رواية مطلوب حبيب الفصل الرابع 4 - بقلم منه محرم

كمال: ٩٩ سنة ياخبر، في أب يعمل كده؟ مالك: شوفت أب مفتري. هنا: اللهم طولك ياروح. مالك: أب مفتري. هنا: الصبر من عندك. مالك: أب غريب. كمال: خلاص ياحبيبي بقى. ولاء: سامحه ياكمال. كمال: علشان الموقف الشهم ده، أنا مسامحه. تعال في حضني ياحبيبي. مالك: حبيبي يابابا. (يبكي) بعد شوية. في المطبخ. هنا: خد هنا بقى، أنا أبويا مفتري ها؟ مالك: ياستي عايزاني أعمل إيه يعني؟ أقولهم إن فاضل ٣ شهور ونتطلق؟

هنا: والله تقوم تشتم في أبويا، لأ وتعند فيا كمان. مالك: يا ماما! ولاء: إيه ياحبيبي؟ هنا: والله أنت شايف إن كده صح يعني؟ مالك: هنادي عليها. ولاء: عايز إيه يامالك؟ هنا: بيسألك تشربي عصير ولا بيبسي. بليل. ولاء: فين أوضتي ياحبيبي علشان عايزة أرتاح. هنا (بتوتر وصوت واطي لمالك) : هنعمل إيه؟ مالك: أكيد مش هنيمهم في الحمام يعني. هنا: قصدك إيه؟ مالك: للأسف، هننام في أوضة واحدة. كمال: إيه ياولاد مالكو؟

مالك: ها، مافيش. اتفضلوا، الأوضة أهي. ولاء: طيب، هخش أرتاح بقى. يلا تصبحوا على خير. هنا: وأنتي من أهله يا حبيبتي. بعد شوية. هنا (وهي بتحط المخدات في النص) : دي ناحيتك، ودي ناحيتي. إياك، ها، إياك تيجي عند ناحيتي. مالك: طيب. الصبح. مالك (وهو بيقلدها) : إياك تيجي عند ناحيتي. أصحيها بقى أوريها إنها جت ناحيتي. مالك: هنا، هنا. هنا (بنوم وهي بتحضنه) : مممم، شوية بس. مالك (بشرود في ملامحها) هنا (وهي بتفوق) : عاااااااااا!

إده! مالك (وهو بيتعدل) : انتي جاية ناحيتي وكمان بتصوتي؟ هنا: والله طبيعي أصوت، لإن صحيت لقيت وش قصادي، عايزني أعمل إيه؟ مالك: اللي يشوفك يقول شفتي وش عفريت، مش وش بني آدم. هنا: أومال أنا شفت وش إيه؟ مالك: والله. هنا: هههههه، معلش بقى. مالك: طيب، يلا قومي. بعد شوية. هنا: هي مامتك وباباك كل ده نايمين، مش معقول. مالك: تلاقيهم أغموا عليهم تاني. هنا: طب صحيهم، أنا حضرت الفطار. مالك: طيب. مالك: إده، الأوضة فاضية.

هنا: هيكونو راحوا فين يعني؟ مالك: مش عارف. بعد شوية. مالك: الو، يا بابا، أنت فين؟ كمال: عامل إيه ياحبيبي؟ مالك: الحمد لله، أنت فين؟ كمال: رحنا شقتنا. مالك: ااايه؟ ليه؟ كمال: قولنا إنكم عرسان جداد بقى، نسيّبكم براحتكم. مالك: يا بابا، ليه بس؟ ما أنتوا كنتوا قاعدين. كمال: نجيلكم بقى لما تجيبوا نونو. مالك: كح كح كح. هنا: في إيه مالك؟ مالك (بصوت واطي) : بيقولي هييجولنا لما نجيب نونو. هنا: كح كح كح. كمال: مالك ياحبيبي.

مالك: أنا تمام، أنت كويس؟ كمال: آه كويس. مالك: ماما كويسة طيب؟ كمال: الحمد لله، بتسلم عليك وبتقولك مراتك عسل، أوعى تضيعها من إيدك. مالك (بشرود) : هي فعلاً عسل. كمال: يلا سلام ياحبيبي. هنا: إيه، راحوا فين؟ مالك: روحوا إسكندرية. هنا: لييه كده؟ مالك: قالوا عرسان. هنا: متكملش، خلاص. مالك: هههههه، طيب. بعد شوية. مالك: خليكي، هفتح أنا. هنا: تمام. مالك (بصدمة) : ننور.