رواية متوحدة في قلب الصعيدي الفصل الثالث 3 - بقلم بسملة مصطفي

حور دخلت أوضتها وفتحت الباب وقعدت على السرير تعيط. مسكت صورة لأمها وأبوها وقعدت تعيط: "سبتوني لوحدي، أنا محتاجاكم قوي، سبتوني بدري أوي. أما بقيت تايهة من بعدكم. ارجعوا، آه." حور، وهي قاعدة، لقت حد بيخبط. مسحت دموعها وفتحت الباب واتصدمت لما لقت صقر قدامها. حور: "عايز إيه يا ولد عمي؟ صقر: "إنتي بتعيطي ليه يا حور؟ حور: "مفيش." صقر: "طب تمام، أنا كنت عايز أتكلم معاكي. بلاش تجربي تهربي تاني، لأن مصيرك هتيجي تاني هنا."

حور بعصبية: "أهرب ما أهربش، حاجة ترجع ليا يا ولد عمي." صقر اتعصب من كلامها وضربها بالقلم. صقر: "لما تتكلمي، تتكلمي معايا عدل، وإلا أنا هعدل لسانك ده أو أقطعهولك. فاهمة؟ حور بصتله بعيون دامعة. صقر بعصبية: "فاهمة؟ حور بتقطع في الكلام: "ف... ا... ه... م... ه." صقر سابها ومشي، وهي دخلت أوضتها وفضلت تعيط وتندب حظها، وإنها يا ريت ما كانتش سمعت كلام عمها وجت للبلد. حور نامت بعد فترة. *** عند صقر.

صقر قعد في الجنينة وهو متعصب من كلامها، واتضايق من نفسه إنه ضربها، وإنه مش متعود يضرب بنات، ودي كانت أول مرة في حياته يمد إيده على بنت. بعد تفكير كتير، صقر طلع أوضته، غير هدومه ونام. *** في الصباح. كلهم متجمعين على الفطار. حازم: "كتب كتابكم بكرة." حور: "أنا مش موافقة يا عمي." عن إذنكم، وجاية تطلع. حازم: "ليه يا بتي؟

حور عيونها دمعت: "لأن يا عمي، أنا مقبلش إني أكون مع واحد مد إيده عليا وضربني عشان كلام قولته. أنا إزاي هاضمن نفسي معاه العمر كله؟ حازم: "مين اللي ضربك يا بتي؟ حور: "صقر بيه، هو اللي ضربني." حازم: "الكلام ده صح يا ولدي؟ إزاي تمد إيدك على بنت؟ من إمتى وإحنا بنمد إيدينا على بنات؟ وبتستقوي عليها؟ وهتكون كمان كام ساعة مراتك على سنة الله. أنا مش ضامن البت معاك بعد اللي عملته ده."

صقر: "لأنها هي اللي مش محترمة. كيف تردي عليا؟ حازم: "ردت عليك في إيه؟ صقر: "حور هانم كانت هتهرب، وأنا شوفتها. ولما اتكلمت معاها بتقولي: أهرب ما أهربش، حاجة ترجع ليا يا ولد عمي. وبتتكلمي معايا بعصبية." حازم: "بص يا ولدي، لو مديت إيدك على بنت تاني، هقطعلك يدك، لأن دي مش عوايدنا. مش من عوايدنا نستقوي على حد." صقر: "حاضر يا أبويا."

حازم: "وإنتي يا بنتي، متزعليش منه، بس هو مبيحبش حد يتحداه. كتب كتابكم بكرة زي ما اتحدت معاكم." وطلع غرفته. صقر: "هخليكي تعرفي إزاي تقولي لا مش موافقة، بس لما تبقي مرتي." حور: ".........