رواية متوحدة في قلب الصعيدي الفصل السابع 7 - بقلم بسملة مصطفي

صقر نزل علشان يروح يشوف إذا كانت في الفيلا ولكن اتصدم لما لاقاها داخلة من الباب وعلى وجهها أثر عياط ووشها شاحب وباين عليه الحزن. صقر: خلاص يا أحمد، حور لاقيتها. صقر قفل معاه وتقدم خطوات قدام حور. صقر: كنتي فين يا حور هانم؟ حور بصتله وسكتت. صقر: أنا اتحدت معاك وبقولك كنتي فين يا حور هانم؟ ما احنا في البيت قالبين الدنيا عليكي وحضرتك كنتي فين؟ ما تردي ولا اتخرصتي؟ حور بصتله بعيون دامعة وحزن من كلامه.

صقر: ما تردي عليّ، هوا أنا مش بتكلم؟ حور بصتله وبصوت مبحوح من كثرة العياط: كنت في المقابر. وسابته وطلعت ولكن وهي طالعة حور كانت هتقع ولكن كان صقر أسرع منها ومسكها بسرعة. الاتنين تاهوا في عيون بعض ودامت هذه النظرات لمدة طويلة ولكن قطع هذه اللحظة. حازم: إيه اللي بيحصل أهنية؟ صقر اتعدل في وقفته وحور طلعت على أوضتها من غير كلام. صقر: لا مفيش يا أبويا.

حور طلعت على أوضتها وقررت إنها تمشي من البيت ده وترجع تعيش لوحدها من تاني. حور لمّت كل هدومها وحاجتها في الشنطة وخرجت ونزلت تحت. حازم: رايحة فين بالشنطة دي يا بتي؟ حور: أنا همشي من أهنية وهرجع الفيلا تاني. حازم: ليه يا بتي؟ إيه اللي حصل لكده؟ حور: مفيش يا عمي، عايزة أبقى لوحدي. حازم: مش هينفع يا بتي تقعدي لوحدك، خليكي أهنية وتقعدي في الأوضة لوحدك. حور: لا يا عمي، أنا قررت أرجع. وودعته وخرجت حور وركبت عربية توصلها.

وصلت حور الفيلا وفتحتها ودخلت على أوضتها رتبت حاجتها وبعد كده رنت على الخدامة اللي كانت بتساعدها في أعمال الفيلا علشان تيجي تنضف الفيلا. والخدامة جات وخلصت كل حاجة وعملت لها الأكل وحطيته على السفرة. الخدامة: الأكل جاهز يا هانم. حور: تمام. ونزلت تاكل وخلصت أكل والخدامة لمّت الأطباق وخلصت كل شغلها اللي جات علشانه. وحور حاسبتها علشان هي مش بتيجي كل يوم تنضف. الخدامة مشيت. حور طلعت أوضتها ونامت. صقر رجع للقصر

لقي الغدا جاهز قعد ياكل. حازم وصقر كانوا بياكلوا في صمت تام. قطع هذا السكوت صقر. صقر: زينب طلعت الأكل لحور ولا لأ؟ حازم: لأ يا ابني. صقر: ليه يا أبويا؟ مش أنا قولت أول ما الأكل يتحط قبل ما ناكل يطلعوا وكل لحور؟ صقر بصدمة: سابت القصر.