رواية مطلوب حبيب الفصل الثالث 3 - بقلم منه محرم

ليلي: طيب بسرعه. مليكه: يلا تعالي. ليلي: طيب. مليكه: ليلي ثواني هرد على ماما. ليلي: طيب أنا هخش المطعم أسأل عليها عقبال ما تخلصي. مليكه: هتعرفي؟ ليلي وهي بتحسس: آه متقلقيش. مليكه: طيب ثواني وجيالك. ليلي: تمام. بعد شوية. ايان: ما تفتحي يانسة. ليلي: ما أنا مش مفتحة فعلاً. ايان: أنا آسف بجد حقك عليا. ليلي: خلاص ولا يهمك. ايان: طب تعالي نشرب قهوة بدل اللي اتدلقت دي. ليلي: بس أنا مكنتش بشرب حاجة.

ايان: أيوه ما أنا اللي كنت بشرب، تعالي اعزميني على واحدة تانية. ليلي: أنت هتستظرف؟ وبعدين أنا مش عايزة أقعد هنا دقيقة واحدة. ايان: ليه كده بس؟ ليلي: أقولك ومتقولش لحد. ايان: قوللي. ليلي: مدير المكان ده إنسان بارد ومعندوش دماغ. ايان بصدمة: بارد؟ ليلي: مالك أنت تعرفه ولا إيه؟ ايان: لا خالص معرفهوش، كملي.

ليلي وهي بتتريق: المهم جينا قعدنا على طاولة كده، جه واحد قالنا قوموا دي طاولة المدير ومانع أي حد يقعد عليها، ونينينينيني يتشك يا رب. ايان: آآآه. ليلي: مالك أنت كويس؟ ايان: آه آه كملي بس من غير دعاوى الله يكرمك. ليلي وهي بتشاور وصباعها جه في عينه: طب أنا اتأخرت، ممكن لو سمحت تشوفلي لو في شنطة هنا؟ ايان بوجع: آآآه عيني. ليلي: أنا آسفة والله. ايان: أهي ياستي اتفضلي. ليلي: شكرًا عن إذنك بقى. ايان: أوصلك؟

ليلي: لالا شكرًا. الويتر: أستاذ ايان واحد اسمه عمر عايز حضرتك. ايان: عمر، طيب أنا نازل. ليلي بصدمة: أستاذ ايان؟ نهار بجميع الألوان. ليلي: لو سمحت. الويتر: اتفضلي. ليلي: بقولك يا أخويا هو اللي كان واقف معايا ده مين؟ الويتر: ده صاحب المكان. ليلي: احلف. الويتر: آه والله. ليلي: طب اختفي من قدامي... ولا اختفي ليه؟ استنى أنا اللي هختفي. مليكه: إيه يا ليلي لقيتي الشنطة؟ ليلي: آه يا مليكة تعالي خديني مشيني من هنا بسرعة.

مليكه: في إيه يا بنتي؟ ليلي: مافيش حاجة، يلا نمشي بقى. مليكه: تعالي ياستي. بعد شوية. ايان: عمورييي، عاش من شافك يا راجل. عمر: أنا كنت معاك امبارح. ايان: بزمتك؟ عمر: آه والله. ايان: أومال أنا حاسس إني بقالي سنة مشوفتكش ليه؟ عمر: معرفش، المهم أنا عايز آكل. ايان: آه قول كده، همك على بطنك. عمر: أيون. ايان للويتر: شوفو عايز إيه. ايان: هجيلك تاني يا عمر ثواني. ايان للويتر: هي فين البنت اللي كانت هنا من شوية؟ الويتر: مشيت.

ايان وهو بيبتسم: طيب. الويتر: حضرتك أنت بتضحكلي؟ ايان وهو بيبصله بقرف: أنا ضحكتلك؟ الويتر: آه والله ابتسمت كده بسمة شرحت قلبي. ايان: ما تظبط يلا في إيه؟ هو إيه اللي شرحت قلبك؟ هو أنا مراتك؟ الويتر بإحراج: عن إذنك. ايان: خد تعال. الويتر: أيوه. ايان: زعلت؟ أنا كنت بهزر معاك يارمضان، إيه مبتهزرش؟ الويتر: اسمي محمد. ايان: امشي يامحمد ده أنت فصيل تاني. تاني يوم. هنا: اياااان أنت مبتسم؟ ايان بخضه: حد يخض حد كده؟

هنا: لقيتك مبتسم يا ايان. ايان: هدفع غرامة يعني ولا إيه؟ هنا بضحك: ههههه لا يا حبيبي بس أنت عمرك ما ضحكت ولا ابتسمت حتة. ايان: احم عادي يعني. هنا: ممممم كنت بتفكر في مين ياترا؟ ايان بكذب: مش في حاجة، يلا أنا نازل الكلية. هنا: ااايان أنت كنت بتفكر في حد متتخبيش عليا. ايان: ممممم شوفت واحدة امبارح يا ماما في المطعم. هنا: مممم وبعدين؟ ايان: قلبي دق كدهو. هنا: كدهو؟ ايان: آه والله كدهو. هنا: وبعدين يا قلب أمك. ايان وهو

بيسند دماغه على الحيطة: وبعدين شعري طار. هنا: ما تخلص يا وله، هو إيه اللي شعرك طار؟ هو مسلسل هندي؟ ايان: زي ما بقولك كده. هنا وهي حاطة إيدها على خدها: وبعدين يا قلب أمك. ايان: بس. هنا: طب خدت رقمها؟ ايان: لا. هنا: طب قوم امشي روح الكلية، امشي، آه ما أنت أبوك كان روميو هتطلع لمين يعنى؟ ايان: الله، هبقى روميو وهي جوليت. هنا وهي بتحدفه بالمخدة: اصحى يا حبيبي اصحى، ده أنت متعرفش اسمها حتى. ايان: معاك حق، أنا همشي بقى.

هنا: ماشي يا حبيبي سلام. في الكلية.