا بضحك: ههههه لا حبيبي بس أنت عمرك ما ضحكت ولا ابتسمت حتى. إيان: احم عادي يعني. هنا: ممممم كنت بتفكر في مين ياترا. إيان بكدب: مش في حاجة يلا أنا نازل الكلية. هنا: ااايان أنت كنت بتفكر في حد متتخبيش عليا. إيان: مممم شفت واحدة امبارح يا ماما في المطعم. هنا: مممم وبعدين. إيان: قلبي دق كدهو. هنا: كدهو. إيان: آه والله كدهو. هنا: وبعدين يا قلب أمي. إيان وهو

بيسند دماغه على الحيطة: وبعدين شعري طار. هنا: ماتخلص يا وله هو إيه اللي شعرك طار هو مسلسل هندي. إيان: زي ما بقولك كده. هنا وهي حاطة إيديها على خدها: وبعدين يا قلب أمي. إيان: بس. هنا: طب خدت رقمها. إيان: لا. هنا: طب قوم امشي روح الكلية امشي أه ما أنت أبوك كان روميو هتطلع لمين يعني. إيان: الله هبقى روميو وهي جولييت. هنا وهي بتحدفه بالمخدة: اصحى يا حبيبي اصحى ده أنت متعرفش اسمها حتى. إيان: معاك حق أنا همشي بقى.

هنا: ماشي يا حبيبي سلام. في الكلية.