رواية متيم بحبها الفصل الخامس عشر 15 - بقلم كنزي ناصر

ميان: إيه يا عم، رحت فين؟ وسام: هااا. ميان: هااا إيه بس، دا أنا بنادى عليك بقالى ساعة. وسام: لاء، معاكِ. ميان: شكلك سرحان في المزة. وسام: بصراحة، آه. ميان كانت متوقعة إنه يهزر، مكانتش تعرف إن دا هيبقى رده، فا حمحمت. ميان: احم، طب ما تعرفني عليها. وسام: هي مش موجودة دلوقتي، بس لما ترجع هعرفك عليها. ميان: اها، تمام، ماشى. أنا أكلت، هقوم بقا أغسل إيدي.

وفعلاً ميان قامت غسلت إيدها وراحت البلكونة، كانت مدايقة جداً من وسام، وكان فى فى دماغها كذا سؤال. ووسام خلص وراح وراها، وعرف من تصرفاتها إنها عايزة تسأل أسئلة كتير، فا جاب لها الهوت شوكليت بتاعها وجابله قهوة ودخل قعد معاها فى البلكونة. وسام: ها، عايزة تسألي فى إيه؟ ميان: مفيش. وسام: هو أنا مش عارفك يعني؟ ميان: أيوه، مش عارفني، انت لسه عارفني من فترة أصلاً. وسام بهدوء: طب خدي الهوت شوكليت بتاعك. ميان: بس أنا مطلبتوش.

وسام: بس أنا جبتهولك. ميان خدت الهوت شوكليت وفضلوا ساكتين شوية. ميان: أنا هدخل أنام. وسام: خلصي الهوت شوكليت وتعالى ننام. بعد شوية، وسام خدها ودخلوا، وميان نامت على السرير ووسام على الكنبة. بعد شوية. ميان: وسام. وسام: نعم. ميان: عرفت منين إني بحب الهوت شوكليت؟ وسام: طلبتيه كتير. ميان: بس أنا طلبته مرة واحدة قدامك. وسام بتوتر: علشان كدا جبتهولك. ميان: امممـ، ماشي. وسام: نامي يلا. ميان: ماشي. بعد شوية. ميان: وسام.

وسام: أيوه. ميان: انت صاحي؟ وسام: لاء، بكلمك من العالم الآخر. ميان: بطل رخامة. وسام: اسألي يا ميان. ميان: عرفت منين إني بخاف من الضلمة؟ وسام: مين اللي قالك؟ ميان: انت. وسام: أنا؟ ميان: آه. وسام: بس أنا مقلتش. ميان: لاء، قلت قبل ما تقفل عليا وتمشي. وسام: قلت إيه؟ ميان: قلتلي: "لولا إني عارف إنك بتخافي من الضلمة كنت حبستك في الدولاب وقفلت عليكي". وسام: مش فاكر. ميان: وسااااام. وسام: معروفة، أي بنت بتخاف من الضلمة.

ميان: اممم، طب. وسام: ميان، يلا نامي وبطلي وش، عاوز أنام. ميان: طيب، تصبح على خير. وسام: وإنتي من أهل الخير. وكل من أبطالنا راح في النوم. عند ميان كانت بتحلم. كانت ميان قاعدة في أوضة ضلمة وكانت عمالة تعيط. وسام: ميان، ميان. ميان: انت كنت فين؟ أنا خايفة. وسام: متخافيش، أنا معاكي، تعالي. كان فيه حاجة في الكهربا وبتتصلح تحت. وسام خدها وخرج وشغلوا الكهربا.

وسام صحى على صوت ميان وهي بتنادي عليه وراح عندها، لقاها نايمة لسه، فا باسها وفضل قاعد جنبها يتأمل ملامحها لحد ما راح في النوم. وجه تاني يوم. ميان: تووووووووووووووووووت. وسام صحى بسرعة. وسام: في إيه؟ الله يخربيتك. ميان: انت نايم هنا بتعمل إيه؟ وسام: إيه دا؟ هو أنا نمت؟ ميان: آه يا أخويا. وسام: طيب. وسام قام ودخل الحمام، خد شاور وطلع وهو لافف باشكير حوالين وسطه، وكان شعره منعكش وكان شكله حلو أوي.

ميان أول ما شافته: عاااااااا. وسام: في إيه يا بنتي؟ ميان: لاء، لاء، عاااا. وسام: بت، في إيه؟ ميان وهي حاطة إيدها على وشها: انت إزاي تطلع كدا؟ مش في واحدة معاك في الأوضة دي؟ وسام: أهم. ميان: إيه اللي أهم؟ وسام: المفروض يعني أعمل إيه؟ ميان: المفروض تحترمني، وزي ما أنا مبطلعش زيك كدا، انت كمان متطلعش كدا. وسام: امممـ، ومين قال إني مش عايزك تطلعي كدا؟ ميان: هااا. وسام وهو بيقرب: هااا إيه؟ ميان: وسام، ابعد.

