رواية متوحدة في قلب الصعيدي الفصل الخامس والعشرون 25 - بقلم بسملة مصطفي

زين أخد نور وسافروا على طول. شهر العسل بتاعهم كان في المالديف. صقر أخد حور للفيلا. صقر لقي حور نامت في العربية وهما في الطريق. صقر شالها بحذر علشان متصحاش. طلع صقر على أوضته هو وحور وحطها على السرير بحذر وغطاها. دخل يغير هدومه وجه قعد جنبها. صقر: انتي من ساعة ما قولتيلي وأنا مش مصدق نفسي. أنا حاسس إني في حلم مش مصدق إنك حامل. مش مصدق إن في نونو هيشرف الدنيا بعد كام شهر ويكون هو الرابط الكبير اللي بينا.

واللي هيقوي علاقتنا. أنا فرحان قوي بجد يا حور. يديمك في حياتي يا نن عيون صقر. جيتي وغيرتي حياتي. غيرتيها للأحسن. بحبك يا أحلى حاجة حصلت ليا في حياتي. وأخده صقر في حضنه ونام. في يوم من الأيام. حور كانت واقفة بتلبس علشان راحة للدكتورة. بتلبس دريس. كانت بتلبسه في الأول مدخلش فيها. حور بعياط: أنا تخنت يا صقر. إزاي بقيت وحشة؟ صحى ما فيش حاجة من هدومي القديمة داخلة فيا. صقر بحب: لا يا حبيبي أنت زي القمر.

حتى لو تخنتي بقيتي زي الملبن. أنتي قمر في كل حالاتك يا حوريتي. حور اقتنعت إلى حد ما. وخلصت ونزلوا راحوا للدكتور. مر شهور. كان زين وحور رجعوا من السفر وقاعدين مع صقر وحور في الفيلا. بناءً على رغبة صقر إنهم يكونوا مع بعض علشان يكونوا ذكريات حلوة كتير مع بعض. في يوم جديد. وفي الصباح كانوا متجمعين على الفطار. زين بضحك: بقيتي بطة يا حور. كفاية أكل البت هتيجي تخينة. صقر بصوت واطي: بس بلاها. هرمونات الحمل هتشتغل أهو.

وحور بغضب طفولي: أنا بقيت زي البطة بجد يا صقر. أنا تخنت. أنا قولتلك أنا تخنت. قزلتلي لا يا حبيبتي أنت زي القمر. صقر: قولتلك استنى. حور قعدت تعيط وفجأة. حور بصراخ: الحقوني بولد. زين بضحك: قديمة دي يا مرات أخويا. اتعودنا على كده. حور صرخت أعلى من المرة اللي قبلها. حور: أنا مش بكذب والله أنا بولد. صقر بتوتر: طب أعمل إيه. زين بضحك على حاله أخوه: خدها المستشفى يا صقر. صقر شالها وركب العربية وساق بسرعة علشان يوصل.

صقر أول ما وصل طلب ترولي بسرعة. الدكاترة أخدوها على العمليات. صقر كان متوتر قوي. وصل زين ونور المستشفى. زين قعد جمب صقر يطمنه إنها هتبقى كويسة. بعد فترة الدكتورة خرجت وماسكة في إيديها بنت. صقر عيونه دمعت وهو شايف قطعة منه ومن حبيبته قدامه. خدها من الدكتور وباسها وأذن في ودنها. خدها زين منه وباسها وداها ناحية نور تشوفها. نور: ما شاء الله زي القمر طالعة لأبوها وأمها. الدكتورة أخدتها ومشيت.

وبعد فترة حور خرجت لأوضة عادية. كان صقر قاعد على كرسي جمبها وماسك إيديها لحد ما تفوق. حور فاقت بعد فترة. حور: صقر فين بنتي. صقر جاب ليها البنت وشالتها ودمعت حور أول ما شالتها. صقر: هتسميها إيه. حور: إيه رأيك أسميها ليل. صقر: اسم جميل. حور قعدت يومين في المستشفى وكانت نور بتعمل أكل وبتروح ليها. وخرجت حور بعد ما اتحسنت. صقر كان مسندها لحد ما وصلت للأوضة ووراه نور ماسكة البنت. نور: محتاجة أساعدك في حاجة.

حور: شكراً يا نور. تعبتك معايا يا حبيبتي. نور: تعبك راحة يا حبيبتي. نور مشيت وصقر قعد جمبها ومسك إيديها باسها بكل حب. (نور حامل برضه يا جماعة) بعد كذا شهر تكرر هذا الموقف ولكن كان مع نور وجابت ولد. زين ونور سموا ابنهم أدهم. عدت سنين والأخوات عايشين في سعادة. بعد أربع سنين. كانت حور جابت ليل ويزن (بناءً على رغبة صقر إنه يسمي اسم مشابه لاسم أخوه) ورزان. وزين ونور جابوا أدهم وميرا وأسرة. بعد كام سنة.

كان يزن بقى عنده أربع سنين وكان أول يوم ليه في الحضانة. يزن جري على أوضة أمه. قعد يزن يشب لحد ما حاول يوصل لأوكرة الباب ودخل جري على أمه. يزن: مامي مامي. حور صحيت: نعم يا قلب مامي. يزن: عايز البث (اللبس) علشان أروح الحضانة. حور: حاضر يا حبيبي. كان صقر صحي. صقر مسكها من دراعها قبل ما تقوم: مين ده اللي حبيبك. حور: ها لا أنت اللي حبيبي. صقر ضحك عليها وسابها ودخل يغير. حور غيرت ليزن ولبسته.

صقر خرج ومسك إيد ابنه علشان يوصله للحضانة. يزن ترك إيد صقر وجري وقف قدام أمه. يزن: ماما عايز بوثه (بوسة) صقر مسكه من قفاه: عايز إيه يا أخويا. يزن: عايز أبوس ماما يا صقر. صقر بصدمة: ده بيقولي صقر كده من غير بابا. حور: معلش يا حبيبي. ينزل الولد كده غلط وهيزعل. يزن عمل نفسه زعلان. صقر بص له ودور وشه ليه: ده زعلان أنا اللي زعلان والله. يزن طلع لسانه. صقر بص له بصدمة وبعد كده نزله ومسك إيده علشان يوديه الحضانة.

صقر أخده ووصله قبل ما ينزل. صقر بحنية: مفيش حضن لبابي يا حبيب بابي. يزن حضنه ونزل. صقر رجع على بيته. كان الكل متجمع لأولاده قدام الشاشة بيتفرجوا على فيلم مع بعض. صقر ميل على حور وباسها قدامهم. صقر: أصبحتِ جزء مني من يوم ما كتب اسمك على اسمي. أصبحتِ شيء مهم في حياتي. جئتِ وتسللتِ إلى قلبي وأصبحتِ قطعة منه. بحبك يا حورية الصقر. زين ميل على نور وباسها. زين: بحبك يا أغلى حاجة في حياتي.

منذ أن دخلتي حياتي وتحولت حياتي لحياة جميلة بوجودك. أصبحتِ قطعة مني ولا أستطيع التخلي عنها. بعشقك يا نور الزين. صقر حاوط حور وعياله بذراعه وبصلهم وهو مبتسم. وكذلك زين ونور وعياله. صقر أخد صقر ليه هو وحور وأولاده وزين كذلك. وبعدين أخدوا صورة جماعية مع بعض.