رواية متوحدة في قلب الصعيدي الفصل الثاني والعشرون 22 - بقلم بسملة مصطفي

حور: موديني على فين؟ صقر: مفاجأة. حور بصت لصقر مدة طويلة. صقر أخد باله وبصلها. صقر: ما كنتش أعرف إني قمر كده. حور بكسوف: طول عمرك يا حبيبي. صقر: بتتكلمي كلام رومانسي في أوقات غلط. حور بضحك: معلش يا عيوني. صقر بص لها: براحتك. حسابك معايا في البيت. هعرفك إزاي تدلعي كده. حور: ماشي. وصل صقر وحور للمكان. صقر طلع شريطة سودة وربطها على عيون حور. نزل صقر من العربية وفتح باب العربية لحور. مسك إيديها ونزلها.

حور: طب فك البتاع دي، هقع. صقر: متخافيش، أنا ماسكك. صقر بدأ يمشي براحة لحد ما وصلوا لمكان قدام البحر. شال صقر الربطة من على عيون حور. حور بصت حواليها لقت المكان مزين بطريقة جميلة، فيه ترابيزة وكرسيين وعشاء وأغاني هادية شغالة. لكن بصت حور بصدمة لما رأت شيء قدامها. حور: إيه ده يا صقر؟ صقر بحب: ده يخت حور الصقر. حور بفرحة: أنت مسميه على اسمي؟ صقر: هو أنا عندي أغلى منك. حور حضنت صقر بحب وهو شالها ولف بيها.

مسك إيديها ودخلها وفرجها عليه. انبهرت حور من تصميمه الراقي وكم الغرف اللي فيه. دخلها صقر أوضة فيها هدوم وحاجات كتيرة ليها. اختار لها لبس تلبسه. واداها حريتها في اللبس لأنهم لوحدهم في المكان. حور خلصت، وأخدها صقر وخرجوا أكلوا مع بعض. صقر قعد حور على رجله. حور بكسوف: سيبني أقعد على الكرسي. أنا مش طفلة عشان أقعد على رجل حد. صقر بضحك: لا، أنتِ طفلة. حور بغضب طفولي: لا، أنا مش طفلة. صقر بحب: أنتِ طفلتي أنا.

حور بصت لصقر بحب. خلص حور وصقر أكلهم وقعدوا مع بعض وحكوا مع بعض كتير. أخدها صقر وطلع على سطح اليخت. وقفوا مع بعض وكانت حور باصة للبحر بحماس. صقر فهم قصدها. صقر: إيه رأيك ننزل البحر؟ حور: لا، أخاف أنزله بليل. صقر: متخافيش طول ما أنتِ معايا. حور: بلاش يا صقر، خليها للصبح. صقر بخبث: تمام. صقر خلاها مندمجة مع الجو وشالها ونط بيها. حور: أنت عملت إيه يا مجنون؟ صقر: مقدرش أشوفك نفسك في حاجة ومعملهاش.

حور: بس أنا قولتلك الصبح عشان بخاف من البحر بليل. صقر: وأنا قولتلك متخافيش طول ما أنتِ معايا. وبدأوا يسبحوا مع بعض. ولكن حصل شيء لحور خلاها تترعب. يا ترى إيه الحاجة اللي حصلت لحور؟ وإيه رد فعل صقر؟