رواية متوحدة في قلب الصعيدي الفصل الرابع والعشرون 24 - بقلم بسملة مصطفي

صقر: مفيش يا حبيبي. انتي جعانة يا روحي؟ حور: الصراحة آه. صقر: ثواني يا حبيبي، الأكل يكون هنا. صقر طلب دليفري. حد من الحرس وصله ليه ورجع مكانه تاني. صقر أخد الأكل وحطه على الترابيزة. نادى صقر على حور عشان تاكل. حور قعدت أكلت وخلصت أكل. قاموا مع بعض. صقر: إيه رأيك بقى نعمل فكرة مجنونة؟ حور: إيه هي يا حبيبي؟ صقر: نطلع بالسفينة. حور بخوف: لا، أنا هخاف لو حصل حاجة وعطلت بينا لا قدر الله في وسط البحر.

صقر: متخافيش يا حبيبي. صقر للكابتن: أطلع يا كابتن. طلع الكابتن بالسفينة وبدأ يسوق بمهارة عالية. حور منبهرة من شكل الجزيرة من حواليها والطبيعة الخلابة وشكل البحر الجميل. حور كانت فرحانة قوي وصقر لاحظ كده وفرح على فرحها. اليوم عدى على خير وسط ضحك حور وصقر مع بعض. بعد حوالي أسبوع. رجع صقر وحور للفيلا. زين اتكلم مع صقر في حوار إنه عايز يتجوز لأنه لقي البنت المناسبة.

صقر أخده وراح اتقدم للبنت دي ووافقوا وحددوا ميعاد الفرح. فرح زين ونور كان بعد شهر. في خلال الشهر ده كان بيعيش أبطالنا صقر وحور أسعد لحظات حياتهم. جيه يوم فرح وكتب كتاب زين ونور. زين قرر يكتب الكتاب ويعمل الفرح في نفس اليوم. حور حست بدوخة وهي واقفة وجريت على الحمام استفرغت كل اللي أكلته. وشكت إنها حامل لأن بقالها كام يوم كده. قررت تعرف وحاولت تعرف إيه هي أعراض الحمل. ولقت إن كل الأعراض اللي بتجيلها أعراض حمل.

حور حطت إيدها على بطنها ودمعت بفرحة إن فيه هنا قطعة منها ومن صقر. وقررت مش هتقول لصقر دلوقتي وهتعمل له مفاجأة. جيه بليل والكل بدأ يستعد. حور كانت خلصت لبس وصقر كذلك. أخد صقر حور واتجه إلى القاعة. وأول ما دخلوه هناك من نظر لهم بسعادة ومن نظر ليهم بغل وحقد. وجه وقت رقصة السلو. أخد صقر حور ورقص معاها سلو. وحور همست في ودنه. حور: عايزة أقولك خبر حلو قوي. صقر بفضول: إيه يا حبيبتي؟

حور: فيه قطعة صغيرة هنا وهتشرف على الدنيا بعد تسع شهور. صقر بفرحة: يعني انتي حامل؟ حور: آه يا حبيبي. صقر حضنها قوي وما لفش بيها لأنه كان خايف عليها. صقر: انتي بجد فرحتيني قوي يا عيوني.