رواية متوحدة في قلب الصعيدي الفصل الرابع 4 - بقلم بسملة مصطفي

صقر: حاضر يا ابوي. حازم: وانتي يا بتي متزعليش منه، بس هوا مبيحبش حد يتحدت معاه بعصبية ويتحداه. كتب كتابكم بكره زي ما اتحدتوا. طلع غرفته. صقر: هعرفك ازاي تقولي لا مش موافقة، بس لما تبقي مرتي. حور بصتله وسابته وطلعت أوضتها. حور طلعت فوق أوضتها وقعدت على السرير وقعدت تفكر هتعمل إيه. عينها جت على صورة ليها مع باباها ومامتها وانهارت من العياط وقعدت على الأرض ومكانتش قادرة تقوم وصوت شهقاتها بقى عالي.

صقر وهو متجه نحو أوضته سمع صوت عياط عالي وشهقات عالية من أوضة حور. صقر خبط على باب الأوضة، ولكن فجأة سمع صوت عياطها، توقف ومفيش أي صوت. صقر فتح باب الأوضة لقاها مغمي عليها. صقر شالها وحطها على السرير واتصل على الدكتورة. الدكتورة جات وكشفت عليها. الدكتورة: ضغطها واطي شوية عشان كده اغمي عليها، وأكلها ضعيف، ياريت تهتموا بأكلها شوية. ودي أدوية كتبتها لها، ياريت تاخدها بانتظام وأكلها يتظبط.

الدكتورة خرجت وصقر بعت حد يجيب أدوية. شد كرسي وقعد قصادها على السرير. صقر أول مرة يتحقق من ملامحها كده. صقر قعد يتأمل فيها. صقر: قد إيه انتي حلوة وجميلة وانتي نايمة، لكن وانتي صاحية لسانك ده... قاطعه. حور بعد فترة صحيت وأول ما صحيت لاقت صقر قاعد قدامها. حور: إيه اللي حصل يا ولد عمي؟ وانت قاعد في أوضتي ليه؟

صقر: وأنا رايح أوضتي سمعت صوت عياط، ولما خبطت فضلت فترة وبعد كده مبقاش في صوت، فتحت لقيتك مغمي عليكي على الأرض، طلبت الدكتورة وكشفت عليكي. حور: وقالت إيه؟ صقر: قالت إن الهانم مش مهتمية بأكلها وأكلها ضعيف، وإن ضغطك واطي، وادتني علاج. صقر قام جاب الأكل اللي خلى خدامة تطبخه وجاب علاجها. صقر حط قدامها الأكل. صقر: كلي يلا وخذي علاجك. حور: مليش نفس للأكل. صقر بحده: مش بمزاجك، كلي يلا عشان تاخدي علاجك. حور بخوف: حاضر.

حور أكلت وخلصت. صقر أداها العلاج. حور: العلاج ده طعمه وحش قوي ومر، عايزة حاجة مسكرة. صقر نزل جاب ليها شوكولاتة. صقر: كليها بعد شوية عشان العلاج بتاعك مفعوله يكون بدأ. صقر سابها ونزل. وهيا أول ما نزل فتحت الشوكولاتة وكلتها. وبعد شوية. حور قعدت على فونها شوية. ووصل رسالة لها من مجهول.

المجهول: أهلك مماتوش موتة طبيعية، واللي قالك كده كذب عليك، لو عايزة تعرفي ابعتي 100 ألف جنيه على الرقم ده وأنا هبعتلك سجلات صوت وأعرفك مين قتلهم. حور بصدمة: وأنا إيه اللي يعرفني إنك مبتكذبش عليا؟ المجهول: صدقيني مش بكذب عليكي، أول ما تحولي الفلوس على الرقم ده هيتبعتلك السجلات والقاتل. حور: حاضر، على بكرة هكون حولتهم. حور نامت وبعد كده صحيت تاني يوم. على صوت حد بيخبط على أوضتها. حور فتحت لقت صقر جايب الفطار.

صقر حط الأكل على ترابيزة صغيرة وجاب علاجها. صقر: فطارك أهو وعلاجك، تاكلي وتاخدي علاجك، يلا اقعد. حور قعدت من غير كلام فطرت وأخدت علاجها. وهوا طلع شوكليت أدهالها. صقر: خدي، بس متتعوديش على كده، هيا بس عشان بتقولي العلاج طعمه مر. حور أخدتها منه وهوا أخد صينية الأكل ونزل. حور لها حساب في البنك وفلوس من الشركة اللي باباها سابها. حولت الفلوس على الرقم وانتظرت رسالة من المجهول. واتبعت ليها تسجيلات صوت واسم القاتل.

حور اتصدمت من الاسم، لأن الاسم ده يكون صديق باباها وكان بيتقاسم الشغل معاه وله أسهم في الشركة، بس مش الشركة الأساسية. حور من الصدمة عيونها دمعت كتير من الريك اللي سمعته. واستنت معاد الغدا عشان تسأل عمها على موضوع باباها ومامتها. جه معاد الغدا. حور نزلت وقعدت معاهم وهيا ساكتة متكلمتش. حور بعد انتهائها من الأكل. حور: عمي عايزة أسألك على حاجة. حازم: اتفضلي يا بتي. حور: هو بابا وماما ماتوا إزاي؟

حازم: ماتوا موتة طبيعية يا بتي، بس ليه بعد السنين دي كلها بتسألي على الموضوع ده؟ حور: لأني يا عمي إنتوا بتكدبوا عليا، وبابا وماما ماتوا موتة مدبرة ومش طبيعية. حازم: مين قالك كده يا بتي؟ حور: تسجيلات الصوت دي. وفتحتها. وحازم سمع كل الكلام. حازم بصدمة: مين عرفك كل الكلام ده؟ حور: يعني إنت كنت عارف ومخبي عني يا عمي؟ حازم سكت.