وسام: أنا قاعد في أوضتي، أعمل اللي أنا عايزه. ميان لازقة في الحيطة: احم، بس انت مش قاعد فيها لوحدك، فا لازم تحترم نفسك. وسام: أنا قاعد مع مراتي، يعني أعمل اللي أنا عايزه. ميان: وسام. وسام: نعم. ميان: ابعد. وسام: ولو مبعدتش؟ ميان لاحظت مفتاح عربية وسام، وبحركة سريعة منها مسكتو وبقى على رقبة وسام. ميان: هااا، مش قولتلك تبعد بالذوق؟ وسام: بتسبتيني؟ ميان: وهغزك كمان. وسام لفها مرة واحدة وخد منها المفتاح.

وسام: ها، كنتي بتقولي إيه بقا يا قطتي؟ ميان: هااا، هو أنا أقدر أقول حاجة برضو؟ وسام: اها، طب نتلم كدا ها. ميان: حاضر. وسام قرب منها ووضع بوسة على شفايفها. وسام: بتبقي قمر لما بتسمعي الكلام يا قطتي. ميان وشها قلب طماطم وطلعت تجري على الحمام. وسام وهو بيضحك على آخره: مجنونة. وسام دخل غير ونزل علشان ياخد أحمد ويروح عيد ميلاد بيرى. وسام: ها، جاهز؟ أحمد: أيوه، يلا بينا.

وسام: عايزين ناخد بالنا من كل اللي هناك، وأول ما تيجي تبعت الأسماء لمنير باشا، وهو هيجيبلك ملف لكل واحد فيهم فيه كل المعلومات عنهم، وهتجيبهم وتجيلي بكرة بعد ما أخلص التدريب. أحمد: تمام. وخدوا وراحوا على عيد الميلاد، ولقوا بيرى كانت واقفة مع مجموعة من الناس، بس أول ما شافت وسام، استأذنت وراحت على وسام بسرعة. بيرى: أهلا أدهم، إزيك؟ وسام: الحمد لله، انتي عاملة إيه؟ بيرى: بخير طول ما انت كويس. وسام: كل سنة وإنتي طيبة.

بيرى: وإنت طيب يا أدهم. أحمد: احم احم. بيرى بضحك: ازيك أثر؟ أحمد: الحمد لله، كل سنة وإنتى طيبة. بيرى: وإنت طيب. أحمد: طب أنا هروح أنا بقا. وسام بتفهم: ماشي يا عم. وفعلاً أحمد مشي. بيرى: إيه يا عم الغيبة دي، موحشتكش خالص؟ وسام: كنت تعبان، بس معلش يا عم، تتعوض. بيرى: أدهم، ما تيجي نرقص. وسام: طب. بيرى: أدهم، بليز، يلا. وسام قام معاها فعلاً وبدأ في الرقص. بيرى وهي بتقرب منه. بيرى: كدا متسألش عليا طول الفترة دي؟

وسام: قولتلك كنت تعبان. بيرى: هتيجي تاني إمتى؟ وسام: مش عارف. بيرى: أديك عرفت المكان، هستناك بعد بكرة الساعة 9. وسام: هحاول. بيرى: بيرى، لاء، هتيجي. انت متعرفش انت وحشتني إزاي. وسام: أنا. بيرى: احم، أنا هروح أجيب حاجة نشربها. وسام بتسرع: لاء، لاء، مش عاوز، أنا شارب قبل ما أجي. بيرى: لاء، لازم تشرب معايا.

بيرى راحت تجيب لهم حاجة يشربوها، ووسام مكنش عارف يعمل إيه، هو مش عاوز يشرب لأنه مبشربش أصلاً. بعد شوية بيرى جت وكانت جايبة. كاسين. بيرى: اتفضل. وسام: بيرى، مش هقدر أشرب. بيرى: لي؟ وسام: تعبان جداً. بيرى: لاء، لازم تشرب، أنا هشربهولك بنفسي. وسام كان لازم يشرب، وبيرى بدأت تشربه. بعد شوية. وسام: لاء، أنا لازم أروح. بيرى: في إيه؟ مالك؟ وسام: تعبان شوية. فين أـ. أحمد: بسرعة، إيه دا؟ في إيه؟ بيرى: مش عارفة.

أحمد: معلش يا بيرى، أدهم تعبان، فا أنا هروح. بيرى: طب أنا هاجي معاكوا. أحمد: لاء، خليكي، هتيجي إزاي والناس دي. بيرى: .......